Rut. 4:11 - Alkitab bahasa Luang

¹¹ Dewade ama-yei lieta ror neka riy honona makden la hande honona mana rhar lirni pa riwra: “Yowe! Am e rwal di le (saksi)! Ampakwak de pena ORGAHI-ORHA'A Ntera-ndema patke'emu pa emekwalima Rahel nora Lea rayor niana upa-a'na rahu la Yakob pa nadurit nana mutga Israel, totpena o' mana mliernana pripanni-fa'anni, pede makden Efrata re rwetwet la nanmu la mai leta Betlehem di.

Rut. 4:11 Iomraidhean Croise

Puka Pianullu 23:10

La' ler de de Efrona e namtatna la Heta duratni-waitni ina-ama re letgarni. Noka Efrona de nwahla Abrahama, de ina-ama mak kawok la leta puohrani gaini re ratlin reria.

Puka Pianullu 24:60

Noma rwaka pa Orgahi-Orha'a Nara'a-napalga Ribka. Lirni rla: “Nara, ampakwak de ompueha-mliawan pa riwnu-riwnu, ne mpakwak de duratmu-waitmu rodi plolli la arwalli re letni-ruhunni.”

Puka Pianullu 29:16

Laban a'nani patke'a woru. Yanulu nanni Lea, ne gari nanni Rahela.

Puka Pianullu 29:25

Mere repardoin de namkek de maka nora ranin wutu de, Lea. Noka Yakopa la nakot la Laban: “Hya' maka omhi'a mai a'u dina?! Akar tiy o' de totpa aliernana Rahela. Nihya'pa omuakal nan a'u?!”

Puka Pianullu 29:32

Lea na'apnu pa nmor niana muanke'a ida, nala nanni pa nwawa Rubena (nnia'eratni de, mumkeka, a'nu muanke'a hadi), yoma niwra: “Orgahi Ntolwiah'a-ntakarwah'a a meh'ru mai a'u. Plollolli la' ler di ha'wu hota ralamni nala a'u.”

Puka Pianullu 35:23

Yakopa hawni Lea, a'nani yanulu de, Rubena, mak klernohora Rubena de, Simeona, mak klernohora Simeona de, Lewi, mak klernohora Lewi de, Yehuda, mak klernohora Yehuda de, Isakar, mak klernohora Isakar de, Sebulon. Gari hoho'a hade.

Puka Pianullu 35:24

Yakopa hawni Rahela, a'nani yanulu Yusupa, mak klernohora Yusupa de, Benyamina. Gari hoho'a hade.

Nhiara 132:6

La'a Efrata de it tatlin nana rwahaur nohora luwuau-koplahu maka Uplerlawna riorni-liaini genni noma tla tlernana la wo'or-kawru (padang) Yaar pa amodi mmai.

Rano'a 14:1

Patke'a ida mak ktaru kirkira-ralma rior samomuou de nhi'inde natu natiak romni mniotni totpena rler la kalwiedwedni. Mere patke' maka kpodku-kpadku nhi' romni mniotni rahuri-rawo'or nekneka pede edon rdella mtiertierannu.

Rano'a 31:23

Muanke'eni de rira rwetwet la nanni yoma nhi' walia o'ta-mat la leta ralamni.

Mat. 2:6

“Betlehema mak kdena Yudea ne, o kuku'a-keke'u la'a leta-let no'a Yehuda ri, mere plollolli de mureh dioin ir la yoma hota o letmu de ed maka kalgot nana mak ktorna-krautu ida mak ktera-kdema A u'pu-a'nu Israel re.””