1Tim. 2:8 - Alkitab bahasa Luang

⁸ Ama, awuak de totpena la' meni-meni to' pa rkola tieru-rawur nehla, de a'na muanke'a rsumbaini, de rala ihru ploi-ralma ple'era, me yana rwarora-rwalaiya yawunu-yawenna la ralamni.

1Tim. 2:8 Iomraidhean Croise

Nhiara 134:2

Hononmi mrian limmi la'a gen miaka kmou-kwitna la do'a-hala ralamni, nanpena mi'uli-miwedia Itmatromlawanni Makdenrer die.

Nhiara 141:2

Mrieiniana a siumbainu di pa emeknekama a'g e ghi'a nhioi-tniani huwu mikmikri-lamliamni la' O'a. Me a li'mu rora maka aghoi-tian tiy O' di de emeknekama nhioi-tniani maka ha rala la lera ntuini.

Nhiara 24:4

Mak kla'a re de, enekneka riy mak kho'a-khaiya limni la do'oni-halli ralamni me namoga ihrani-ralamni la'a mak kawu'u-kahana, mak edonna kru'u-ktowar la watu-au mak ha rhi' nana la uplera-upmati, me mak edonna klokra-khautu la'a hya' mak edon kaplola.

Nhiara 26:6

Awuri-gohma li'mu totpa atiutga a'ukleha do'a-hala, me akola tieru-gawur nehla tiy O'a de rie'ela lie'lu reria katri'anmu.

Nhiara 28:2

A'upal niana O rommu mak kmou-kwitna de pa arian a li'mu pa asiumbain tiy O'a. Mutlin reria a li'ru maka aghaun pa ukota la O' e!

Nhiara 35:13

La' lerni la ir rsaki de a'g e niaria naniairi yaluli-yahona me utahan lara totpa ariu'ga o'tu pa asiumbain rer lia Matro'mu.

Nhiara 63:4

O sniayanmu e nareh wiallia a mormio'ru. La' hade pede u'uli-uwed rer O'a.

Nhiara 66:18

La'pa riwra a' di de nhi'inde a su'ku la wuarora-wualaiya yatyatni-halalli mana takenniana Itmatromlawanni Ntailla a polpuo'lu-wakwa'ku la E'a.

Rano'a 15:8

Itmatromlawanni Makdenrer die, Nreiniana-na'nana samomuoga riy kalwiedweda re sniumbainni. Mere Nwayotlia himima-rere'a maka riy yatyata ral la E'a.

Rano'a 21:27

Orgahi-Orha'a sukni tia'ala nhiurliwtu-wnialodwa maka riy yatyata-halala re rala, rereh mieman walia la'a rhurliwtu-rwalodwa rnairia wniarora-wnialai yatyata-halala.

Mat. 21:21

Yesus Niwra: “Mhioratreria, la'pa miy pesiaymi edonna nwalera de hota miy niek de mhi' walia hya' maka Aghi' oleka la'a kar on de. Ne hota hade edonna nmeh'a mere la'pa mikot to'ola wo'or di pa nwarei lia tah'i lawna hota narinni la' tah'i lawna ralamni.

Mat. 5:44

Mere A'ukot hadi tiy miy lia' dodo'ondi de, mihaka mak khi' yatyat tiy miy pa mhi' samomuou rer lia. Msiumbainia riy maka kamuki-kama'ala miy.

Mat. 6:12

Mumou-muwitna a do'a-hal mamni emekwalima am miana mhoratdoinia riy do'oni-halli mai ami.

Luk. 23:34

[Noma Yesus Nsumbain la Niwra: “Amee! Yana mtio'ona harilla' do'oni-halli wawannu, yoma hari e raplin niohor ma'ta hya' maka ha rhi'a re ee!”] Noma rdurmu-rhakra Yesus naniayarni de rnairia patui (undi).

Luk. 24:50

La'pa nhorwua noma Yesus Nodgiot ir pa rla'a leta Betania onni. Rla'awa la hande noma Yesus Nran limni pa na Ntera-ndema re.

Yoh. 4:21

Yesus Niwra: “Mpuesiay A'uo, la' lera ida de hota riy rpolu-rwak la it Amlawanni de edonna rmai lia wo'or di, me Yerusalem nek de edonan wali.

Kisah 10:2

E' de nora romni mniotni re, riy mak ka'unni-kamta'ata Uplerlawna ne nhiolli-lietni nlernohora Uplerlawna ralma-riorni. E' mana nhi'de ntulan la riy Yahudi mniotni mak kakleha-kaplara, ne e nkol reri-nawur rer miamain la Uplerlawna.

Kisah 10:31

Nakot niwra: “Kornelius! Uplerlawna Nreinian oleka polpuolmu-wakwakmu, ne Nhoratreria o' la ralam kalwiedmu la riy mak kakleha-kaplara.

Kisah 10:4

Mere Kornelius namkeka hopopan de, de namta'at wenna, noka niwra: “Hya'a matrome?” Hopopan de nwahla: “Polpuolmu-wakwakmu me ralam kalwiedmu la mak kakleha-kaplara Uplerlawna Nreinian oleka, ne Uplerlawna Nhoratre'ru.

Kisah 21:5

Mere la'pa a ler mamni ntu'tu la hande, noma amaltarga ira, ne mala' pa amodi liar mamni. Riy makpesiay mak kden hande honona rora hawni-a'nani rlidan nohora am pia amler la leta herni wali tio'ora. A honona mpaltiora-mpaltiemna la'a eni ga'arni pa msumbaini.

Kisah 7:60

Noma nwaltior pa nhaun la Orgahi-Orha'a niwra: “Orgahi-Orha'a nee, yana Mpuahla mak khi' a'u ri do'oni-halli.” La'pa nakot emkade dewade nwaran doini aranni.

1Kor. 7:7

Mere a' die, agiwra totpa riy honona emekwali a' pua edonna rmehlima. Mere Uplerlawna Nmeh'a neka ed mak kala rima-rima ra'ani-pallu (karunia). La' riy id de Nala ra'a-palu pia hota edonna nmehlima. La' riy dom de, Nala ra'a-palu pia nmehlima.

2Kor. 2:14

Mere emkade ho'mana a'u'uli-uwedi Uplerlawna-Mempulwatnu yoma a arwal miamni re ta'enniana rhi' tertieri-tawtawa mai ami, onnila amor oleka E A'nani Yesus Kristus mla' ihru ida-ralm ida. Ne Uplerlawna Nnairi ami mak ululu de mhi' E arwalli re, pa dodo'ondi de mla makot nohora Yesus Makamori-Kalewan de la' meni-meni to'a!

Pilipi 1:12

Ina-nara ama-hyali miy hononmi, agiwra miatga de kropna-krieutu mak aliernan oleka di, edon rla' oruli-augewat la a'ukot nohora Uplerlawna Kot Kalwiedni la'a Kristus Yesus. Mere rwaldioinia la de, hare honona de, ed mak katota-kariei pia rira liawanni ratlina la' Kot Kalwied de.

1Tes. 1:8

Yoma onnila mikot nohora Uplerlawna Kot Kalwiedni, pede Orgahi-Orha'a nanni nwewar la Makedonia me Akhaya ne hade edonna nmeh'a, mere hya'a maka ha mpiesiaya la Uplerlawna de nwewar la noha kperanni pede ami edonna makot nohora owa'an la' ira.

1Tim. 5:14

La' hade pede agiwra ramehlim owa'ana patyata mak edon nhape' ma'ta totpena rlernana upa-a'na de, de ramkek la mehlimni kalwiedni-paitiotni pa totpa mak edon pesiay re edonna rlernana talan pa rahe'i-ramali ita.

Titus 3:8

Lir di de lira plol toto'a pede mpiesiaya. Ne la'a wniatutmu de, omukot nohor reria hya' maka a'ukota ri, totpena riy mak kpesiay Uplerlawna de, ralamni toto'ola, pa rwaleran la'a hihi'a-yapyap miak kalwiedweda. Yoma lir mak a'ukot oleka ri, de rodi unut la rimormiori honona.

Ibrani 10:22

la' hade pede mai pia itwakrian reria Uplerlawna. Itwakrian reria Uplerlawna de tal toto' memna it ihranu ralamni maka ha rwaloi-rwale'er oleka la'a do'a-hala pa emeknekama ra rkarg olek rara la, nor wutga it pesiayni mak karuri, me it inonni maka ral oleka gera ra ramou-rawitna la'a nhiarani ralamni.

Yakowsi 4:8

Mriehgor rer lia Uplerlawna ne E' mana hota Nrehgor rer tiy miy. Mhio'a-mhiaiya limmi la do'omi-halmi ralamni, me mimoga ihrami-ralammi la'a mak kawu'u-kahana, yoma miy ralammi worworga la miy pesiaymi.

1Ptr. 3:7

Me la'pa hawa muanke'a miy. Miy miana mhi' samomuou lia hapmi de. Yoma miat niohora hapmi patke'a rakleha ruri-lai manmuanu pa emekwali miy. Miatu mhiu'ru-mhielam nohora yoma hota miy rewre'wa pa mliernana mormiori-dardiari plalahwa pa nodi liarni. Miy mliernana mormiori-dardiar die onnila Uplerlawna ralam kalwiedni pede Nara'a-napalga hade tiy miy. Mhi' samomuou lia hapmi de totpena yanpa nhioli-lieta mak edon kaplola nodia yawuhi-yawe'et la miy sniumbainmi.