2Tes. 2:4 - Alkitab bahasa Luang

⁴ Nodia po'onni pa hota natulu-napetna inonni la'a geni-tien maka rimormiori rsumbain la, onde la'a hya'a maka rimormiori rkola tieru-rawur nehla la de. La' pa na'ala genni la Uplerlawna roma kreini nayanni me nakot nohora niwra e' de de Uplerlawn e'a.

2Tes. 2:4 Iomraidhean Croise

Dan. 11:36

Ray die hota nhi' hadom de plolli nek la e wniaror wamueheni. Orgahi Nran inonni de tullu-petanni narehia uplera-upmati honona la'pa hya' to' maka riy rpesiaya onde rkola tieru-rawur nehla la de. La'pa nareh wial de e' mana e nareh' wiallia Uplerlawna makden la tutullu-lolo'oni me nalernu-naliella E kotni-nanni. Hota nhi' nek emkade pa nod liarni la'pa nte' meman la Uplerlawna hankeranni-ralmha'arni ntuin la e' de. Yoma hya' maka Uplerlawna Neti olek wa de plol toto' pa hota ntutu-nte'ewa.

Dan. 11:45

Hota ray nla ntotpa hota nora makden Sion ra'ara, pede nariria krahanni la'a wo'or Sion nora tahi' lawna rletni de. Wo'or de ed maka ha rapili-rahniaria (terpilih) me maka Uplerlawna roma kreini ndella de. Mere la'pa hohoni dewade hota ray die nmat die riy id mana edonna ntulan la.”

Dan. 7:25

Nhor diewade ntutga tullu-petanni pa nalernu-naha'ana Uplerlawna Makdella Tutullu-Lolo'oni, me nutni-ndahla Uplerlawna rimormiorni wali. Hota ray die nahak talan pa nherun doini deulu-tatra nor wutga he'i-hepur la lerlalawna maka Uplerlawna Nakottarg oleka pa rimormiorni rhi' nana. La' walia ray die nodi plolli la Uplerlawna rimormiorni la'a anni wotelu rehenu.

Dan. 7:8

La'pa a'g e lili-lioh ma'ta dudallu re dewade plinu-plinnianama dudallu ida nmori owa'an la. Dudallu de kuku'a, mere nwakdieh'a pa nleh dioinia dudul mak kmori ulu re wotellia. Dudul ku' de nodia matni de emeknekama rimormior matni, me nodia nurnu pa nakot nohora mamainia e tullu-petanni.

Kisah 17:23

A'ulala' pa a'umkek la miy letmi di walli-walli de, umkek nana gen miaka mhioi-mtiania uplera-upmati. A'umkek wal lia' geni ida, de katri'ana ida. La katri'ana de rhorat targa riwra: “Rala la Uplerlawna maka it edon tat niohora.” Ina-nara ama-hyali, Uplerlawna maka mkiola tieru-miawur nehla la, mere edonna miat niohora de, Hade ed maka a'ukota la miy.

1Kor. 8:5

Meman nek la riy rhoi-rtania uplera-upmati harahu, mak kden la lyanti me mak kden la nohkerna wawannu,