1Tim. 3:8 - Alkitab bahasa Luang

⁸ Emkade walia mak khima-kre'a re de riy mak ta'enniana riy raklaka la hala yoma riy kalwiedweda pede riy ratu rhu'ru-rhelma, ne ralma plele'era, me ralamni edon nden rer lia kupna-kai, me edonna ka'ana-kemnia tgo' arka lawan rehia.

1Tim. 3:8 Iomraidhean Croise

Nhiara 12:2

Niwra: Matromlawnu ne! Mtiulan la mai ami, yoma riy mak klernohor reri O' ralma-riormu re hadamon olekwa, ne hota it edon tamkek nan owa'ana ira.

Nhiara 5:9

Matromlawnu ne! Makdenreri O'a! A arwa'lu harahu rehia. Mtiulla-msiayn nan a'u pa Mu'it rer lia a li'mu totpena aghi'a hya' maka O ralammu ha nala, Mtiutga O talanmu maka Omiwra aliola.

Nhiara 50:19

Miy sukmi matmiat lia mpiahaur nohora yatyatni-halalli. Ne mpiahi' tar pua mpiaklili-mpiakdior wia.

Nhiara 52:2

pa nakot nohora riy id nanni Doeg, makden Edom de, nma nodia kot la Saul niwra Daud nte' olek la'a Abimelek romni nayanni wa:

Roma 3:13

“La'pa raltier die ir lirni re emolmolla hoi-kietra mak kwer reria wawni mak kalgot neka lira-tunu yatyata-halala. Ne putra-palka nwailiola wawni re ralamni.” “Me nurnu rage'a yapupu-yaheri emeknekama niy miaka kodi nhienni.”

Pilipi 1:1

A' di Paulus mak kal horat di tiy miy, ina-nara ama-hyali mak kla' olek la Uplerlawna mutnu, miy hononmi makden la Pilipi me mak kor oleka Kristus Yesus kla'a lira ida. Ina-nara mak khima-kre'a jema'ata nora o'ta-mata krei la'pa makpesiay hononmi! Paulus agora Timotius makhi' Kristus Yesus li'irnu-hopopanni

1Tim. 3:12

Mak khima-kre'ela jema'ata re, de natu na'ohma-nakatlia romni nayanni, ne hawni patke'a mana enekneka riy ida.

1Tim. 3:2

A'na muanke'a mak kla'a Penatu'a Samasa de, riy mak ta'enniana riy raklaka la hala, yoma nakleha do'a-hala kuku' eti. De nmehlim mana nor tutga patke'a ida nmeh'a, ne natu nodia inonni, natu nhioli-lieta totpena riy ratu rhu'ru-rhelma, natga niniha-malmiali la riy mak kanin tar lia romni, me natu nwatutu-nwaye'a.

1Tim. 3:3

Yana twaliria muanke'a mak kma'wu, onde muanke'a mak kahuri-kawo'or lawna mere ta'ala riy mak khu'ru-khelma mak kodi lira mnapla, ne riy mak kor rimormior wialli rmori kalwiedweda, me riy maka ralamni edonna nden rer lia kupna-kai.

1Tim. 5:23

Onnila omumehra lawna, awuak de yana muemnia gera nmeh'a mere muemun walia arka oke'a pa nodgiota anin yata la apanmu.

Titus 1:7

Penatu'a Samasa re, de ra'ala riy mak hota rodi plolli la Uplerlawna kniarni pede twalir die riy mak kakleha do'a-hala pede taken niana riy raklaka la halli wawannu, de twalir mak edonna kwarehi-kwatalu pede nahmena nlernohora riy ralma-riorni, onde riy maka kahuri-kawo'or lawna onde mak kma'wu, onde mak ktokal limni-kwe'el lakni onde ralamni nden rer lia kupna-kai.

Titus 2:3

Me emkade wal lia hapepe'a re totpena nhiolli-lietni re raplola pa emeka riy mak kla' olek la Uplerlawna limni ralamni. De, ir de yan memmemna rapupu-raheria rimormior wialli, ne yana rmat lia tgo'-arka. Ir wal pia er maka kwatutu-kwaye'a a'na patke'a la loi-talla samomuou.

Yakowsi 3:10

It namni de na'uli-nawedia Uplerlawna, demade nwaldioinia pa nlokra-nhaut rira. Ina-nara, la'a plollolli de yana tsi' emkade.

1Ptr. 5:2

Hyal miy re, awuak de miodi plolli la krei mutnu maka Uplerlawna Nala tiy miy pia emolmolan nekama mak khuri-kwa'ana duma mutlialawna-taurlawna, nhuri-nwa'ana dumni re la kalwiedwedni. Mhima-mrie'a krei mutnu re yoma ralammi nala kniar die, yoma kniar mak emkade ed mak kla' nana Uplerlawna ralamni. Yana miapuhuna-miaprai niohor kniarmi de. Me yana mkiar pia emeka ina-ama krei mak kwahak to' kupna-kai, mere mhi'a de miodia ihrami ralamni tetema la kniar die pa mimkek la krei mutnu-rahanu.