Filemon 1:8 - Alkitab bahasa Luang

^8-9 Heiwia'lu, agatga de onnila a' di de maka Yesus Nhopan pa godia Uplerlawna Kot Kalwiedni, de agodi plolli pa aghopna heiwia'lu nhi'a hya' maka hota mhi'a. Mere emkade ho'mana onnila' mtiulla-msiayni la mutlialawna makpesiay re pede awuak to' tiy o'a. Awuak lilili-mamuau tiy o'a, totpa mrieiniana-mua'nana a li'ru di. A' di de hamtoto' olek a'u ne mumkek memna de a'g ed ma'ta la roma nhio'la ralamni onnila Kristus Yesus lirni-tunnu.

Filemon 1:8 Iomraidhean Croise

2Kor. 10:8

Pa la'pa ukot harahu rehi la Uplerlawna plolli-mneheni maka Enal mai ami ho'mana, a'g edonna muola-mua'a la' hade. Yoma Enala hade pa ma mhedu-mtehra miy lia kalwiedwedni, me edon riwra Nal hade pa ma mpeye'er miy pesiaymi.

2Kor. 11:21

Ne emolmolan nekama mpiarora de plollolli de hota amuola-mua'a yoma a'g edon puaran pia a'g e ghi' yohya' mak emkare. Mere la'a hya' maka riy dom to'a rparan pia rwareheya, de a' muana awuareh wialia. Mere la'pa awuareh wialia de awuarora de a'g e ghi' emolmolla mak podku rhi'a.

2Kor. 3:12

La' hade pede ina-nara, yoma la'a a nhia'ar aran gen miamni emkade, pede amparan pia ma makot nohora nnio' warwuaru die.

Epsus 5:4

Yan walia milgota lir yata la'a miy nurmi. Yana mikot nohora hadom mak kakleha nhiu'ru-nhielma onde kakleha kuna, onde mpiahoiti-mpiarenna. Yoma hade edon lol talanni pa mikot emkare. Rwaldioinia de msiumbain pa mi'uli-miwed reria Uplerlawna.

1Tes. 2:2

Hononmi miatga de la'a lerni mak ami edonan mte' ma'ta la Tesalonika, de amlernana yamuki-yama'ala la'a Pilipi, me a tlin mamni npen lia yahe'i-yamali. La'pa emkamenila mutlialawna rhi'a oruli-augewat la ami, mere tniomra-nniah'a mamni edonna nlol hamamuamua yoma ita Uplerlawanni Nal oleka iwarni pa ma mpadieh'a, me ma mparan pia makot nohora E Kot Kalwiedni-Paitiotni tiy miy.

1Tes. 2:6

Am miana edon mpaka ya'uli-yawed la riy nekneka wawannu, onde amteku miy pia mi'uli-miwedi ami yoma ami er makodia Yesus lirni-tunnu tiy miy.