Ester 1:12 - Alkitab bahasa Luang

¹² Mere la'pa mak ha nhopna re rakot nohora ray lirni la ratu Wasti, mere ratu Wasti edonna nwayow nan ray polpuollu de pa nahmena nmai, reiniande ray nahankeran memna!

Ester 1:12 Iomraidhean Croise

Puka Pianullu 3:16

Lirni la patke' de: “Hota Aghi'u pa mumehra-mumau niohora ya'uhumu-ya'apanmu pa polpuol inmu-wakwak ammu, kennama hota o ralammu nala hapmu, ne nodi plolli tiy o' wawanmu.”

Ester 1:11

Noma nhopan pa rla rala ratu Wasti pa rodia la e' de de nawutu-nalai nian memna wutu-lai lodna-hairi. Ratu Wasti gaini maka samomuounu de ray niwra ntutga la'a o'ta-mata lalawna ror wutga mak ha npolniana-nwak nana re.

Ester 1:13

Nhi'inde la'pa rler la emkade de ray nwahak lir la'a makat niohora deulu-tatra riorni-liaini. La hade pede rpolga makano'a-ka'atlia la' ray genni-tienni nanpena er makat niohora hota hya' ed maka ha retia la lir makemkare.

Ester 7:7

Ray nahankeran nande naprir dioin la mei maka e nemun reria arka la, ne nlergot wa, pa nla'awa la kruwun genni walli tio'ora. Haman nat muemna de ray hota nwaror oleka pa nwunu-nwen e'a, pede Haman edonna nwarei lia'a ratu Ester onni, totpena nwak pa Ester nalewn e'a.

Nhiara 74:1

Asaf nwatutu-nwaye' de nnairia nhiara de niwra: Uplerlawnu ne! Hota Omuolin limmu la am pia nodi liarni?! La'a hya'a nariei pia O' orgahamu Muwenan la O rimormiormu, de pipmu-dummu mak Omuodia?!

Nhiara 79:5

Matroma! Hota yawenanmu mai am di de edonna nhoru mua'ta? La'a hya' ler nanpena O ralammu nwoki o? Hota hankeranmu-ralmha'armu emeka ai mak ta'enniana rwarum nana pa nodi liarni? O' de emeka muanke' ida mak kaya'a la patke'eni onnila patke'eni naliai.

Rano'a 19:12

Ray nawenna de emeknekama ohpora-ahu diawra e rapolu. Mere ray ntutga ralam kalwiedni de emeknekama howna-kgara nape'era-napahia yawuli-yatniamni.

Rano'a 20:2

Ray hankerna-ralmha'arni emeknekama ohpora-ahu diawra e rapolu, ne la'pa he' ed maka karei pia ray nawenna de hade enahak to'a matmiatni.

Dan. 2:12

La'pa ray natlin tutga mak ha rakota re dewade ray nwunga limni la mei, ne nhopan pa rwunu-rwenan momuoga makhi' ukru-rehera la'pa makatu re honona la'a Babel.

Dan. 3:13

La'pa ray natlin nana dewade ray reranni oratni rmaran wenna pa nhopan pa rla rtoran nana wotelu re pa ri'ita la e gaini ralamni.

Dan. 3:19

Yeher to'ama ray Nebukatnesar nahankeran la Sadrakh, Mesakh me Abednego pa gai rieranni nmera-nlairi. Nhopan pa rpalmu owa'ana au lia'a ai mormiori de totpena pahnani na'itar la pa re'eni wo'itu owa'ana pa nareh miemna mak nhi'inde ha rhi'a.

Epsus 5:22

Patke'a nhu'ru-nhelma natlina-natailla muanke'eni pa emekwalima tsu'ru-tselma tatlina-tatailla Orgahi-Orha'a.

Epsus 5:24

Emekwalima makpesiay re mak kru'u-ktowr olek la Yesus Kristus, de hawa patke'a mana natlina-natailla hawni muanke'a la' hya' to'owa.

1Ptr. 3:1

Hawa patke'a miatu mhiu'ru-mhielma mitlina-mitailla muanke'emi re pa emekwalima ata-wa'ara rhu'ru-rhelma ratlina-ratailla upni-matromni, totpena la'pa hapmi muanke'a re edon rpesiaya Uplerlawna Kot Kalwiedni, miy edon mpiatutu niohora kot mak kwatiawua Uplerlawna la' ir ho'mana, rmeh'a rwaldioinia pa rpesiaya yoma ramkek nan oleka nhiolmi-lietmi