Pilipi 2:7 - Alkitab bahasa Luang7 Mere nwaldioinia de Enolin doinia hare honona, ne Nhi'a inonni de emolmolla ata-wa'ara lili'iru-hopopna ida. Emekwalimde rimormiori mak itamkek memna. Faic an caibideil |
Pilipi 2:7
31 Iomraidhean Croise
La'pa anni terampwonema wehrani woru nti'il nana la wo'it die nhi'pa nhorwua noma rwunu-rwenna riy maka Uplerlawna ha Nwalir pia nodi plolli de, la'pa tamkeka de edonna nhal nekane rwenna. Noma ray mak kawunu-ka'ara ida nmai nor wut nieka kekni-rawutnu re, de ruri-lai npenpuen lia, pede ntiwru-ngor targa Yerusalem nor wut nieka Uplerlawna roma kreini. La'pa nodi liarni la'awa tuwu die hohoni de wunu-ara emeknekama ger wawuau mak kluh'ni-kweran momuou, pa emeka Uplerlawna Net tiarg oleka wa.
A'utian tek miy, la' miy wniarorni de he' ed mak inponni, la'pa mak ka'an la mei wawannu onde la'a riy maka khoi-ktania e'a? Meman nek la mak ka'an la mei to'a! Emkade walia la'a miy matrommi A' die, A'g ed maka inponni mere Amueh'a neka tiutga A ino'nu tiy miy de, A'g ed makhi'a mak khoi-ktani miy.
E' maka ha rweta la Uplerlawna Lirni la'a rimormiori (de E' de Uplerlawna wali E'a) mere Nwali olek la rimormior pa Enden wut lia mai ita la' noh keran di la' ler ho'ke'eni, ne la' ler de itamkek memn oleka E preheni-mkaini, de preheni-mkaini la Wutmueha-Laimieha mak kwatiawua Amlawanni la Ilyamou-Watyatoha. La' E' pede it tat niohor memna hya' ed mak kaplol la' Uplerlawna, me tat niohora E ralam kalwiedni mak kareh mieman de mai ita.
Yoma agama deullu-tatarni ta'enniana nwe'er doin it la do'a-hala, totpena do'a-hal edon nodi plolli owa'an mai ita, yoma rimormiori rakleh ruri-lai pa rlernohor reria agama deullu-tatarni. Mere Uplerlawna ed mak kwe'er doin ita totpena do'a-hala edon nodi plolli owa'an mai ita, yoma Enhopan doinia E A'na wamueheni pa Nmai lia nohkeran di totpa hota Nwal lia hoihoi-tantiani (persembahan) pa Ntuw niana-nhai nian ita. La' ler de de A'na de Nwal lia rimormiori pa emekwali ita, mak khi' do'a-kyap hiala (mere E edon Nhi' do'a-hala). La' talan mak emkade pede Uplerlawna ed maka Nukmua E A'nani la rimormior ita rerieini.
Hota plol memna, la lera rkenia la auwlakra de, nmatlawra, ho'mana la' dodo'ondi de Enmori olekwa, yoma la'a Uplerlawna plolli-mneheni. La' amora Yesus Kristus amla' ihru ida-ralm ida pede a inon mamni mana emeknekama inonni mak kakleh walia ruri-lai, mere la'a E plolli-mneheni pede ammormiori-mdardiari. Ne la'a E plolli-mneheni de pede amukmua miy.
Awuak pa mpiaro'on kupan de yoma miy e miat niohor walia de Itmatromlawanni Yesus Kristus e Nara'a-napal wualia ita. Yoma E' de ed mak kre'a-ktar lia'a Ilyamou-Watyatoha, mere Nhi' inonni de emekwalima rimormiori mak kakleha-kaplara, yoma Nhoratnan miy, totpena kleheni de nod miy lia Uplerlawna ra'ani-pallu, re'eni-tniarnu.
Yan tamkek la wali-wali, mere tta'wa tar it matni la Yesus, yoma E' ed mak ktutga talan mai it la it pesiayni la' mulaliaini nodia pa la nhoru. Yesus ed mak ktahan reria liwliwra-kakaklu me rkoki-rta'wa la auwlakra hananni! E' edonna Nwaror nana matmiatni la auwlakra hananni ed mak kodia molmola-mama' la E'a. E wniarorni Nden rer tio'ola he'i-hepur lawna mak hota ha rtemna la E limni ralamni la' Ilyamou-Watyatoha. Ne la' dodo'ondi, de E' e Naliwna la liwangen miak kden wut lia Uplerlawna liwangeni tiutullu, la' wali malganna, pa Enor wutga Uplerlawna rtorna-rraut la' hande!
Yoma Yesus, makhi' makpolu-makwak la Uplerlawna la it rerieini Natu Ntulla-nsayn meman nohora ita mak kler la do'a-hala ralamni onnila takleha ruri-lai. Enat niohora Ntulan la ita yoma la' ler maka Enden rer lia nohkeran di wawannu de Enler walia la norniori-tamtama, yapi'u-yaga'u, pa emekwali ita. Mere la' E' de edonna Nhi' do'a-nyap hiala.
Sanasan