Ester 1:4 - Alkitab bahasa Luang

⁴ La'a wolan tetem wonema ray Aswerus ntutga re'eni-tniarnu mak kareh mieman de la'a makden la E kruwun genni (istana) me la'a e' inponni nor wutga e tullu-petanni la'a e lodanni-hairni.

Ester 1:4 Iomraidhean Croise

Ester 1:3

La'pa nodi plolli nana anni la'pa wotellu, dewade ray Aswerus nhopan pa rhi'a yahepur lawna la o'ta-mat lalawna ror wutga E'a tniutnu-nhianni nhielli-liarni. Makodi ahu namni (kepala perang) la'a Persia nora Media ror wal pia rma ra'ana-remun la la'a mei yamuki-yahepur de, me emkade wal lia'a gubernura re honona ror wutga tniutnu-nhianni nhielli-liarni re honona.

Ester 1:5

La'pa wolan wonema re nhorwua noma ray nhi' walia ya'ana-yemun lawna la'a lima-rora makden la Susan, la'pa kuku'uni-lalawanni honona re rmai momuou pua rre'ela ra'ana-remun la mei wawannu. Ra'ana-remun nan la'a lera wo'itu, la'a ray krwuwn genni herni walli-walli mak ha rtamnia ora-au lia hande me ndella' lutru-lutru ralamni.

Nhiara 145:5

Rakot nohora hihi'imu-yapyapmu mak kamehi-kayona. Me awuarora-awualai reria O prehemu-mkaimu di de edonna nhorg eti!

Nhiara 21:5

La'pa enwak la' O' de, O' ed mak kala e tuwnu pa mormiorni plahwa. Hota nmormiori pa nodi liarni yoma Omrieiniana-mua'nana e wakwakni de.

Nhiara 45:3

La' o' de muanu mak inonni namanmuanu me gaini samomuou rehia. Omultier de ltiermu nkerna la plollol wawannu. Yoma Uplerlawna Ntera-ndem rereri o'a.

Nhiara 93:1

Itmatromlawanni de Makdenreri E'a. E' de Ray inhatta. E Nodi plolli-ntaryatu, me ruri-lai mak penpuenu tetema pa emeknekama ray ida mak kamrehi-kamda'ar nohora ray naniayarni de. Itmatromlawanni Nhi' pa nohkerna-rai miarna nayarir die npitu-nkora, me edonna nlika-nwo'la la genni.

Dan. 4:30

Noka Nebukatnesar nran inonni pa niwra: “Oi! Mimkektek la let Babel di samuonu de! A'g ed maka kdotra-kweh'wa nana de nwallia la'a let inama mai a lodna-hai'ru di pa ntut muemna a plola-mneh'u me ru'ru-a la'yu maka karehi-kalawna.”

Dan. 4:36

Noka Nebukatnesar nakot owa'ana niwra: “La'pa a nhiortu la'awa a te'mu, dewade aliernan owa'an tu'lu-petnu tniornu-riautu emeka mak kla'a ina-am lalawna la'a geni-tiena tutulu. Makano'a-ka'atu me mak ktutu-khan a'u rtutulu-rlele'w owa'an a' pua uwallia la'a a lodna-hairu ne la'a a na'nu ho'mana yeher to'ama ndaitia la' noheri woru-lyanti nayanni de nrehi owa'an la' ululu.

Dan. 5:18

Uplerlawna Makden la Tutullu-Lolo'oni ed mak khi'a tuna amni Nebukatnesar pa nla'a ray miemeha me nal walia pa nmeh'a inponni mai noheri-woru mai lyanti nayanni nhi' nande riy honona rhu'ru-rhelma me rwetweta la nanni.

Mat. 4:8

Nhor nioma hegana nodi owa'ana Yesus pa rla'awa wo'or tutul liawna id hananni, na'nama ntut momuoga hairi-hairi (noha-rai) honona ror wut nieka re'eni-tniarnu re honona.

Mat. 6:13

Yana Muolin doin limmu-mpue'er rormu mai ami, yanpa la'pa hegana-kawnu rta'ag am die, hota amler la do'a-hala ralamni. Mere Muwohor doinia hegana rurni-karatni mai ami. [O' ed mak ktoran reria lodna-hairi me Mumrehi-mumda'ar nohora hititmu-repreparmu pa nodi liarni. Amin (Plola).]

Roma 9:23

Uplerlawna ralma-riorni de totpena la' talan mak emkade pede Entutga ra'ani-pallu mak karehi-kalawna la riy maka Nsaynia re, de la riy maka Ha Nwahi' targ oleka totpena rlernana mormiori-dardiari la Ilyamou-Watyatoha mak liplipa-kamka'ma. La' talan emkade pede ramkek nana E nhiolli mak kalwiedwed meman de.

Epsus 1:18

Awuak wal lia de pena Uplerlawna ed mak kharia ihrami-ralammi totpena hota miat niohora yamori-yalewna maka mpiewiei-mniarnara, maka Uplerlawna Ntutg oleka la miy pa mliernana onnila Npolg miy pia mlia' E mutnu-rahanu, ne totpena miat niohor memna la ra'ani-pallu, pripanni-fa'anni, kalwiedni-paitiotni maka Uplerlawna Nhi' targ oleka la'a E mutnu-rahanu.

Kolose 1:27

Maka Uplerlawna Niwra Nakota-nalde'eta, de Yahudi atia' mana hota rlernana Uplerlawna kalwiedni-paitiotni, ra'ani-pallu, pripanni-fa'anni mak samomuou memna. Uplerlawna ralma-riorni maka ululu de ha rawunum targa mere dodo'ondi rakot nohor de emkadi: de Yahudi atia' miy miana, Yesus Kristus etla miy ihrami ralamni, pede miat muemn oleka de hota miora Uplerlawna la'a geni miaka khitita-kreprepra.

Why. 4:11

“Ee Matroma O'a, de a Uplerlawan mamni O' ee! O' nanpena ed maka ma'uli-mawedi mhu'ru-mhelma la'a tutulmu-lolo'omu onnila O plolmu-mnehemu, yoma O' ed mak kokoma-kpapala, kakoki-kayap niana haneka-harahu wuawannu ri. Me O ralma-rior wamuehemu wal piede reinian haneka-harahu wuawannu ri, rler la mormiori.”