2Kor. 1:3 - Alkitab bahasa Luang

³ Ya'uli-yawedi nden rer tiy O'a Uplerlawna-Mempulwatnu, de Itmatromni Yesus Kristus Amni mak Yesus wal pia Nkola tieru-nawur nehla de. Ina-nara, mai pia ta'uli-tawed E'a. E' de it Amlawanni mak ktut reria ralam kalwiedni mai ita. La'a hya'-hya' to'a de Enala ralam yahepru me ruri-lai.

2Kor. 1:3 Iomraidhean Croise

Puka Pianullu 14:20

Ne ya'uli-yawed lia Orgahi mak kdella tutullu-lolo'oni mak kala arwalmi la o limmu ralamni.” Noka Abrama nal doini nhiakra id la termidni la re'eni-tniarnu re honona la Melkisedek.

Nhiara 18:46

Honona re wuhurni-tekalli, me preheni-mkaini re ema rmakuk tiarga, ne la'a mak karo'wa tar mua'ta la lutur watu la' ar ralma mana rlergot pa rran limni, de rdiwdiwra-rdada'ala.

Nhiara 68:35

Takot nohora Uplerlawna rurni-laini totpena riy rat niohor memna. E' ed mak kodi plolli la Israel wawannu. Ne tamkek memna plolli-mneheni la lyanit marna.

Nhiara 72:19

Ya'uli-yawedi nden rer lia E nanni mak kden la tutullu-lolo'oni pa nodi liarni. Awuak pa mai noha wawannu di riy honona ramkek nan memna E plolli-mneheni, preheni-mkaini, kalwiedni-paitiotni, hititni-repreparni. Hade emkade naplol toto' memna! (Amin).

Nhiara 86:15

Mere onnila O' de Orgahi-Orha'a Uplerlawna-Mempulwatnu mak kmori-kdar lia tniulla-sniayanni, pede O Mdien rer lia ralma-rior mak edonna plet pa kwahla rira yatni-halli, yoma la'a O kalwiedmu maka penpuenu-tetem de nodia pa nodi liarni.

Nhiara 86:5

Samomuounu ed rer lia O'a, Matroma pede O nhiolmu de sukmu Mumou-muwitna do'a-hal mamni. La'pa he' ed maka ksumbain la O'a, de Omtiutga sniayanmu mak kodi liarni la' ira.

Dan. 4:34

La'pa nalo'on nana anni wo'itu pua rlardoin wa dewade nwatniar la heyanna ne nhioratni la'awa temni, pa na'uli-nawedia Uplerlawna Makden la Tutullu-Lolo'oni, ne nhimlolioi-nlakdardara (nran la heyanna) Uplerlawna mak kodi plolli pa nodi liarni, niwra: “Uplerlawna E' ed mak ktorna lodna-hairi pa nodi liarni pa la nhoru. E ed maka kodi plolli la'pa nahor tuwu.

Dan. 9:9

Ami edonna matlina-matail tiy O'a, Matroma, mere emkade ho'mana, O de Uplerlawan mamni de O ralammu npenpuen niohor ma'ta sniayanmu mai ami pa Mumou-muwitna do'a-hal mamni.

Yoh. 10:30

Agora A A'mu de lir ida.”

Yoh. 20:17

Mere Yesus Niwra: “Yana mtieman la A'u ina, yoma A'g edonna gha'at ma't la heyanan la' A'mu de. Mere mlia' pa mukota la A A'mu-hya'lu rora A i'nu-na'ru, muiwra A'g e giwra gha'at la heyanan pa lia A'mu mak miy Ammi wali die, me A Uplerlawnu, me miy Uplerlawanmi wal die.”

2Kor. 11:31

Uplerlawna-Mempulwatnu, de Itmatromni Yesus Amlawanni me Uplerlawanni, ed mak katga de a'g edonna u'ohpa-ulahara. E' ed mak riy ra'uli-rawedia pa nodi liarni.

2Kor. 7:6

Mere Uplerlawna, mak khi' ahepru riy mak ralamni nmolu-nhelma, ed maka kal Titus nmai pia nhi' ahepru a ralam mamni pede ami edonna mparora rupni-rupni.

Epsus 1:17

Asiumbain de totpena it Amlawanni maka ha ra'uli-rawedi, maka Itmatromni Yesus Kristus Nkola tieru-nawur nehla de, pena Nala Nhiwni tiy miy. Nhiw die ed mak kod miy lia ralma-rior samomuou totpena hota la'pa Enakot nohor Uplerlawna tiy miy die, de miat niohor memn E'a.

Epsus 1:3

Ta'uli-tawedi, tlilili-tmamuawua Orgahi-Orha'a Uplerlawna-Mempulwatnu la'a tutullu-lolo'oni. E' de de Itmatromni Yesus Kristus Amni maka Yesus wal pia Nkola tieru-nawur nehla de. E' ed mak kal oleka pripanni-fa'anni honona mak kwatiawua Ilyamou-Watyatoha mai ita. Pripanni-fa'anni re E Nhiwni Nodia mai ita, yoma la'a it di de tor oleka Yesus Kristus tla oleka ihru ida-ralm id wa.

Pilipi 2:11

Hota honona re rru'u-rtowar pa rhoi lia Yesus Kristus kotni me rwet la nanni, de riwra E' de Orgahi-Orha'a Itmatromlawanni. La' hade pede Uplerlawna-Mempulwatnu makla' Am la Yesus hota Nlernana ya'uli-yawedi.

Kolose 1:3

Amatlin olek la miy die mpiesiay oleka Kristus Yesus me miatu mtiulla-msiaynia Uplerlawna mutnu-rahanu honona. La' hade pede nhi'inde la'pa amsumbain tiy miy, de ama'uli-mawedia Uplerlawna, Itmatromni Yesus Kristus Amni de, la'a miy rerieimi.

1Ptr. 1:3

Ina-nara ama-hyali, mai pia ta'uli-tawedi tlilili-tmamuawua Uplerlawna-Mempulwatnu, de Itmatromni Yesus Kristus Amni mak Yesus wal pia Nkola tieru-nawur nehla de. Ita'uli-tawedia Uplerlawna yoma Ensayn toto' memn ita pede Nal it pa tler la mormiori warwuaru. Itlernan mormior warwuaru de yoma Enamori owa'ana Yesus Kristus la matmiatni ralamni. Ne Uplerlawna hihi'ini de ed mak kodia it la nhia'argen miak karuri. Itsa'ar it ralamni la E'a yoma hota Enal it pa tmormiori-tdardiari pia nodi liarni. Mormiori-dardiar die emolmolan nekama re'a-tniaru maka Uplerlawna Nwahi' targa oleka la Ilyamou-Watyatoha pa hota Nala mai ita. Ne hade de hota emolmolan nekama re'a-tniaru maka ta'enniana niata onde ngehpa onde nmadwuri.

2Yoh. 1:4

A'uhepur memna yoma a'utlin nan de a i'nu upni-a'nani doma e rlernohora Uplerlawna talanni mak kaplola pa rhi' nana hya' maka Uplerlawna Nakot targa la mai ita.

2Yoh. 1:9

Riy mak edonna ktorreria Yesus Kristus lirni-tunnu, mere rlernohora wniatutu-wniaye'a doma to'a, riy de edonna nor la Uplerlawna. Mere riy maka kden rer lia tlina-taili la Yesus lirni-tunnu, de riy de nora Uplerlawna me A'nani rla' ihru ida-ralm ida.