Rut. 4:4 - Alkitab bahasa Luang

⁴ La a wniaro'ru de ononni o' pa samomuounu de a'ukot nohora totpena omuat niohor memna. Emkameni la o wniarormu la' tan diena? La'pa omiwra muwelia pa mtieman reria de mukota totpena ama-yei lieta ri la'pa riy honona mai handi rat niohor memna. Mere la'pa muhmen de mukota, totpena tat niohora momuoga! Yoma itro' nanpena todi plolli la nohanna-taniarta re. Mere o' edonan nanpena a'u.” Noma hyalli de niwra: “Yowa a'uwelia wa!”

Rut. 4:4 Iomraidhean Croise

Puka Pianullu 23:11

Efron niwra: “Edonna ama, mutlin mai a'u. Nhyi' de agala tiy o'a, me lien de mana agal walia tiy o'a. Ne ina-ama rlin reri-rmat reri mak a'ukot di pede hota mtiamnia hapmu la gen die.”

Puka Pianullu 23:18

rala la Abrahama emolmolla tani ya'olu-yala'a, la'a Heta duratni-waitni gaini ralamni, de ina-ama mak kmai lia puohra leta gaini.

Roma 12:17

La'pa mliernana riy rhi' yatyatni la miy, de yana mpiahla nohora hya' ed maka ha rhi' re. Miala samomuounu pa ma mpiahla. La hya' honona maka ha mhi' nana de, mhi' reria totpena riy honona ramkek nana de miy die rimormiori samomuou miy.

2Kor. 8:21

Amiwra mhi' hadom de lol toto' memna rimormiori nora Itmatromlawanni ralma-riorni.

Pilipi 4:8

Demade hononmi mkienia mak kalwieda-paitiota la' ihrami-ralammi. Mpiaror nohora hya' mak kaplola, de mak kodi ya'uli-yawedi, hya' maka samomuou ne mak kakleha do'a-hala. Mpiaror nohora hare, yana mpiaror nohora yatyatni-halalli.

Rut. 2:20

Noma Na'omi ema rtaplelertarga pa niwra: “Hota Bo'as de it nek hade. La' plollolli de e' ed maka kamkek mita. Awuak pa ORGAHI-ORHA'A Ntera-ndem a nar mamni de! Yoma E ed mak ktut reria E ralam kalwiedni la'a mak kmati oleka me mak kmormior mia'ta di.”

Rut. 3:12

Hota o lirmu de plola. A'g ed maka kodi plolli la o mormiormu, yoma it di de riy id ita. Mere la it di de, riy id ed ma'ta la. La e' nanpena ed maka kodi plolli meman tiy o'a.

Rut. 3:9

natiana niwra: “Patke' meni o'a?” Noma Ruta nwalola niwra: “A'u, o hopopanmu Ruta ama! La' a'mu o' nanpena ed mak kodi plolli la a mormio'ru yoma it di de riy meheni atia' ita. Mtiulan pa mhi' a lia patmu!”