2Ptr. 3:3 - Alkitab bahasa Luang

³ A'ukot hadi totpa mhioratreria, hota nhi'pa ntutu-nte'ela lera noha niatni, de riy maka khorat to'ola yatyatni-halalli mak edon kla' nana Uplerlawna ralamni, de hota rmai wiali. Hota ir er maka kapolu-kalielan Uplerlawna lirni

2Ptr. 3:3 Iomraidhean Croise

Rano'a 1:22

Nhar lirni pa niwra: “Hei! Miy miak kakleha ma'ta wniarora-wnialai kirkira-ralma rior samomuou, hota miy emkade nekpa nodi liarni?! Mak kahe'i-kamali lira-yatu miy re! Hota mowen nianpena mhiopliala nhiolmi-lietmi mak edon kaplola rena? Hoi, mak kpodku-kpadku miy re! Hota ler wo'ir owa'ana nhiolmi-lietmi emkade mamaini?!

Rano'a 14:6

Riy maka kpo'ona-kpei nwahak pa ntutga inonni emeknekama orkirkira-ralma rior samomuoga, mere la' plollolli de naplin niohor hadomdoma. Mere riy maka katu de hota nahaka lira nnio'a-wawa niatu de plet pa natga.

Rano'a 3:34

Hota Orgahi-Orha'a Nhi' amola-ma'a riy maka katulu-kapetna inonni maka kahe'i-kamalia rimormior wialli, mere Ntutga ralam kalwiedni la riy mak klola yawa.

Yoh. 12:48

Mere la' lera-mela noha niatni hota A li'ru ed maka rnairia pa ra rukum rira maka kwayotlia A'u yoma rahmena rreinian A li'ru.

2Kor. 4:2

La' ler mulaliaini de ametlia de totpa hota ami edonna modi riy la hya' mak edon kaplola. Yehwa mak edon kaplola de nhi'inde riy e rhi'a la yawunwunamnu ne hota nodia ir la molmola-mama'a. Mere ami edonna mhi' emkade. La' amkar die ami edonna mputra-mpalka Uplerlawna lirni-tunnu. Mere amhima-mre' Uplerlawna de amala ralma ploi-ple'era ma mlernohora E ralma-riorni. La' hade de totpa riy honona rat niohora de a kniar miamni di nden nek la plol wawna.

2Tim. 3:1

Mhuoratreri hadi, la'pa nmai wia lera hohoni maka ha rakot tar die, de hota itler la lui-nuhru polpuol inni-wakwak amni.

Ibrani 1:2

Mere la'pa ntut lia lera-mela ri mak hota kod lia noha niatni, de Enaltier mai ita de Nlol nohor neka E A'nani. La' A'nani de pede Uplerlawna Nakoki-nayapi nohkerna-rai miaran di honona. Ne Uplerlawna Nakot targa de hota A'nani de ed mak kodi plolli la haneknek wawannu.

2Ptr. 1:20

Ina-nara, ononni la'a hya' maka a'ukot olek honona re, de totpa mhioratreria de makwohorulu-ktatrulu lirni la Puka ralamni, edonna rwatiawua makwohorulu re lir wamueheni mere ha rwatiawu Uplerlawna.

2Ptr. 2:10

Mak khi' do'a-kyap hiala honona hota rler la niukamnu, mere niukum werweratni hota rala la riy maka khoratreria ralma-riora yatyata-halala mak ka'hira ir inonni la'a nhioli-lieta kdeha-ktiahli me ralernu-raha'a hya' mak inponni la' ira. Tungkuru ri rpar la ir tullu-petanni pa narieiniande edonna ramta'ata rapolu-raliella Uplerlawna hopopanni-lili'irnu maka khitita-kreprepra.

1Yoh. 2:18

A'ukot la upa-a'na mak kden la a ralmu miy, de hota noha niatni mana nhi'pa ntutu-nte'ewa. Rakot ulg olek hari tiy miy wia, de hota riy metam keranni ida mak kmalawna Yesus Kristus hota nmai wia la' lera-mela hohoni ri. Ne dodo'ondi de ho'mana riy mak kmalawna Yesus Kristus harahu er olek di. Hade ed mak kwahniort ita totpa itat niohora lera noha niatni de hota nrehgor pua nte'ewa.

Yudas 1:16

Makwohorulu-ktatrulu maka mak edon kaplola ri raltier yata me rwaghala riy meheni. La' hare mormiorni irlernohora neka nhiol yatyata mak ka'hira ralma-riorni. Ratulu-rapetna inon wamueheni, ne ranur mi'na totpa rlernana mak ha rwahaka.

Yudas 1:18

de riwra: “Hota la'pa noha nhi'pa niat wa dewade riy maka kapolu-kalielan la Uplerlawna lirni rma rrehgor wua. Rmai die rhorat to'ola yatyatni-halalli mak edonna kla' nana Uplerlawna ralamni.”