2Tim. 3:16 - Alkitab bahasa Luang

¹⁶ Hare honona maka ha rhorat targa la Puk lawan de, de nwatiaga Uplerlawna, ne hota nperkun la'a wniatutu-wniaye'a plollola, pa ra rpolliohora me ra rwale'era riy mak khala. Ne ra rwatutga rimormiori totpena mormiorni nlola Uplerlawna ralma-riorni.

2Tim. 3:16 Iomraidhean Croise

Nhiara 119:11

O wniatutu-wniaye'emu honona de awuatierun targa la a ih'ru-ralmu, totpena yana aghi'a do'a-hal la' O'a.

Nhiara 119:130

La'pa rakot nohora O wniatutmu-wniaye'emu nnia'eratni, de rodia lelerni la rimormiori. De rwahauria la rimormior miaka mak kaplin niohora ma'ta de hota rat wual lia, pa rta'u-rta'g o'tani, yoma rla' nana ir ralma-riorni.

Nhiara 119:9

La' talan emkameni pede riy makden ma'ta la tuwari-laweru lewatni hota ratiaka inonni pa yana rler la do'a-hala ralamni? Hota rlernohor reria O lirmu-tunmu de, Matroma totpena yana rler la do'a-hala ralamni.

Rano'a 15:10

La'pa he' ed mak yehwani de edonna nlol owa'an la talla plele'era de hota nlernana yamuki-yama'ala nniahora-nniala'a pa emekanekama hihi'ini-yapyapni re wniahlani. Me la'pa tahmena riy rpolliohora ita de hota tler la matmiati-molmuolu.

Rano'a 15:31

Riy meni ed mak khu'ru-khelam nohora pniolliohora mak kodi mormiori, de ir rre' temn olek la riy mak katu.

Rano'a 6:23

Yoma maka inmu-ammu ha rwatutu ri emeknekama wa'du mak kmormiori, me lira pniolliohorni de ed mak kodi mormiori-dardiari.

Mat. 13:52

Noma Yesus Nakot la re Niwra: “Emkade pede miy emeknekama makwatutu-kwaye'a Musa deullu-tatarni ida maka kmormior olek la Uplerlawna tnioranni-riautnu ralamni yoma nat niohora Uplerlawna wniatutnu la' ululu gahani, me nat niohor walia A wniatut warwua'ru di. Emkade pede miy die emekwalima orroma ida mak kalgota re'eni-tniarnu, de warwuarnu nor wutga gakgakamnu.”

Mat. 21:42

Noma Yesus Nakot la re: “Miy edonna mpiaik ma'ta la maka rhorat targa la Puka ralamni (la'a wat muaka ha rtot nohora la Ray Makamori-Kalewna maka Uplerlawna Nano'tar dena)? De niwra: “Wat muaka tukna edonna rnair nana pa rhi'a roma-lewu, mere rhopliala, de Uplerlawna Nnairi oleka pa Nhi'a la watu liar pianulu. Hadi ed mak Orgahi-Orha'a Nhi'a. Adoh ha samounu nee!”

Mat. 22:43

Noma Yesus Niwra: “Hade emkade, de hya' ed mak krei piede Uplerlawna Nhiwni Narialmua Daud pa nwet la Ray miaka kamori-kalewna de e Matromlawanni? Yoma Daud niwra:

Mat. 26:54

Mere la'pa hota emkade, de hota emkameni la Puka lirni mak kakot nohora A matmia'tu mak emkadi, de hota ntutu-nte'ewa?”

Mat. 26:56

Mere ha rhi' emkade totpa naplol nohor la makwohorulu-ktatrulu lirni la' Puka ralamni.” Nhor nioma maka Yesus ha Nwatutu-nwaye'a re honona rawlar dioin E' pa kni'ini-kniewarni.

Mrk. 12:24

Noma Yesus Nwahla yatianni re Niwra: “Oi, miy wniarormi de nhala, yoma miplin niohora Puka lirni, me miplin wualia Uplerlawna plolli-mneheni.

Mrk. 12:36

Daud nmeh'a nek de, Uplerlawna Nhiwni Narialmua pa nakot nohora Uplerlawna lirni la Ray Makamori-Kalewan de niwra: “Orgahi-Orha'a Nakot la a Matromlawnu (Yesus) Niwra: Muliwnu (Mumtatnu) la' A wa'lu malganna, la'pa A'utowra arwalmu pa ratniowar la O nayanmu.”

Yoh. 10:35

Itatga la Puka lirni maka ha rhorat taru re rnairia pa nodi liarni. La' hade pede la'pa riy maka klernana Uplerlawna lirni-tunnu deullu-tatarni nek de, er maka Uplerlawna Nwet la niwra: Uplerlawna a'nani,

Yoh. 3:20

Rimormior miaka khi' yatyatni-halalli, rahankeran rer lia Lelerni de, pa rahmena rma rrehgorga Lelerni, yanhi'pa riy ramkek nana ir yatni-halli.

Kisah 1:16

“Ina-nara ama-hyali, hya' maka ha rhorat tar lia' Puk lawna ralamni de Uplerlawna Netlia pa hota ntutu-nte'ewa. De la it upni-tgarni lerni de, Uplerlawna Nhiw Lululli Napre'et Daud nurnu pa nakot nohora oleka Yudas mak kla' o'tani pa rtorna Yesus de.

Kisah 18:25

La' walia rwatutg olek walia pa nat niohora Itmatromni Yesus nhiornu-tnia'anu (loini-talanni). Apolus di nwatikil la wniatutu-wniaye'a la' Yesus. La'pa nwatutu-nwaye'ela Yesus wniatutnu-wniaye'eni de, edon nhala mere nat niohor to'a hya' maka Yohansi nwatutu la' lera maka nharani riy.

Kisah 20:20

Mimiatga de a'g edonna umta'ata ukota la' miy, la'a hya' mak kodia unut tiy miy. Awuatutu-wuaye' tiy miy lia'a yawoka-yale'u lalawna gaini, me la'a roma-lewu.

Kisah 20:27

Yoma a'g edonna uwlar tiar lia a knia'ru maka a'ukot nohora tiy miy Uplerlawna ralma-riorni honona mak Enhopan pa awuahaur nohora.

Kisah 28:25

La'a wniarora-wnialai mak kapahokar tar die pa nreiniande ranewar wa. Mere edon rla' ma'ta de Paulus nakot nohora emkadilla niwra: “Emkadilla plollolli meman la Uplerlawna Nhiw Lululli lirni la it upni-tgarni. Yoma Uplerlawna Nhiw Lululli Napre'et Yesaya nurnu pa niwra:

Roma 15:4

Mak ha rakot targa la Puka ralamni honona de ral harella ra rwatutg ita. Totpena la'a wniatutu-wniaye'a maka itlernana la Puka ralamni de hota itatu ta ttahan it ralamni me yeher to'a pa it pesiayni la'a ga'a, pa hota itsa'ar reri it aranni la Uplerlawna de hota Ha Nhi' nan hya' ed maka Ha Nakot targa oleka wa.

Roma 2:20

Mimpiarora de miy er maka kwatutu-kwaye'a makpodku me mimlia' tungkur lia riy maka emeknekama keke'enku'a pa raplin niohor ma'ta deulu-tatra. Mimpiaror emkade yoma mak Yahudi miy er maka klernana deulu-tatra agama mak kakot nohora kirkira-ralma-rior samomuou me hare honona maka plol memna.

Roma 3:2

Plollolli de Yahudi it di tlernana unut lawna. La'a idni de, yoma la' ler ululu de Uplerlawna Nakot targa E lirni-tunnu la makden Yahudi ita totpena twilla-tmata samomuoga.

Roma 4:23

Me lira-tunu maka ha rhorat targa ri, de edonna rtot nan to'a Abraham nmeh'a,

1Kor. 12:7

Makpesiay honona rlernana ruri-lai mak kwatiaga Uplerlawna Nhiwni, maka nawniatniatia riy nenenna totpena hota la' hade pede it hononita tler la kalwiedni onnila it idma ntulan la ida.

Gal. 3:8

Ne Uplerlawna Nror targ oleka hota Enreiniana Yahudi atia'a mak kpesiaya Uplerlawna emeka riy mak kaplol la E yamkekni. E rhorat ul muemna oleka lir kalwieda-paitiot di la Puka ralamni, yoma rhorat targa Uplerlawna nnio'oni la Abrahama Niwra: “Hota la o rerieimu pede A'g ed mak kala yara'u-yapa'lu la riy honona la' nohkeran di wawannu.”

2Tim. 2:25

Natu nhu'ru-nhelma la'pa npolliohora maka o'ta watu, totpena twak de riy maka ha npolliohor de Uplerlawna Ntulan pa rhoitio'or doini-rtahnei dioini do'oni-halli pa rlernohora Uplerlawna wniatutnu plollola.

2Tim. 4:2

Mlier pa mlia mukot nohora kot mak kwatiawua Uplerlawan de. Ne mpuakdieh'a pa mlier la ga'a totpena riy ratlin nana. Ratlina onde rahmen ratlina, rwayowa onde rahmena. Mlier pa muhmuakur la re, de mpuolliohora riy mak khala, ne muodia la ga'a. Mpuatutu-mpuaye'a de, mutatahan ralammu.

Ibrani 11:1

Ina-nara ama-hyali, mai pia twahaur nohora pesiay. La'pa pesiay nden la ita, itat niohora de hota it tlernan memna hya' ed mak itwakwak pa tlernana, mak edonna kayamkek ma'ta.

Ibrani 3:7

Pede ina-nara ama-hyali, mliernohora hya' ed maka Uplerlawna Nhiw Lululli Nakota, Niwra: “La'pa la'a lera-mela ri, de miy e mitlin nana Uplerlawna lirni de

Ibrani 4:12

Hota twaleran pa tlernohora Uplerlawna lirni, yoma Uplerlawna lirni-tunnu de ha naruri-na'orta pa emolmolan neka wehla ara, mak kaplokar la to'orni-gaini. Lir de emeknekama wehla ar maka nuh'a la arna nora nhiwa rieiwiutnu la'pa nodi liarni la'a ruri toptopa me kriahlu yoma Uplerlawna Nawerta-nataili rimormiori wniarorni-wnialaini mak kayade'a.