1Tim. 4:10 - Alkitab bahasa Luang

¹⁰ Itat niohora de hota itlernan untu la Ilyamou-Watyatoha. La' hade pede twadieh'a la ga'a, yoma itahnia'ar to'ola Uplerlawna mak kden la lyanti lawna E'a. E' ed mak kodi plolli pa Namori-nalewna rimormiori, la rimormiori mak kpesiay E'a.

1Tim. 4:10 Iomraidhean Croise

Nhiara 107:2

Yoma Itmatromlawanni Namori-nalewan nan miy lia arwalmi mak knahora-knala' miy. La' hade pede miprir pia mikot nohor la'a hya' maka E Nhi'a-nyapia la miy rerieimi.

Nhiara 118:8

Samounu de it tsa'ar it inonni la Itmatromlawanni totpa e Nruwun reri ita. Yana tsa'ar it aranni la rimormiori tutulanni-rere'eni.

Nhiara 36:6

Matroma, O sniayanmu mak kodi liarni de, nkokar la lyanti, me kalwiedmu maka Omtiut rer nieka de, nwahipin la darta letgarni.

Nhiara 37:40

E' ed mak ktulan la ir pa Namori-nalewna la'a gera tlinni-ai aratni. Me Nahal doinia la'a riy yatyata ha ndella, yoma Enatiak reria he' ed mak kahniu'ru la E'a.

Nhiara 52:8

Riy makden la plol wawannu la' Uplerlawna yamkekni hota rlin nana-rmat nana pa rheduma. Ne hota ira kaniha-kamal lia pa riwra:

Nhiara 84:12

Yoma Uplerlawna, de Itmatromlawanni Makdenreri pede Naruwnu-na'ahla ita, me Nodia lelerni! E' ed mak kala it pa tlernana sniayn lawna nora ya'unni-yamta'ata yatota-yawawa. E' edonna Nwayotil targa ha kalwiedweda hya' to'a la'a riy mak kakleha do'a-hala.

Dan. 3:28

Dewade ray nhar lirni pa niwra: “Ya'uli-yawedi nden rer lia la'a Sadrak, Mesakh nora Abednego Uplerlawanni. E ed maka khopna hopopanni-lili'irnu (malaekat) pa nalewna E limni-lakni re wotelu makpesiay reri E'a. Ir wotelu re edonna rlernohora a'u. Mere ralamni raplele'er pa rmati hornama yana rhu'ru-rhelam la'a atiehra onde ra'uli-rawedia maka ir edonna rpesiay, eneknek to'ama ira Uplerlawna wamueheni.

Mat. 16:16

Noma Simon Petrus nwet la: “Matro'mu de, Uplerlawna-Mempulwatnu maka kden pa nodi liarni, A'nani. O' di de Ray mak kodi mormiori-lewlewna maka Uplerlawna Nano'taru (Mesias) O inhatti!”

Mat. 27:43

Enpesiaya Uplerlawna me Niwra E' de Uplerlawna A'nani E'a. Ne mai pia tamkek teka hota Uplerlawna Namori-nalewna E' me edonna?”

Yoh. 1:29

La'pa repar dewade Yohansi namkek de Yesus Nmai wia, noma Yohansi nakot la niwra: “Mimkek ee! Uplerlawna Dum A'nani mak kuhi-kho'ora rimormiori do'oni-halli Nmai olek dee!

Yoh. 4:42

Noma rakot la pat de, riwra: “La'a ler di de ampesiaya, de ami edonna mhapar rer tio'ola hya' ed mak omukota mai ami, yoma ameh'a matlin memna la E'a, ne amatg olek walia la E' de, de plola Makamori-Kalewna rimormiori nohkerna inhatta.”

Yoh. 5:24

A li'ru-tu'nu ri raplola: de la'pa riy mak katu katlina-katailla A li'ru, ne npesiaya A A'mu, mak khopn Amuai, de hota nmormiori plalahwa pa nodi liarni. Hota edonna nlernana niukmu yoma matmiati edon nodi plolli owa'an la e'a, mere enlernan oleka mormiori plalahwa.

1Kor. 15:10

Mere la'a Uplerlawna sniayanni pede a yeh'wu nakwali pede la'pa dodo'ondi de alia' mak Yesus Nhopan pa godi Uplerlawna lirni-tunnu. Ne Uplerlawna kalwiedni mai a' die, edonna lola hamamuamua. Mere akar die nareh miemna a mutwua'lu makodia Uplerlawna lirni-tunnu re honona. Mere la'a plolli de a'g edonna ghi'a-yap niana hare honona mere Uplerlawna ed mak kor a' tialan pa narieiniande hare honona rla' ga'a.

2Kor. 1:10

La hohoni de E' ed mak kalewn olek am lia yatyatni-halalli mak kodia la matmiati-molmuolu ralamni. Me E' ed mak amha'ara a aran mamni la, pa hota Enamori-nalewn owa'an am lia hare honona.

1Tim. 2:3

It sniumbaini emkade, ed maka kod rimormior it la kalwiedni. Ne hade nlola Uplerlawna mak kalewn ita, ralamni.

1Tim. 2:4

Yoma Enwahak de, totpena riy honona rlernana mori-lewna me rat niohora hya' mak kaplola.

1Tim. 2:6

Enal inonni pa na Ntuwu-nhaiya riy honona la do'a-hala ralamni. La' hade wal pia, la' ler maka Nwarekna plollola, de Uplerlawna Ntutga de, Enala Yesus pa Nerun la nohkeran di totpa riy honona rler la mormiori-dardiari wawannu.

1Tim. 3:15

Totpena la'pa yanpa ukri'ita, de pena omuatga la emkamenila it yehwani la' maiya Uplerlawna mutnu-rahanu ita. Uplerlawna de ed mak kden pa Nodi liarni. Ne makpesiay it de, emolmolan nekama Uplerlawna romni. Yoma emolmolan nekama roma ida wniatatgeni, me riri tniutgeni-nhia'argeni nreiniande takenia rom de rawo'la nana, de makpesiay it hononita de er maka kod rieria Uplerlawna wniatutnu plollola totpa taken niana rawilu-rawalia la' genni.

1Tim. 6:17

Mak kre'a-ktar lia noh di wawannu de, ompuak la totpena yana po'ona tniarnu, ne yana rha'ar aranni la yohya' mak edon kamtemna, emekwalima re'a-tniaru. Mukot la re pa rha'ar aranni la Uplerlawna-Mempulwatnu mak kala hare honona mai ita, de narehi-nalawna, totpena ta'ana-temnia, tsewta-tnairia pa it ralamni nahepuepru.

Ibrani 11:26

Musa nwarora de hota nlernana yalernu-yaha'a yoma la'a Ray Makamori-Kalewna maka Uplerlawna Nano'taru rerieini, de ha welli narehi-nalawan la re'a-tniaru maka hota nlernana la Mesir. Yoma Musa nha'ar aranni la siewa-kai maka hota Uplerlawna Nala la' ler li'iru.

Ibrani 13:13

La' hade pede mai pia tlola E talla warwuarnu mak hota kod it pa tlernan walia E yamolli-yama'ani emekwalima Enlernana la'a leta tio'orni.

1Ptr. 1:21

Uplerlawna ed maka kamoria Yesus Kristus la matmiati ralamni, ne ema Nran nana la' gen tutulu. Ne la' Yesus Kristus hihi'ini-yapyapni la miy rerieimi, pede mpiesiay lia Uplerlawna. Emkade pede mpiesiaya me mhia'ara aranmi la Uplerlawna de hota Namori-nalewan miy.

1Yoh. 2:2

Hota la E matmiatni la it do'oni-halli rerieini pa Nhi' mak ktuw nian-khai nian ita totpena Nwe'er doinia it la do'a-hala ralamni. Ne hota it edonna tmeh'a mere rimormiori no' nohkerna wawannu honona wali (mak kreinian E'a).

1Yoh. 4:14

Ne hya' wali de a orgah miamni nek de mamkek oleka Uplerlawna A'nani, ne amod kiot la' riy amiwra E Amni ed maka khopan pa Nmai pia Namori-nalewna nohkeran di mniotni.