Ibrani 4:3 - Alkitab bahasa Luang

³ Mere it makpesiay nampena er maka kler la rien de. Rien de ed maka Uplerlawna Nakota la'a mak edon kpesiay, Niwra: “A'g e uwenan pa Aliokra re hota ir edonna ror A' pua mren wut lia' geni ida.” Uplerlawna lirni emkade mere Nwahi' targ oleka tniu'u-rien de la'a riy makpesiay re, la'a ler maka Ha Nakoki-nayapia nohkerna-rai miarna pa nhorwua.

Ibrani 4:3 Iomraidhean Croise

Puka Pianullu 1:31

Noma Namkeka maka Nakoki-nayap niana honona re samomuou memna. Lera nla nhelma me repra nma nwo'ti, de lera wonemni wa.

Nhiara 95:11

Pede A'uwenan pa Aliokra re giwra: “Hoi! Hota miy edonna mliernana gen miaka A'ukottarg oleka la riy totpa hota ror A' pua mren ami la geni kalwie'du.”

Mat. 13:35

Wniatutu-wniaye'a emkade naplol nohora Uplerlawna lirni maka makwohorulu-ktatrulu ida nhorat targa de: “La'pa Agora ira mpahaur de Agala yawalliohora. Ne hota A'ukot nohora la'a hya' maka riy raplin niohor ma'ta la' ler maka Uplerlawna Na'ohi-na'ara nohkerna-rai miaran di la'pa ntutu-nte'ewa la ler di.”

Mat. 25:34

Nhor nia'nama Agodi plolli emeka Ray pa A'ukot la mak kden la A wa'lu malganna pa giwra: “Hononmi mmiai, yoma A A'mu Nara'a-napalga miy. Mai pia mliola rialam la'a Uplerlawna gen warwuarnu maka Ha Nwahi' targa tiy miy la'a ler maka Uplerlawna Na'ohi-na'ara nohkerna-rai miaran di.

Epsus 1:4

Yoma noha gergera-tatiah'i ma'ta, de Enwalir nian ita totpa Nhi' it la E kamieheni mak kakleha do'a-hala kuku' eti la E yamkekni onnila itor Yesus Kristus tla'a ihru ida-ralm ida.

Ibrani 3:11

A'uwenan pa Aliokra re giwra: “Oi! Hota miy edonna mliernana gen miaka A'ukot targ oleka la riy makpesiay totpa hota ror A' pua mren ami la geni kalwie'du.””

Ibrani 3:14

Yoma it di de tlernan hare honona maka Yesus Kristus Nhi' nan de, hornama itatorrer pitpitga ita pesiayni maka itlernan oleka la mulaliaini de la'pa ntutu-nte'ela hohoni.

Ibrani 9:26

Yoma la'pa anni-anni nekpa Nhi' inonni la hoihoi-tantiani, de hota Enlernan nekneka kropna-krieutu yamuki-yama'ala la'a lerni Uplerlawna Nakoki-nayapia nohkeran di pa nodi liarni. Mere la' lera-mela ri maka rweta la ler maka hota kod lia lera noha niatni, de Enmai pia Nhoi-ntania inonni de raralamni nmeh'a totpena Nkuhi-nho'or doinia it do'oni-halli.

1Ptr. 1:20

Yesus Kristus ed maka Uplerlawna Ntutmuata-nkewra'a la' ululu memna, la' ler maka Uplerlawna edonna Nakoki-nayap mia'ta nohkeran di. Ne la'pa la' ler di maka nhi'pa la'awa noha niat wa, Uplerlawna Nhopan doin E' pa Nmai wia totpena mlier la mormiori-lewlewna ralamni.