Filemon 1:4 - Alkitab bahasa Luang

⁴ Heiwia'lu Filemon, la' a sniumbainu lelera-melmel de a'u'uli-uwed reri Uplerlawna mak akola tieru-gawur nehla de.

Filemon 1:4 Iomraidhean Croise

Roma 1:8

Ina-nara ama-hyali, maka a'ukot ulga de, onnila Yesus Kristus hihi'ini mai ita pede a'u'uli-uwedi it Uplerlawanni, yoma la'a meni-meni to' pa rakot nohora la'a miy pesiaymi e naruri olek la Yesus Kristus de pede riy ratlin nana.

Epsus 1:16

a'g edonna rien et a lia u'uli-uwedia Uplerlawna, yoma miy hihi'imi-yapyapmi re. Ne awuetwet nek rer lia miy nanmi la'a a siumbainu.

Pilipi 1:3

Nhi'inde aghoratrer miy, de a'u'uli-uwedia Uplerlawna mak akola tieru-gawur nehla, onnila miy pesiaymi.

Kolose 1:3

Amatlin olek la miy die mpiesiay oleka Kristus Yesus me miatu mtiulla-msiaynia Uplerlawna mutnu-rahanu honona. La' hade pede nhi'inde la'pa amsumbain tiy miy, de ama'uli-mawedia Uplerlawna, Itmatromni Yesus Kristus Amni de, la'a miy rerieimi.

1Tes. 1:2

Amhoratreria emkameni pa mkiari lia Uplerlawna kniarni ralamni yoma mpiesiay E'a, ne ralammi kalwiedni, pede mhi' nhiurliwtu-wnialodaw la tniulan la riy. La' walia mtiutulu-mikwara yamuki-yama'ala, yoma mhia'ara toto' miy aranmi la Itmatromni Yesus Kristus, yoma hota Nawali pia Nmai pa Nalewna miy. La' hade pede ina-nara la'pa amsumbain la Uplerlawna, de nhi'inde amakot nohora wniehwami-liakatmi re, pa ama'uli-mawed reri Uplerlawna, makla' am la it hononita, onnila miy hononmi wniehwami-liakatmi re.

2Tes. 1:3

Ina-nara ama-hyali, ama'uli-mawedia Uplerlawna, onnila miy pesiaymi. Ne meman neka la a kniar miamni de ha yala'ani de emkade. Yoma miy pesiaymi di yeher to' pa narur lia Yesus Kristus, ne nhi' wal pia miy rur wial lia nhiolia kalwieda-paitiot la' idma ntulla-nsayni ida.

2Tim. 1:3

A'u'uli-uwedia Uplerlawna, maka aghima-rie'a kniarni de emekwalia ululu la u'pu-tga'ru. Aghima-rie'a de agodi ihru ploi-ralma plele'era. Asiumbaini la lelera-melmela de a'u'uli-uwed reria Uplerlawna onnila o' pesiaymu.

Filemon 1:5

Yoma la' a yatli'nu de, o' e muhmuakur toto' la pesiaymu la Itmatromlawanni Yesus, ne muatu mtiulla-msiayn walia mutlialawna mak kla' olek la Uplerlawna mutnu.