Why. 12:3 - Alkitab bahasa Luang

³ Me a'umkek wal lia lyanti de hadomdom etla de edonna tamkek targa. De niy liawna mermera ida, de o'tani wo'itu me dudallu termida. La o'tani nenenna, de rnair momuoga wutu-lai ida.

Why. 12:3 Iomraidhean Croise

Dan. 2:41

Nhor demade ray id owa'ana, mak kodi plolli la lodna-hairi (kerajaan) dom to'a nmai pia nhernu-nwaga. Lodna-hairi di tuna namkek nana la mi'imu de ralamni emeka atiehra de lakni nora okarni maka oke' de tan miera, me la oke' de mnotna, ha ntutga de hota lodna-hairi de rahniakra. Mere hota ruri-lai oke'a ed ma'ta la'a lodna-hair die emeknekama mnotna maka e nawaha' ma'ta tan mier de.

Dan. 2:42

Lakni okarni oke' de mnotna, oke' de tan miera pa hota nnia'eratni de lodna-hair de la' lera dom de itamkeka naruri, me ler dom de nakleh ruri.

Dan. 7:20

Me agiwra gat niohor walia la'a dudul termida makden la o'tani me la' walia dudul ku'uni maka na'nama kmor die, noma na nlehga dudallu wotelu mak kmori ulu re. Dudul ku' de nnair matni me nodia nurnu pa nakot nohora mamainia e tulanni-petanni. Itamkeka de it wullu rapriri yoma lol to'am la dudallu re korni

Dan. 7:24

La'pa dudallu termida re de ray termida maka hota rodi plolli la la'a lodna-hair de. Nhor nioma hota ray id to'a mak kmai owa'ana, de lol to'a la'a ray miaka kala'ulu re, ne hota e' ed maka kala ray wotelu re la' yawa.

Why. 12:1

Noma plin-plinnianamde tamkek la lyanti de hadomdoma namehi-nayona. De patke' ida nhi'a lera la naniayarni pa nhapar rer lia wolla. La o'tani de nnairia wutu-lai maka rala wtiona termida wehrani wor pua ra ralipa-ralaiya.

Why. 12:13

La'pa niy liawan de natga de rhopli oleka la noha wawannu, pede nhapartikil targho'a pat maka kayoria a'na muanke' de.

Why. 12:17

Noka niy liawna nahankeran doin la' pat de, pa la nhokra-nlai tiargho'a patke' de a'nani korni, de la'a riy honona mak khu'ru-khelam la Uplerlawna lirni-tunnu me rakot nohora Yesus.

Why. 12:4

Nnairia li'irnu pa na nnunia wtiona no' lyanti re la' nhiakra wotelu ralamni (sepertiga) pa nwalia la nohkerna wawannu. Nhor nioka niy liawan de ntutrier lia pat mak kiwa kmor die gaini totpena niwa nlumua a'nani.

Why. 12:7

Dewade ar lawna la Ilyamou-Watyatoha. Uplerlawna hopopanni o'ta-mata ida mak kwawa Mikhail, nora hopopanni re, rtutria niy liawan de. Ne niy liawan de hopopanni mana rre' teman la niy liawan de pa rrora Mikhail ra'ara.

Why. 12:9

Mere enor wutga hopopanni re, de rnaklia la pliorni pa rerun la nohkerna wawannu. Hadi de niy kolkuolu inhatta mak kwawa Hegana amlawanni onde Setan inhatta maka kodia pudi-akla la rimormiori nohkeran di.

Why. 13:1

Noma a'umkek nan walia hamormiori ida nlergot la tah'i lawna ralamni. Hamormior die dudallu termida me o'tani wo'itu. La dudallu honona re, de rnairia wutu-lai nenenna. Me la' o'tani re de e rhorat targa nan yapolu-yaliella la Uplerlawna yoma niwra e' de Uplerlawna inhat e'a.

Why. 13:2

Hamormiori miaka a'umkek nan de, de emolmolan nekama oh dawar mak klol au hananni. Ne lakni emolmolla beruang, ne hgotni emekneka ohdawra mak klihir matmata-khaw riarara hgotni. Dewade niy liawan de nala rurni-laini me tullu-petan wamueheni la hamormiori die.

Why. 13:4

Ne honona re ra'uli niy liawan de yoma enal oleka plolli-mneheni la hamormiori die. Ne ir mana ra'uli wialia hamormiori die (yoma rwarora de Uplerlawna inhatta hade). Pede honona re riwra: “Riy id mana edonna nareh niana hamormior di! Taken niana riy rora hadi ra'ara, yoma hamormior di naruri-nalai miemna!.”

Why. 15:1

Nhorwua noma a'umkek nan la Ilyamou-Watyatoha de hadoma mak kamehi-kayona me edon tamkek targa. A'umkek la de Uplerlawna hopopanni riy wo'itu mak kodi plolli la mehra-mau lawna la' hohoni wa. Eda di de la'awa hohoni la Uplerlawna Nhuri-nwalia hankeranni-ralmha'arni.

Why. 16:13

Noma a'umkek nan walia hegana wotelu, de yamkekni emekneka kakhar gera. Ida nlergot la niy liawan de wawni ralamni, id la hamormiori mak klergot olek la tah'i lawna de wawni, me id owa'an la hamormiori mak kalahar pa khi'a makwohorulu-ktatrulu, die wawni.

Why. 17:12

Dudallu termida maka mumkeka re de ray termida mak edonna kte'la ma'ta la kniarni. Mere hota rala plola-mneha tniorna-riautu la ira pa rodi plolli emekwali hamormior die, pa ror rewre'wa hamormiori die rtorna-rrautu edon nalo'on wali.

Why. 17:16

Dudallu termida maka mumkeka re, de ray-ray hare. Ne ror wutga hamormior die rewre'wa pa edon rtelan nana-raut nan owa'an patke' yatyat de. La' hade pede hota ir rler teman la patke' yat de pa reyahru hyonni-hyanni honona, me rhi' nana de natliawihi. Ne hota rtota inonni pa rlihir matmata-rhaw riarara patke' de ne rrinnia la ai mormiori ralamni.

Why. 17:7

Noma hopopan de nakot mai a'u niwra: “Hyalia, nihya'pa o' ema rtaplelleltaru emkadena?! Mai pia a'ukot nohora o la hya' mak kayade'ela patke' dena me mak kayade' wal lia' hamormiori maka ha nha' nan de. De hamormiori miaka o'tani wo'itu me dudallu termida.

Why. 19:12

Matni emekneka ai miormiori, ne la o'tani de wutu-lai harahu ranie'era. La inonni de e rhorat targa nan memeh'a ida, ne hota Enmeh'a nanpena ed mak kat niohora nnia'eratni.

Why. 20:2

Dewade ntorna niy liawan mak kolkuol die, maka rhoiya la Hegana amlawanni onde Setan inhatte, pa nkenia ranti la limni totpena naknioh niana la anni riwnu id ralamni.