2Ptr. 1:10 - Alkitab bahasa Luang

¹⁰ La' hade pede ina-nara miy, mpialiewan toto' meman totpa nhiolmi-lietmi ilu-wniehwami mak kalwiedweda re erla miy mormiormi, totpena la talan emkade pede mtiut mueman de, plollolli de mior wutga riy maka Uplerlawna Nwalir nian oleka, maka Npolga pa Nhi'a la E limni-rorni. Yoma la'pa mpiehwa reri-mliakat reria emkade la mormiormi, de hota miy edon mpiadur la pesiaymi.

2Ptr. 1:10 Iomraidhean Croise

Nhiara 112:6

La'a riy mak klernohora Itmatromlawanni deullu-tatarni lirni-tunnu de yala'ani edonna ndunti ne riy rhoratreria e' pa nodi liarni.

Nhiara 121:3

Hota edonna Namkek rer nieka o' pa o mtiuini-mdiayi, yoma la'a E' de edonan Nanin targa la'a yatiak genni ralamni.

Nhiara 15:5

Nal kupna-kai lia ra'otna de edonna rnairia ya'itarni. Me nahmena riy rala kupna nhiodal nuru totpena ntota riy mak kaplola la hala wawannu. Riy mak emkade hota nla'a roma krei'yu nayanni, pa nden rer lia wo'ora-kawru Sion mak kmou-kwitan de. Hota ndella mtiertierannu.”

Nhiara 37:24

La'pa ntuini ho'mana hota edonna namno'a werwerta, yoma Itmatromlawanni ed mak ka' reria e limni.

Nhiara 62:2

Eneknek to'ama agha'ar mormio'ru la Uplerlawna nampena a ralmu namtiertiernu. La' E' nanpena aliernana yamori-yalewna.

Nhiara 62:6

Eneknek to'ama agha'ar mormio'ru la Uplerlawna nampena a ralmu namtiertiernu. La' E' nanpena agha'ar a arnu la.

Mat. 22:14

Noma Yesus Nwatia lirni la'a yawalliohor de pa Niwra: “La'a emkade wal pia polpuolu la' riy harahu pa rler teman la Uplerlawna mutnu-rahanu, mere mak ha rwaliri, de riy doma rmeh'a.”

Roma 11:29

Yoma la'pa Uplerlawna Nwaliria riy ne Nala ra'ani-pallu la riy de, hota Uplerlawna edonna Nwali owa'an lirni pa Nherun doinia hya' maka Ha Nhi' olek de.

2Tim. 2:19

Mere Uplerlawna kniarni la makpesiay re ralamni de, taken niana rawilu-rawalia la' genni. Hya' maka Uplerlawna Nhi' nana de, emolmolan nekama rariria roma ida wniatatgenni pa ta'enniana rom de rawo'la nana. Ne mak e rhorat tar lia watu liar yanulu de niwra: “Itmatromni Nat niohora E rimormiorni. Ne he' to'a mak kiwra ir mana Itmatromni hanni ira, de hota yana rhi' owa'ana do'a-hala.”

Ibrani 6:11

Mere ampak memna la' miy hononmi totpa rima-rima mdien rer lia ralam kalwiedni pa la'pa nhoru, totpena hota miatu mueman de hota mliernana hya' ed mak ha mpiahaka, mak Uplerlawna Nano'targ oleka tiy miy.

Ibrani 6:19

Ita nhia'argenni di naruri-na'orta pa emolmolan nekama watgorniha maka kaniohor apitu la' lai wikwikni, me emekwalia tniorreria pitpitu, yoma itat niohora de hota Uplerlawna Nhi' memna hya' ed maka Ha Nakot targ oleka. La'a nhia'argen die, pede emolmolan nekama tler olek la Uplerlawna genni la' Ilyamou-Watyatoha pa emekwalima o'ta-mat la makpolu-makwak la Uplerlawna de rler meman la gen lululi la kok lawna to'orni la Uplerlawna roma kreini ralamni.

Yakowsi 2:10

Riy mak khelkiai-khakpera Uplerlawna deullu-tatarni id neka, de emekneka riy maka kadunti-kawetria deulu-tatra re honona.

1Ptr. 1:5

Miy mpiesiay lia Uplerlawna. Ne la' miy pesiaymi de pede Enala plolli-mneheni natiak reri miy pia la'pa ntutu-nte'ela' lera noha niatni. Totpena la' Yesus maimiaini mak kodia mormiori-lewlewan de, de miy miana mrie' pa mlier la mormiori-lewlewna.

2Ptr. 1:3

Ina-nara ama-hyali, itat niohor oleka Orgahi-Orha'a. La' hade pede Enal E plol wamueheni pa na Naruri-na'orat nan ita, totpa tatu tmori-tdari, tsi'a-tyapi, twehwa-tlakat la plol wawna pa nla' nana E ralamni la hya'a-hya' to'owa. Orgahi-Orha'a nhiolli-lietni kalwiedweda nareh dioin momuou hare honona. Ne la' E nhiolli mak emkade pede Npolg olek it pa totpena itla' E gah wamueheni.

2Ptr. 1:5

La hade pede mpialeran toto' meman totpa pesiaymi de ra rnawalia mormiormi-dardiarmi mak kalwiedweda. Ne hade edon nmeh'a to'a mere totpa miat niohor walia hya' mak kaplola me hya' ed mak khala.

2Ptr. 3:14

La' hade pede ina-nara ama-hyali mak kden rer lia a ralmu, yoma la' lera-mela ri, miy mpiei-mniara ler hohoni me nohkerna warwuaru die, mpialiewan toto' meman pa miy mpial lia riy mak kakleha do'a-hala kuku' eti la' Orgahi-Orha'a yamkekni me totpa miora E' pa mkialwiedweda.

2Ptr. 3:17

Ina-nara ama-hyali mak kden la a ralmu, miat niohora oleka tungkuru mak edon kaplola re ha rlolola, pede erammi la temmi. Yana mliernohora ir pa rtot miy lia klieratni. Ir er maka kadunti-kawetria hya' mak kaplola. Ne la'pa mliernohora de hota miolin doin pesiaymi mak karur die pa mlier la klieratni.

Yudas 1:24

Mai pia ta'uli-tawedi Orgahi-Orha'a Uplerlawna-Mempulwatnu la tutullu-lolo'oni. E' nanpena ed mak katiaka totpena yana mtiuini, ne E nanpena ed mak kod miy lia E gaini ralamni, de mikleha do'a-hala kuku' eti me mimdien rer lia ralma hepuepru. Hota mior wutga E' la E genni la hititni-repreparni, homomarni-laliairni ralamni. E inhatte Uplerlawna-Mempulwatnu maka kamori-kalewna ita, yoma ita talair nohor A'nani Yesus Kristus, Itmatromlawanni. Mai pia ta'uli-tawedi tlilili-tmamuau E'a onnila E preheni-mkaini, rurni-laini, plolli-mneheni. Enmeh'a ed mak kodi plola-ktaryatu la'a noha gergera-tatiah'i ma'ta, la' pa dodo'ondi pa nodi liarni. Amin (Plola). A kalwie'du, Yudasa

Why. 22:14

Unut lawna nden la riy mak kpo'a-kpahia rainia plalahwani pa nmou-nwitna yoma hota ir er mak klola puohra leta la rialma pa rlernana orwo'a-auwo'a mak kodia mormiori-dardiar die.