Pilipi 4:6 - Alkitab bahasa Luang

⁶ Yan memmemna ralammi worworga la hya'-hya' to'a. Mere la'a hya'a to' de, mrian ralamni la' Uplerlawna me mikot nohora hya' ed maka nodi miy lia ralam worworu. Ne mi'uli-miwedia Uplerlawna yoma E' ed maka ktulla-ksayn miy.

Pilipi 4:6 Iomraidhean Croise

Nhiara 51:15

totpena a' muana wuatut walia O yala'amu la'a riy mak kden la do'a-hala ralamni, totpena ir mana rawali owa'an la O'a.

Nhiara 55:17

Mere apuol lia Itmatromlawanni Makdenreri E'a, totpa hota E' ed mak kamori-kalewn a'u.

Nhiara 55:22

Nhar lirni de mnapla me nmalui-nmahera, mere ralamni de yata. Wniahaurnu de samoga mere emeknekama wehla ara ploklokra.

Nhiara 62:8

E' de ed mak kal a pua liernana mori-lewna me totpena riy rhormata-rkanal a'u. E' de emeknekama wo'or wat muaka nhi'inde a'uyaheu lia, mak kruwun reri-ka'ahla reri a'u.

Rano'a 15:8

Itmatromlawanni Makdenrer die, Nreiniana-na'nana samomuoga riy kalwiedweda re sniumbainni. Mere Nwayotlia himima-rere'a maka riy yatyata ral la E'a.

Rano'a 16:3

La'a hya' maka ha miwra mhi' nana re honona de muotil neka la Orgahi-Orha'a, ne hota hya' mak omiwra mhi'a de honona rler la ga'a.

Dan. 3:16

Sadrakh, Mesakh me Abednego rwalolla ray riwra: “Tun ray, hota la emkameni ho'mana ami edonna mahak talan pa ama modniana a inon mamni.

Dan. 6:10

Pede ray Darius nterna okarni la horat de pa rala pa nwewar noha.

Mat. 10:19

Mere la'pa rod miy pia rhudi-rpar miy, de yan memmemna ihrami rteplu yoma mpiarora hya' maka hota miy mikota? Yoma hota la'pa ha ratian miy nanpena miy Amlawanmi Uplerlawna Nal miy pia miat nohora hya' ed maka ha mikota de. Yoma hya' mak ha mikota de edon nwatiawua miy wniaror wamuehemi, mere ha nwatiawu Uplerlawna Nhiw Lululli.

Mat. 13:22

Wini-hgon mak ktuin la ruwnu-ahla pu'na-kiarti, de emeknekama riy mak katlin nana lir kalwied de, mere ralamni mak kod rer lia nohkerna rororni-lailiaini, hihi'ini-yapyapni me re'a-tniaru, tototni-wudwiudni emeka nutni-ndahla lir kalwied de nhi'nande nakleh wo'a.

Mat. 6:34

Hade pede yana ihrami ntepul nohora repar lerni yoma repar lerni de nodi wniaror warwuaru dom owa'an to'a. Ler di nodi oleka mehra-maunu pa twaror nohora.”

Mat. 6:8

Yana mliernohora re. Yoma miy edonna mpiak ma'ta hade wa de, Amlawanmi no' Heyanna Nat niohor olek hya' maka mikleh ma'ta.

Luk. 10:41

Noma Itmatromni Nakot la Marta Niwra: “O e muakokan nohora haneknek wawannu, Marta.

Luk. 12:22

Noma Yesus Nakot la maka ha Nwatutu-nwaye'a re Niwra: “La' hade pede mhioratreria, yan mimta'at nohora hya' mak hota ha mi'ina-miemnia, me hota ha mhiewta-mniairia.

Luk. 12:29

Yana wniarormi-wnialaimi nod rer tio'ola hya' maka hota ha mi'ina-miemnia, me yana mimta'at nohora.

Luk. 18:1

La'pa nhorwua noma Yesus Nwahaur nohora yawalliohora id la'a maka ha Nwatutu-nwaye'a re, totpena rsumbain rer lia Uplerlawna. Yana rwarora-rwalai die Uplerlawna edonna Natlin la ir polpuollu-wakwakni yoma E' edon Nal ma'ta hya' mak rwaka.

Luk. 18:7

Nah hota yanpa mimpiarora de Uplerlawna hota edonna Nod niana E upni-a'nani maka Ha Nwalir niana de lirni-tunnu, maka lera-ler nekpa rpolpuolu-rwakwak mamainia la E'a? E' edon Ntot pa Nahe' niohora ma'ta re. Plol toto'a Entulan la' ira!

1Kor. 7:21

Emkadi owa'ana. La' ler maka Orgahi-Orha'a Npol nian miy pia mlia' E gah wamueheni de, la'pa miy die ata-wa'ara hopopna-lili'iru miy die, yana mpiarora-mpialai lia ralammi pa miayo'a-miatau yoma ata-wa'ar miy. Mere yanhi'pa hota rran tutul miy pia mpial lia riy lalawna doma, de yana mpiayotlia.

1Kor. 7:32

Awuak de yana mlier la ralma worworga onnila mpiaror harahu la nohkeran di yala'ani. La' riy mak edon kmehlima de edon nler la ralma-rior emkade, mere nwaror to'a Uplerlawna kniarni. Yoma enwaror nohora emkameni la hota nhi' amikria Orgahi-Orha'a ihranu ralamni.

2Kor. 1:11

Ne hota miy miana msiumbain rer lia ami. Mhi' emkade hota riy rahu ra'uli-rawedia Uplerlawna onnila Uplerlawna Natlin la miy sniumbain rariahu miy re pa Entutga ralam kalwiedni pa Nhima-nre' ami.

Epsus 5:20

La'a hya' to' mana mi'uli-miwed reri Uplerlawna it Amlawanni de onnila miora Itmatromlawanni Yesus Kristus mlia' ihru ida-ralm ida.

Epsus 6:18

La' lera-mela me la'pa la hya' to' de msiumbain la Uplerlawna la'a E Nhiw Lululli niodni. La' meni-meni to'a me la hya' to'a de mrian ralammi la Uplerlawna pa msiumbain rer lia me mpiaka tniulan la E'a. Yan memmemna minin halmi, mere msiumbain rer niek la Uplerlawna mutnu-rahanu honona.

Kolose 3:15

Yesus Kristus ed mak khi' itora it rimormior wialli pa tkalwieda. Pede dodo'ondi de mpialerna totpa idma nkalwied la ida. Yoma Uplerlawna Npolga miy pa mhi' emkade, yoma emolmolan nekama miy mlia' olek la inona ida. Ne mi'uli-miwed reria Uplerlawna.

Kolose 3:17

La' hya' ed mak miltieri-mitiana onde mhi'a-myapia de, mhi' emeknekama mak kla' nana Itmatromni Yesus Kristus ralamni, pa emolmolan nekama mak klernohor E'a rhi' nana. Me mhi' hare de mi'uli-miwed reria Uplerlawna-Mempulwatnu it Amlawanni de, lola Yesus Kristus.

Kolose 4:2

Ina-nara ama-hyali, yan mininmi la sniumbaini. Mere mi'ererma. Me miatu msiumbain de mi'uli-miwed reria Uplerlawna.

1Tim. 2:1

La'a li'ru di onni-ga'arni de totpa msiumbain la Uplerlawna, de mpiolu-mpiak nohora inon wamuehemi nora riy dom to'a kleheni-larni, me mi'uli-miwedia Uplerlawna onnila E hihi'ini. Msiumbain nohora riy honona

1Tim. 5:5

Patyata maka inonni ktuin taru, pa na'a'na riy napatyata, nakleha mak ktip gera-kwati au muati, ne nawniair to'ola lyanit marna. Lelera-melmel de polpuol inni-wakwak amni la Uplerlawna-Mempulwatnu maktera-makdema, kawilla-kayomtia dudnu tutul tiutwu-lele'nama.

1Ptr. 4:7

Ina-nara ama-hyali, nohkerna-rai miaran di de hota nwakrian pia nler la hohoni (noha niata). La hade pede mpiaror samomuou me miatu miodi inonmi totpena mrian ralammi la Itmatromlawanni pa msiumbain rer lia.

1Ptr. 5:7

Yana ralammi namta'at la hadomdoma, mere la' hya' to' pa mrian ralammi la' Uplerlawna pa msiumbain nohora re, yoma E' ed maka ksayni miy.