Ester 10:2 - Alkitab bahasa Luang

² Ne rhorat targa la lodna-hairi Persia rora Media pukni ralamni la'a hare honona maka ray de nhi' nana de nodia preheni-mkaini inponni. Me rhorat tar wual momuoga la'a Mordekhai nla'a o'ta-mata tutulu-pepetna la lodna-hair die, onnila ray Aswerus nran e'a.

Ester 10:2 Iomraidhean Croise

Ester 2:23

Noma ray nhopan pa rwata'wa nohora, de edonna nhal kuku' la, la'a Mordekhai ha nakota re. Noma ray netlia pa rla rwair wenna riy maroro'a re. Ne ray ed mak khopan pa rhorat targa hihi'a-yapyapi rella la'a puka tui-wedia lodna-hairi ralamni de, la'a ray die gaini ralamni.

Ester 6:1

La' mel tetem de ray edonna nanina irannu-matni. Pede nhopan pa rla rala puka tui-wedi lodna-hairi maka e rhorta ray die hihi'ini-yapyapni la' ler maka e nodi plolli, demade rpaikia pa natlina.

Ester 8:15

La'pa nhorwua noma Mordekhai nhoitio'or la ray ne nlergot wa nnairia wutu-lai miaha mak sapona. Ennair walia raini motmota me wawahra emekwalima maka ray nhi'inde rnairia, nor wut nieka rain plalahwani maka ha rhi'a la koka mnurnuhru maka ponpona. La'pa makden la leta Susan liewnu de ratlin nan horat de lirni dewade rahepur nohora.

Ester 8:2

Noma ray naul dioinia kdielli mak kodi ray plolli-mneheni. Kdiel de ed maka ray na' nan owa'an la Haman de pa nala la Mordekhai nnairia. Ne Ester nrana Mordekhai pa nodi plolli la'a hare honona maka Haman gahani re.

Ester 9:4

Yoma Mordekhai di de riy inponni la'a kruwun genni me makden la'a lodna-hairi liewnu de ratg oleka Mordekhai nanpena ed maka ktorna-kraut la'a ray kruwungenni de pahna (berkuasa). Ne e plolli-mneheni de e na'ititar rer lia liawanni.

Nhiara 18:35

E' ed mak kwatutu-kwaye' a' pua u'ara. Pede agatu we'el targa rapra'pa pa ga wuei arwali.

Dan. 2:48

La'pa nhorwua noma ray ntutmuata-rkewra'a Daniel pa nre'ela naliwna-namtatan la ina-am leta me rwaro'ona hya'-hya' honona maka wel wierwerat la me nrana pa la'a gubernur Babel me la' walia makodi plolli owa'an la riy honona maka nhi'inde kano'a-ka'at lia la'a ray kruwungeni (istana).