Why. 1:3 - Alkitab bahasa Luang

³ Puk di, de makwohorulu-ktatrulu (nabi) lirni hadi, ne he' mak kpaikia puka la nhiopun lawna me mak katlina puk di lirni pa rlernohor reria, de hota rler la unut lawna yoma hota edonna nalo'on wal pia hare honona maka rakot nohora la' puk di de nwakrian wia.

Why. 1:3 Iomraidhean Croise

Rano'a 8:34

La'pa he' natlina-natailla mai a' die hota nlernana unut lawna. Lera-ler nekpa nwewiei-nnarnar a lia a nhia'ru gaini yoma niwra nor a lia roma ida.

Mat. 24:15

“Makwohorulu-ktatrulu Daniela nakot nohora la' ululu memna la'a hya' mak khi' akdeha-aktiahlia gen lululi la Uplerlawna roma kreini ralamni narieiniande Uplerlawna Nawenna. Pede la'pa hya' maka Daniela nakot nohora ntutu-nte'ela de, miy miaka mpiaik nana e lirni de mnia'erit nana lirni de nnia'eratni!

Luk. 11:28

Mere Yesus Nakot la Niwra: “La' plollolli de la'a riy mak klernan unut lawna de he'-he' to'a maka katlina-katailia Uplerlawna lirni-tunnu!”

Roma 13:11

Pede mtiulla-msiayni, mira'a-mipalga rimormiori wialmi, yoma miy e mhioratreria lera-mela meni hari. La'a ler maka na'nama itpesiaya de rlardoin memn olekwa. Ler maka hota Orgahi-Orha'a Nmai pia Nalewn ita de e rrehgorg olekwa. Ntutu-nte' olek meman la' ler maka twehwa-tlakat la plollol wawannu. Hota emeknekama la'pa mela nhi' pa nrepar wa de riy ramat la dudu ralamni, de hota emkade walia la'a Orgahi-Orha'a maimiaini rehgoru olekwa pede yana itsi'a nhioli-lieta melmelli gahani. Hota itwehwa-tlakat la leler gahani de emeknekama keki-rautu maka it tnairia.

1Ptr. 4:7

Ina-nara ama-hyali, nohkerna-rai miaran di de hota nwakrian pia nler la hohoni (noha niata). La hade pede mpiaror samomuou me miatu miodi inonmi totpena mrian ralammi la Itmatromlawanni pa msiumbain rer lia.

2Ptr. 3:8

Ina-nara mak kden la a ralmu, mhioratreria! La'a Orgahi-Orha'a yamkekni la lera ida de emekwalima anni riwnu ida. Yoma la' lera ida onde anni riwnu ida yamkekni la Orgahi-Orha'a de ramneneha.

Why. 22:10

Ne a'ukot tiy o' de: Yan memmemna muwunmua lira-tun muaka ha rakot targa la Puk di ralamni. Yoma hota lerni-melli la mak ha rakot taru ri nler pa nmai wia.

Why. 22:12

Mpiahniorta Yesus lirni hadi: “Hota edon nalo'on wali ne Amuai, ne Agodia siewa-kai pa Agala wuahla rimormiori hihi'ini-yapyapni. Siewa-kai die nlernohora hya' maka ha rhi' nan oleka wa.

Why. 22:20

E' maka kakot nohora hare honona re plollolli, ed mak kiwra: “Plola pa Alier pa Amuai wia.” Ne Yohansi a'ukot walia: “Plola, Orgahi-Orha'a Yesus Mmuai wia.”

Why. 3:11

Hota Alier pa muai wia. Mitiak rer kalwiedweda hya' maka miy hanmi, totpena yana riy id mana na'ala hya' maka ha mi'unut nana.