1Tim. 6:10 - Alkitab bahasa Luang

¹⁰ Yoma tmat lia kupna wawannu, de do'a-hala honona rha'at la it reranni. La' riy dom de rhokar kupna nande rawlar dioinia it agamni wniatutnu, pa reiniande rler tar lia kleha-lar lawna pa rko'a-rkakur la lelera-melmela.

1Tim. 6:10 Iomraidhean Croise

Puka Pianullu 29:14

Laban nakot la: “Ame, plollolli de o' di de ihyida-rar id wut mai a'u.” Noma Yakopa nden wut lia pa nla' nana wolla id tututu.

Puka Pianullu 29:26

Laban nwahla: “Ame, riy edonna rhi' tar tiarga nhiol mak emkarella a gen miamni di, de ramehlima gari nala' ulu yanulu.

Puka Pianullu 34:27

Nhor nioka Yakopa a'nani doma rmai. Iramkek nana mak kmati re inonni na'nama reyahru let de mniotni hyonni-hyanni, hewewatni-naniayarni pa rhi'a la ir gahani yoma rhi'a kdeh oleka ir narni Dina.

Puka Pianullu 38:16

Noka Yehuda nla napal lia patke' mak kdella talla aratni de na'nama niwra: “Mai pia agiwra gor o' manin wutu”, yoma naplin niohora patke' de de yananni. Patke' de natiana: “Hya' maka omuala mai a'u la'pa itro' tanin wutu?”

Nhiara 32:10

La'a riy mak khi' do'a-kyap hiala de hota rler la kropanni-krieutnu nniahora-nniala'a polpuol inni-wakwak amni. Mere la'pa he' ed mak kha'ara aranni la'a Itmatromlawanni Makdenrer die, de hota Itmatromlawanni Nsaynia pa Nruwun reria.

Nhiara 62:10

Riy lalawna, riy kuku'a, de rakleha weli. La'pa rawerta la' tatiaili lahannu de edonna la' nana hadomdoma. Hya' mak kapranrana meman ho'mana weratni narehi rimormior ita.

Rano'a 1:19

Plola! La'a riy maka kwahaka re'a-tniaru de nodia wuhurni-tekalli, mere hota nala aranni na nhernia.

Rano'a 1:31

La' hade pede hya' maka mtiamnia de hota mrieikia wa. Hota orgahami mtia' nan memna mehrani mak ha mpiarora-mpialai niana honona.

Rano'a 15:27

La'pa he' ed maka kwahaka ya'untu de nnairia wniarora-wnialai yatyata-halala, de e orgahani ed mak kweyata-kwaniaga e roma ihini-lewu nhiait wamueheni. Mere la'pa he' ed maka sukni tia'ala kupna nhiodal nuru, de hota nlernana mormiorni-dardiarni.

Mat. 13:22

Wini-hgon mak ktuin la ruwnu-ahla pu'na-kiarti, de emeknekama riy mak katlin nana lir kalwied de, mere ralamni mak kod rer lia nohkerna rororni-lailiaini, hihi'ini-yapyapni me re'a-tniaru, tototni-wudwiudni emeka nutni-ndahla lir kalwied de nhi'nande nakleh wo'a.

Mat. 23:13

“Tungkuru-tungkurga agama miora riy Parisi miy, adoh! Hota mlier la yatyatni-halalli yatlorni-yatra'ani. Miy mtiutga inonmi emeknekama riy samomuou, mere plollolli de riy yatyat miy (munafik). Miy e mtierteri-mtiatawa riy mak kiwra kler la Uplerlawna mutnu-rahanu. Mere miy mieh'a nekane mihmena mlier la Uplerlawna mutnu mak Enodi plolli la pa emeka ir Rayni. Ne riy mak kiwa kler la Uplerlawna mutnu demade mtieri-mtiawa.

Mat. 6:19

“Yana miakokan nohora re'a-tniaru mak kden la nohkeran di wawannu yoma hota erieri nora karte'a ra'ana re, ne hota mak kamna'a rma rwuri-rgalam nana re.

Mrk. 4:19

noma nohkerkerna rororni-lailiaini, hihi'ini-yapyapni me re'a-tniaru tototni-wudwiudni la'pa ralam mak kod rier lia hihi'a-yapyapi korni nmai pia nutni-ndahla lira di, de nhi'nande nakleh wo'a.

Kolose 3:5

La' emkade pede miolin doini hihi'imi-yapyapmi yatyatni-halalli mak kwatiawua it nhiolia rimormiorni. Yan memmemna milira-miliai, mireta-mihawa, me mhi' nana nhiol yatyata mak ka'hira ralma-riora onde mipal niana nohkeran di ralma-riorni me hyonni-hyanni. Yoma itapal nian nohkeran di hyonni-hyanni de emekwalima it tru'u-ttowr olek la uplera-upmati.

1Tim. 3:3

Yana twaliria muanke'a mak kma'wu, onde muanke'a mak kahuri-kawo'or lawna mere ta'ala riy mak khu'ru-khelma mak kodi lira mnapla, ne riy mak kor rimormior wialli rmori kalwiedweda, me riy maka ralamni edonna nden rer lia kupna-kai.

1Tim. 6:21

Yoma riy rakota riwra, ira rlernana lira-yatu re pede rwaldioinia pa rmalawna la wniatutu-wniaye'a agama mak irpesiay ulga. Ama, awuak de Itmatromlawanni Nala ra'ani-pallu nanaloi-nanatru miy. A kalwie'du tiy miy, Paulus

1Tim. 6:9

Mere riy mak kiwa ktaru, de dodo'on nekpa nlernohora me ema rtuin targa la klieratni la'a ralamni yapalli. Ne la'a podaknu mak kodia wnieyat lawna, ralma yapalia haneka-harahu wuawannu, de ha nodia it la yatyatni-halalli yatlorni-yatra'ani. Hare emolmolla i'n maka kiwa kte'la la ainiara naplin niek la ema rhewra kenna.

2Tim. 3:2

Yoma rimormiori hota edonna ramkek la rimormior wialli ne rhorat nan to'ola inon wamueheni. Nhiolli-lietni re rwarekan to' kupna, me ratulu-rapetna inonni pa polpuolu-hawaun nohora re'eni-tniarnu me inon wamueheni. Rwahauria rira kleheni-larni me rapolu-raliella Uplerlawna nanni. Upa-a'na edon ratlin la inni-amni pa rora rahuri-rawo'ora. Rakleha ralam kalwied la'a riy mak khi' kalwied la ira, ne rakleha ya'unni-yamta'ata la Uplerlawna.

2Tim. 4:10

Yoma Demas nahal doini olek a lia wa, yoma ralamni napal rieria nohkerna wniarorni. Enla' olekwa Tesalonika. Mere Kriskes enla' olek la Galatia ne Titus nla'a Dalmatia (pa rhima-rre'a Yesus kniarni la' hande).

Titus 1:11

Rimormiori mak emkare, de plet pa rhodal nurnu re, yoma ira rla'a-rmai lia likti-lara harahu pa rwotra-rtalla likatni mniotni re, pede riy mutliawanni rler la wniatutu-wniaye'a mak edonna klol talla. La' plollolli de yana rwatut emkade. Rwotra-rtalla riy liawanni yoma ra rahak to' kupna.

Yakowsi 5:19

Ina-nara ama-hyali, la'pa riy id tiy miy die nhoitio'or doinia Uplerlawna wniatutnu-wniaye'eni mak kaplol de, mere riy ida nodia riy de pa napalia owa'an Uplerlawna,

Yudas 1:11

Hota rmat wie! Iremun la Kain, mak khi' yatyatni la hyalli de larni. Ir emolmolan neka Bileam pa ir sukni-sukni de rtota riy lia klieratni yoma rwahak neka kupna-kai. Hota rlernana yatyatni-halalli yatlorni-yatra'ani pa emekwalima riy de mak kwawa Korah maka kmalawan la o'ta-mata mak kodi plolli la' ler ululu.

Why. 18:13

kayu manis, rampa-rampa, ayalli maka ha ra rtutnia, mur, la'pa anggur turnu, wu'ru saitun, wetra' ota, metma, me lembu, pipi-duma, kereta nor wutga kuda, me ata-wa'ara. Hare honona hota makden Babel edon raweli owa'ana.”