2Tes. 3:15 - Alkitab bahasa Luang

¹⁵ Mere yana mimola-mima'a pa emeka arwalmi. Mere mino'a-mi'atga de emekwalima miy narmi ida.

2Tes. 3:15 Iomraidhean Croise

Nhiara 141:5

Ndella pa riy kalwiedweda rpolliohora a'u me rwatutu-rwaye'a a lia' samomuounu. La' talan emkade pede rtutga ralam kalwiedni re mai a'u. Rano'a-ra'atga a' die, emeknekama wu'ru mikmikir mak aliernana, pa hota a'g edonna wuayotlia de. Mere la' riy yatyata re, asiumbain nek ir la Uplerlawna totpa ta'enniana rhi' yatyatni-halalli.

Rano'a 25:12

Riy mak katu lira pniolliohorni de nodi untu la riy mak katlina-katailla. Yoma lira pniolliohora de emeknekama leli miaha-kdieli miaha weli wierwerta.

Rano'a 9:9

Me la'pa omuno'a-munatga riy mak katu, de hota yatnu yeher to'a napie'era. Ne la'pa ompuatutga riy mak kden rer niek la plollolli, de hota lirni-yatnu yeher to'a pa na'itar la.

Mat. 18:15

“La'pa miy mutwualmi makpesiay ida nhi'a do'a-hal tiy miy, de mlia' pa miora riy de mikot nohora do'oni-halli mak ha nhi'a, de yana riy ratga. La'pa enwayow nohora hya'a maka ha mikota la e'a, de hota miy e miple'er olekwa.

1Kor. 4:14

Aghorta hari tiy miy de ralul pia agiwra ghi' amola-ma' miy, mere awuagahniorat miy emekwalima a'na raralmu memna.

1Kor. 5:5

hononmi mhiokar doin e la krei wokni-le'enu pa mial riy della hegana amlawanni totpena hota la' nohkeran di, de e nler la lui-nuhru, yatyatni-halalli yatlorni-yatra'ani. Mhi' emkade totpa hota nreiniande enhoitio'or doini do'oni-halli totpa nler la yamori-yalewna la' ler mak Orgahi-Orha'a Nmai owa'ana.

2Kor. 10:8

Pa la'pa ukot harahu rehi la Uplerlawna plolli-mneheni maka Enal mai ami ho'mana, a'g edonna muola-mua'a la' hade. Yoma Enala hade pa ma mhedu-mtehra miy lia kalwiedwedni, me edon riwra Nal hade pa ma mpeye'er miy pesiaymi.

2Kor. 13:10

La' hade ed mak awuarora, pede a'u'enyatga horat di tiy miy la'a ler mak a'g edonna dien wut ma'ta tiy miy. Emkade totpena la'pa atiy die, yana aniairia Orgahi-Orha'a plolli-mneheni pa amuaklekal tiy miy. Yoma plola-mneh de Orgahi-Orha'a Nala a' pua ga ghedu-tiehra miy, mere edonna riwra gala pa awueyata miy pesiaymi.

Gal. 6:1

Ina-nara ama-hyali, la'pa mliernana makpesiay id mak khi' do'a-kyap hiala, de miy miak klernohor reria Uplerlawna Nhiwni lirni er maka mino'a-mi'atga totpena nawal lia kalwiedni. Mere mino' de miatu mhiu'ru-mhielma, ne mitiaka yanhi'pa riy de nod wali miy lia klieratni.

1Tes. 5:14

Ampak wal tiy miy totpena mpiolliohora riy maka kahmena kari. Mino'a-mi'atga, mial lir la' mak kamta'at lawna re. Mhima-mrie'a mak kakleha ruri-lai, ne miatu mhiu'ru-mhielma la rimormiori wialmi la'pa rhi' yatyatni la' miy.

2Tes. 3:13

Ne la'pa ina-nara miy, yan memmemna mipre'et la nhioli-lieta mak kalwieda.

2Tes. 3:6

Ina-nara ama-hyali makden la Tesalonika uhunu-riwni, la'a Itmatromni Yesus Kristus plolli etla mai ami, pa dodo'ondi amhopan miy pia olietmi la inmi-narmi makpesiay maka inon werta la tulla-kniari pa edon nlernohora wniatutu-wniaye'a maka amal olek la ira.

Titus 3:10

Riy mak kwatutga wniatutu-wniaye'a mak edon kaplola pa mak kariei pia krei upni-a'nani kni'ini-kniewarni, yoma rpesiay wniatutnu mak edon kaplola re, de ompuolliohora rde re'eni ida la'pa woru. Ne la'pa edon ratlin la lirmu, demade yana makpesiay rrehgorga pa ratlin la ir wniatutnu.