Why. 1:16 - Alkitab bahasa Luang

¹⁶ Limni malganna Ntorreria wtiona wo'itu ne la'a nurnu de nage'gota wehla ya'ara ida, naplokra la to'orni-gaini. Gaini reprepar momuou pa emeka lera hititni-repreparni la lera nwawuau ro'onni.

Why. 1:16 Iomraidhean Croise

Nhiara 45:3

La' o' de muanu mak inonni namanmuanu me gaini samomuou rehia. Omultier de ltiermu nkerna la plollol wawannu. Yoma Uplerlawna Ntera-ndem rereri o'a.

Dan. 12:3

La'a riy maka katu kwarora-kwalai niohora Uplerlawna talan plollola de hota liplipa-kamka'ma emeknekama lyanti lipni-ka'mani. De he' ed maka kwatutu-kwaye'a rimormior wiali la kalwiedni-paitiotni de hota yamkekni de emeknekama liplipa-kamka'ma makden la lyanti pa nodi liarni.”

Dan. 8:10

Dudul de yeher to'ama nlawlawan lola ne hota narur pia nlewria makodi keki-rautu la'a Ilyamou-Watyatoha mak ha riwra wtiona riwnu-halli pa nhi' nan de wtiona dom de rtuin la tani wawannu na'nama nwatei-nwahapra.

Mat. 17:2

La'pa rwatniar temna Yesus de gaini to'ama. Yesus gaini emeknekama lera mak kreprepra me naniayarni liplipa-kamka'ma.

Kisah 26:13

Ne la'pa lera nwawuau ro'onni de a'g ed ma'ta la talan letgara,. Noma umkek nana wriai liawna id la lyanti de hitni-reparni rehia lera, tuna. Wriai hita-repar, de nle'lu rer a'u me riy maka agora talla re wali.

Epsus 6:17

Yamori-yalewna maka mrieinian oleka de hota emolmolan neka hya' maka ha nahewu o'tami totpena yana arwalli kekni-rautnu ntaiya. Me mniairia Uplerlawna lirni-tunnu maka E Nhiw Lululli Nala tiy miy pia emeka wehla ara.

Ibrani 4:12

Hota twaleran pa tlernohora Uplerlawna lirni, yoma Uplerlawna lirni-tunnu de ha naruri-na'orta pa emolmolan neka wehla ara, mak kaplokar la to'orni-gaini. Lir de emeknekama wehla ar maka nuh'a la arna nora nhiwa rieiwiutnu la'pa nodi liarni la'a ruri toptopa me kriahlu yoma Uplerlawna Nawerta-nataili rimormiori wniarorni-wnialaini mak kayade'a.

Why. 1:20

Wtiona re wo'itu de nnia'eratni, de Uplerlawna hopopanni-lili'irnu la'a krei wokni re wo'itu, ne wa'du wniatatgenni re wo'itu re, de nnia'eratni krei wokni wo'itu irhatta. Hade de nnia'eratni la' wtion mandiditu mak omumkek oleka la A li'mu walli malganan de, ne la'a wa'du wniatatgenni wo'itu mak ha rwewal nana la maha.”

Why. 10:1

Noma a'umkek nana hopopna mak karuri-kalai id to'a nwatiawu Ilyamou-Watyatoha pa nernu, de wowta-kakma npupun nana pa emek naniayarni, ne ohni ida, nle'lu nan o'tani. La' gaini mana emeka lera layarni ne lakni emekneka ai lomarni.

Why. 12:1

Noma plin-plinnianamde tamkek la lyanti de hadomdoma namehi-nayona. De patke' ida nhi'a lera la naniayarni pa nhapar rer lia wolla. La o'tani de nnairia wutu-lai maka rala wtiona termida wehrani wor pua ra ralipa-ralaiya.

Why. 19:15

La' mak knairia raini npenpuen lia rara de, wawni ralamni de wehla ya'ara ida nlergotgota de namnarnarta. Ne hota wehla mnarnarat de ed mak kodia pa na Ntipna-nhewra rimormioria noheri woru pa hota Entorna-nrautia de emekneka mak knairia lie'ena mnotna. E' ed maka kwatei-kwahapra arwalli pa emekwalima riy rwatei-rwahapra anggur wo'a pa ra rahmia anggur turnu. Emkade pede Ntutga Uplerlawna Makodi plolli pa nodi liarni, hankeranni-ralmha'arni la'a nohkeran di mniotni onnila do'oni-halli lawan rehia.

Why. 19:21

Noma Nala wehla ya'ara mak klergot la wawni ralamni de pa na Ntipna-nhewra hare honona mak klernohora hamormior die pa iha re mana ema ruran nana mak ha rwenan nana re ya'anni. Noka ra'an pa rpeher memna.

Why. 2:1

Noka Wutmueha-Laimieha Nakot mai a'u Niwra: “Lira mak hota mhuorta la'a hopopna-lili'iru la'a krei mutnu la' leta Epsus, de lirni emkadilla: A'g ed mak ktorna wtiona wo'itu la li'mu malganan de, ne Alioha-lilia pa Alina-muata kmeha-kmeh la wa'du wniatatgenni maka rwewal nana la' maha re pa giwra:

Why. 2:12

Noka Wutmueha-Laimieha Nakot owa'an mai a'u Niwra: “Lir mak hota omhuorta la hopopna-lili'iru la'a krei mutnu la leta Pergamus de lirni emkadilla: A'g ed mak ktorna wehla ara mak kamnarat la to'orni-gaini. A nnio'u emkadi:

Why. 2:16

Dodo'ondi A'ukot tiy miy totpa mhioitio'ora-mtiahnei lia do'omi-halmi re. La'pa edonan de, edon nalo'on wali pia hota Aghapartikil nohora miy lia genmi, pa Agala wehla ara, maka A'ukloman rer die pa gatipna-ghewra miy mak edon mhioitio'ora-mtiahnei dioinia do'omi-halmi re.

Why. 3:1

Noka Wutmueha-Laimieha Nakot owa'ana mai a'u Niwra: “Lir maka omhuorta la hopopna-lili'iru la'a krei mutnu la' leta Sardis, de lirni emkadille: A'g ed mak ktorna Uplerlawna nhiw mandiditnu, me wtiona mandiditu, A nnio'u emkadi: Agat niohora hya' maka mhi' oleka wa. Riwra miy e mmiormiori. Mere miy de e mmiati olekwa.