Rut. 2:12 - Alkitab bahasa Luang

¹² Pena wuak la ORGAHI-ORHA'A pa E' ed mak kwahla nhioli-liet samomuoumu maka ha mtiutg oleka re. Pen neka ORGAHI-ORHA'A, riy Israel re Uplerlawanni de Nhuri-ntowria pripanni-fa'anni la tiy o'a onnila miy hihi'imu-yapyapmu re, yoma omuai pia muiwra mmuori-mdiar lia E nayanni.”

Rut. 2:12 Iomraidhean Croise

Nhiara 17:8

Mutiak reria a' die emeknekama mat wamuehemu. Mude'a-mumoinia a'u emeknekama hiwi tei mak kreka-krek a'nani la liwarni nayanni,

Nhiara 19:11

Pede samounu nareh dioinia leli-mah marmara, la'pa maha ihini mana edon narehelia. A ralmu nal nana nareh dioinia ya'ana-yemnia mikmikri-lamliamni, nareh dioinia gani turnu mak mikmikarni de!

Nhiara 36:7

Ne O nhiol kalwiedmu de tullu emeknekama wo'or tutulu, me Omtioran reria plola-mneha de emeknekama hletna-yoiri kdieldelma. Rimormiori makdella noheri woru-lyanti nayanni di nor wutga nhiuri-wnia'ana, mak kawrika-kawriai, kawlola-kawniaiti, mak kpora-kdawra la'pa i'na-ya'ana honona, O' ed mak kpiara-klakoya, me Mhuri-mpua'ana.

Nhiara 57:1

Daud kieheni-nhiarni maka ha rala la mak khi' o'tani la mak kwatunu-kwahniara, totpena rwahniar de rtotnohora nhiara nialoini maka ha rweta la: “Yana mpuaye'era-mpuaniawu”. Hadi de Daud sniumbaini la'pa niwra nawlar pia la nade'a la liena ralamni totpena nahala la Saul:

Nhiara 58:11

Tkillia de riy yatyata-halala re rlernana niukum lawna, mere riy makden la plol wawannu re niniha-malmialia, ne rohma lakni la'a riy yatyata re rarni mak ha rawoh'a nana.

Nhiara 61:4

Yoma O' ed mak kruwun reri-khepun reri a' pua arwa'lu re ta'enniana rawo'la a'u.

Nhiara 63:7

La'pa alie'er a lia' a le'wu wawannu de a ralmu nodi rer lia O'a. La' mela plahwani, de awuarora-wualai nieka O tniulla-sniayanmu mai a'u. De Omriuwun reria-mu'ahla reria a lia O liwarmu nayanni pede awuatunu-wuahniar de godia a su'ku pa uhepur nohora.

Nhiara 91:4

Hota E ed maka kala liwarni kakteran reria o'a totpena hadoma edonna narie'yu. Natiak reri o' pa emeknekama mak kodia tera-wehla katiak re'ru yoma plola pa Uplerlawna Nhi' nana hya' ed maka Enakottarg olekwa (setia).

Rano'a 11:18

Hya' maka riy yatyata ra'unut nana de ha pniutra-pnialak nan to'a hade, yoma hota edon nwal lia hadomdoma. Mere la'pa riy kalwiedweda ida na'untu, de untu plollolli hade.

Rano'a 23:18

totpena mlier la mormiori-dardiari samomuou me mliernana hya' ed maka mhua'ar aranmu la.

Mat. 23:37

“Neee! Makden Yerusalem miy ee! Miy er mak kwunu-kwenna makwohorulu-ktatrulu me mpiatliewur wenna riy maka Uplerlawna Nhopna rtiy miy die. Makden Yerusalem miy ee! A'g e uhak memna olek la re'eni wo'ir meman pa Agiwra ghi' miy pia emeknekama hiwi tei mak kreka-krek a'nani la liwarni nayanni, mere mihmena mitlin la A polpuo'lu.

Mat. 5:12

Makwohorulu-ktatrulu la'a miy upmi-tgarmi lerni ho'mana rlernan oleka yamuki-yama'ala re, pede la'pa mimlier la yamuki-yama'ala yapupu-yaheri, de mimuki-mihepur meman nohora, yoma miy siepmi-kaimi inpona la'a Ilyamou-Watyatoha (Sorga) maka hota Orgahi-Orha'a Nala tiy miy.”

Mat. 6:1

“Ina-nara ama-hyali, mhioratreria, yana mtiutga hihi'imi-yapyapmi mak kalwiedweda re la'a riy gaini ralamni. La'pa mimhi' emkade de hota miy edonna mliernana liwatmi-odapmi wniahlani la'a Uplerlawna miy Amlawanmi makdella Ilyamou-Watyatoha.

Luk. 6:35

Mere rwaldioinia de, miatu mira'a-mipalga miy arwalmi ne mhi' kalwiedweda re. Mialla ra'otna me miy edon mpiaror nana hota nherni owa'ana. Yoma la'pa emkade, de hota miy siepmi-kaimi inponni ne hota mtiutga la ilmi-wniehwami de Uplerlawna mak kden la tutullu-lolo'oni, upni-a'nani miy. Yoma Uplerlawan de Ntutga ralam kalwiedni la riy maka kaplinu kwak kalwieda la E'a me la' walia riy yatyatni.

Kolose 2:18

Pede yana mitlin la mak kwaghal miy onnila miy edon mliernohora ira wniehwani maka rtot pa rtutga nhioli mak klol yawa, me rkola tieru-rawur nehla la Uplerlawna hopopanni-lili'irnu (malaikat). Yanpa mitlin la riy mak edon kaplola re, de miy edon mliernan siewa maka Uplerlawna Nala. Yoma riy mak edon kaplola re rtot pa rakot nohora toto'a hya' ed maka ha rdarat nana pa ratulu-rapetan la mormiorni mere tulu-petan nwatiawua nohkerna wniarorni-wnialaini to'a.

2Tim. 1:18

Ne omuat mueman walia la Epsus de e ntulan mai a'u. Pena Itmatromlawanni Nhoratreria la hihi'ini-yapyapni de pa Nhi' samomuou lia'a e'a la' ler maka hota Itmatromlawanni ed mak ktorna watghudi mai riy nohkerna honona.

2Tim. 4:8

Ne hota emeka e rwahi' targa wutu-lai la riy maka ka'unut la mak kawlari, de la'pa ler maka rhudi-rpara rimormiori la watghudi lokarni ntutu-nte'ewa, de Itmatromni mak ktorna watghudi plollolli de, ed maka kowa wut muaha-lai miaha la a o'tu yoma a nhio'lu-lie'tu plollola la' Uplerlawna gaini ralamni. Ne hota a'g edonna mueh'a ed mak klernana unut de, mere hota riy honona mak kawuwu-kawei Itmatromni.

Ibrani 11:26

Musa nwarora de hota nlernana yalernu-yaha'a yoma la'a Ray Makamori-Kalewna maka Uplerlawna Nano'taru rerieini, de ha welli narehi-nalawan la re'a-tniaru maka hota nlernana la Mesir. Yoma Musa nha'ar aranni la siewa-kai maka hota Uplerlawna Nala la' ler li'iru.

Ibrani 11:6

Ne la'pa pesiay edonna nden mai ita, de Uplerlawna ralamni edonna Nal nan memn ita. Yoma riy maka Uplerlawna Nreiniana de, eneknek to'a mak kwahak E'a, yoma npesiaya de Uplerlawna etla me npesiaya de hota Uplerlawna ed mak kala ra'ani-pallu la riy mak kal ralamni tetema pa nwahak E'a.

Ibrani 6:10

Uplerlawan de, Uplerlawna maka kodi rhi'ina-rella (plola-mneha etla E'a). Hota E' mana edonna Nhortaplinga miy prehenmi-maumi mulli-pe'elmi la'a E kniar ralamni. Ne Nhoratrer mia'ta miy ralam kalwiedmi maka ha mtiutga la E'a, la'a mira'a-mipalga, mhima-mre'a miy pesiay wialmi la ululu me la'pa dodo'ondi wali.

Rut. 1:16

Mere Ruta nahmena ne niwra: “Yanie, yana mhuopn alia'awa pa atio'or doinia o' la. Hota omliol meni to' de alier nohorre'ru! La'pa omdiella hanmeni de adiel wal lia pa la'pa amuat nioho'ru la hande. O lupmu-a'namu erla hanmeni de alier wut lia. Uplerlawna maka omkuola tieru-muawur nehla la de a' muana kola tieru-gawur nehla wal lia.

Rut. 2:11

Mere Bo'as nakot la niwra: “A'utlin momuog oleka o nhiolmu-lietmu maka ha mtiutga la yananmu, la'a ler maka o muanke'emu nmat pia la'pa ntutu-nte'ela dodo'ondi. Agat niohora olek walia de omultarga inmu-ammu la'a o nohomu-raimu pa ma mdien wut lia'a makden Israel ri maka ha muplin niohor ma'ta.

Rut. 2:13

Noma Ruta nwahla lirni niwra: “A' di de mak kakleha weli id a'u. Hopopna-lili'iru ata-wa'ara mak kar lia a'mu nek de a'g edon gor la. Mere a'mu nhar lirni mai o hopopanmu a' di, nheik la a ralam kalwiedwe'du pa a ralmu namtiertierun wa. Ne awuakwak pa hota aghi' reri hya' maka kla'nan a'mu ralamni de.”

Rut. 4:15

O yananmu patke' de ralamni kalwieda la o'a. Ha nal tiy o' de narehi lawna hya' maka a'na muanke'a harahu hota ha rala la amni. Dodo'ondi de enal oleka keke'enku id pa mpua'upa, pa hota o ralammu namtiertierun owa'ana me hota keke'en de ed maka ktera-klahg o'ola la'a tormu ntutu-onmu nwa'a (masa tua).”