2Ptr. 2:9 - Alkitab bahasa Luang

⁹ Ina-nara, la' hare honona pede tamkek memna, de Orgahi-Orha'a Nodi plolli pa Nalewna riy maka klernohora Uplerlawna wniarorni-wnialaini, la'pa irlernana dundunti-wetwetru. Ne Orgahi-Orha'a Nodi plolli wal pia Nukum reri riy yatyata-halala re la' lera-mela ri, me la' walia la ler maka Enhudi-npar ir la watghudi lokarni tatiaili-lahannu la lera noha niatni.

2Ptr. 2:9 Iomraidhean Croise

Nhiara 12:1

Hadi de Daud nhiar ya'ulli-yawedni maka ha rala la mak khi' o'tani la mak kwatunu-kwahniara. Rwahniar de rlernohora mak ha riwra mak kla' wo'awa:

Nhiara 32:6

La' hade pede miy hononmi mak klernohora Itmatromlawanni, de hota mpiolu-mpiak la E'a la' ler maka mlier la kropna-krieutu ralamni. La' ler de de emeknekama mlier la kowlora-pah'a meti, mere Itmatromlawanni hota Nrei miy la gera tlinni-ai aratni.

Nhiara 37:33

Mere hota Itmatromlawanni Makdenrer die, edonna Nollia re pa irtuin la'a riy yatyata re limni ralamni, onde rlernana niukmu la'a ler maka ha rhudia la watghudi lokarni.

Nhiara 4:3

Oi! Rimormiormi re, ler wo'ir owa'an pa miy mipolu-miliella mpiohor weyata-mtiatra weyat a Uplerlawnu?! Hota la' ler wo'ir owa'an pa miy ralammi nod rer lia lira mak edonna kperkuna rena, me miy sukmi mikot nohor lira-tunu mak edonna kaplola re?!

Rano'a 12:13

La'a riy yatyata re de nhi'inde lira-tunu yatyatni emek toktokla pa na ntokla inon wamueheni. Mere la'pa riy samomuou nler la susa ralamni de hota Uplerlawna Nalewan nan ira.

Rano'a 16:4

Orgahi-Orha'a Nhi'a hare honona totpa rlernohora hya' ed maka Nwarora-nwalai tiarga oleka. La'a riy yatyata-halala nekane, Nror targa oleka pa hota rler la yatyatni-halalli yatlorni-yatra'ani.

Mat. 10:15

Mhioratreria! La'pa nte'ela' lera-mela hohoni maka Uplerlawna Nhudi-npara rimormiori la watghudi lokarni-tatiaili lahannu, de riy mak kden la leta-ruhuna maka edon kreinian miy er maka klernana Uplerlawna niukamnu mak kareh dioin miemna niukamnu maka riy yatyata-halala mak kden la leta Sodom nora Gomora hota rlernana.”

Mat. 6:13

Yana Muolin doin limmu-mpue'er rormu mai ami, yanpa la'pa hegana-kawnu rta'ag am die, hota amler la do'a-hala ralamni. Mere Muwohor doinia hegana rurni-karatni mai ami. [O' ed mak ktoran reria lodna-hairi me Mumrehi-mumda'ar nohora hititmu-repreparmu pa nodi liarni. Amin (Plola).]

Roma 2:5

Mere rwaldioinia de miy o'ta tehra pa miy edonna mpiayow pa miolli nhiolmi. La' hade pede orgahami mi'itar rer lia do'omi-halmi niukamnu werweratni la'a lera hohoni, mak hota Uplerlawna Ntutga hankeranni me Netlia niukamnu de ndella plol wawna pa riy honona ramkek memna.

1Kor. 10:13

La' totota-wudwiudi maka mliernana de emekwalima maka nhi'inde rimormiori ha rlernan oleka wa. Mere Uplerlawna Ndenrer pia Ntulan tiy miy. Hota E' edonna Nolin doin limni la miy pia totota-wudwiudi narehia miy rurmi-laimi. Mere la'pa mlier la totota-wudwiudi dewade Enal walia talan tiy miy, totpena miruri-milai.

2Tim. 3:12

Meman neka la he' mak kiwa klernohora Uplerlawna ralma-riorni yoma nora Kristus Yesus rla' lir ida, de hota nler la yawuhi-yawe'eta.

Titus 2:14

Enal oleka inonni mai ita totpa na Ntuwu-nhai it la'a do'a-hala ralamni, totpa do'a-hala edon nodi plolli mai ita. Ne Enhi' it la E gah wamueheni mak kakleha do'a-hala ne, mak kape'el toto' la nhioli-lieta kalwieda-paitiota.

2Ptr. 2:4

Ina-nara, mpiaror tek la Uplerlawna hopopanni-lili'irnu (malaikat) mak khi' do'a-hala. Uplerlawna hopopanni-lili'irnu re nek de Uplerlawna edonna Nhortaplinu niukamnu, mere Nhopli-nnaklia ir la'a hu'ula-lien lawna mak ktuini eti, la melli-kalamni totpena yana rwadur la gen die pa la nte'ela ler meni maka mak ktoran watghudi hota Nmai.

2Ptr. 3:7

Ne emeka la' ler ululu de Uplerlawna Nnairia E lirni pa Nakoki-nayap niana nohkeran di, de Ennair ma'ta E lirni pa Entera-ndema nohkerna totpena la'pa nte'ela ler noha niatni de hota Enala ai na nram doini nohkerna nora lyanit marna pa Nukmua riy yatyata re honona mak edon klernohora E ralma-riorni.

Yudas 1:6

Mhioratrer wial wia Uplerlawna hopopanni (malaikat) maka kpera-kdait doinia ir genni-tienni, pa narieiniande genni re rahgali. Uplerlawna ed mak kenia ranti la hopopan re limni dewade Nkenia la gen miaka mel'uta-maliena. Hota rwutu-rkohoga pa nodi liarni. Rden nek la hande pa rwei lia lera hohoni maka ha retlia ira niukamnu.

Why. 3:10

Mliernohor oleka A li'ru mak A'ukot nohora la'a yatahan ralma la kropna-krieutu ralamni. La' hade pede A' muana hota ghilpai-muanatu miy lia' noha riokatni la tipru-warta, me ray rilla ra'i-tranna. Hota ral kropna-krieutu matmiat liawan de pa ra rta'aga rimormioria nohkerna wawannu.