Why. 1:13 - Alkitab bahasa Luang

¹³ La' letgar la wa'du wniatatgenni re de, riy ida e Ntutrier lia de yamkekni emeknekama mak ha rweta la Rimormiori A'na. Naniayarni de raini plalahwa. La'a ihranu de rala maha ra rwowa.

Why. 1:13 Iomraidhean Croise

Dan. 10:16

Nhor nioma lili'ru-hopopan id maka emeknekama rimormiori nalgot limni pa nheik la a niwtu. Noma ukot la agiwra: “Tune, yamkek di de nhi'nande a ralmu nmaduka-nmadak rehia la'pa aruple'a ntai a' pua a' ino'nu nakleh et miemna ruri-lai.

Dan. 7:13

La'a yamke'ku ralamni, la' mel de, de a'g umkek nana emeknekama rimormiori ida nmai. La'pa nmai die nodia kakma nwatiawu la lyanit tulu. Noka rod tiemna la Uplerlawna makden la' ululu meman pa la'pa nodi liarni de, gaini ralamni.

Dan. 7:9

La'pa a'g tiepartarlia umkeka de: Er re'era-rtatra liwangeni-mtatangeni wo'ira-wo'ira. Dewade Uplerlawna makden la' ululu meman pa la'pa nodi liarni de Namtatna la liwangeni re ida. Naniayarni nora moratnu de wawahra emekneka me ah'wa yakidma. Liwangen die nodi rodni pa nora rodni re rdudmu-rlairi, yoma ai lomarni.

Ibrani 4:15

Yoma Yesus, makhi' makpolu-makwak la Uplerlawna la it rerieini Natu Ntulla-nsayn meman nohora ita mak kler la do'a-hala ralamni onnila takleha ruri-lai. Enat niohora Ntulan la ita yoma la' ler maka Enden rer lia nohkeran di wawannu de Enler walia la norniori-tamtama, yapi'u-yaga'u, pa emekwali ita. Mere la' E' de edonna Nhi' do'a-nyap hiala.

Why. 14:14

Nhorwua noma a'umkek nana kakam wok wawahra ida. La'a kakam de wawannu, yamkekni emolmolla Rimormiori ida e Namtatna. La o'tani de e Nnairia wutu-lai miaha. Me e Ntorreria wehla plalahwa ploklokra [sabit] maka rnairia pa ra rorin la nhyi' ralma.

Why. 15:6

Noma hopopna wo'itu mak kodi plolli la mehra-mau liawna re wo'itu mana, rlergot la Uplerlawna romni ralamni. Honona re naniayarni maka ratenin nana la ahwa mnurnuhru, de rmou-rwitna me liplipa-kamka'ma. Ne ihranu de ral maha ra rwowa.

Why. 2:1

Noka Wutmueha-Laimieha Nakot mai a'u Niwra: “Lira mak hota mhuorta la'a hopopna-lili'iru la'a krei mutnu la' leta Epsus, de lirni emkadilla: A'g ed mak ktorna wtiona wo'itu la li'mu malganan de, ne Alioha-lilia pa Alina-muata kmeha-kmeh la wa'du wniatatgenni maka rwewal nana la' maha re pa giwra: