1Tim. 2:7 - Alkitab bahasa Luang

⁷ Me la'a hade rerieini pa Uplerlawna Ntutmuata-nkewra' a'u, pa a lia god kiota-gal de'eta Uplerlawna Kot Kalwiedni maka rakot nohora mormiori-lewlewan di, me totpa awuatutga la riy Yahudi atia'a la' pesiay mak kaplol di. Hya' maka a'ukota ri de, de ha plollola re, me a'g edonna ulahara.

1Tim. 2:7 Iomraidhean Croise

Nhiara 111:7

Itmatromlawanni hihi'ini-yapyapni rden rer lia plol wawannu. E' edonna Naheri-nawalia lirni la'a hya' maka ha Nakot oleka wa. Deullu-tatarni honona re naplol memna pede it edon tamta'at pa tlernohor reria.

Yoh. 7:35

Noma o'ta-mata Yahudi idma natian ida, riwra: “Hota riy di Niwra Nokur meni pede hota it edonna tlernana? Yanpa Niwra la' teman la riy Yahudi mak klaun la riy ornoha, totpena Nla Nwatutga riy Yahudi atia'a la' hande?

Kisah 14:27

La'pa ha rte'ela Antiokia, noma rawoka makpesiay Yesus la hande. Ne rwahaur nohor hya' maka Uplerlawna Nhi' oleka la ira kniarni ralamni, de la'a emkameni la Uplerlawna Nhar tialan la riy maka Yahudi atia' totpena rpesiay Yesus.

Kisah 22:21

Mere Itmatromni Nakot owa'an la mai a'u: “Mlia'awa, yoma hota A'g ed mak khopan pa omlia'a gen miaka oliet memna, la'a riy maka Yahudi atia'a.””

Kisah 26:20

mere ukot la re totpa rhoitio'ora-rtahnei dioinia do'oni-halli re, me rma rodia inonni la Uplerlawna. Lera-lera nekpa hihi'ini-yapyapni nhiolli-lietni re ploloi-plele'era totpa rtutga la mormiorni-dardiarni ralamni, de rhoitio'ora-rtahnei oleka do'oni-halli pa rmai lia Uplerlawna limni ralamni olekwa. La'a hari de a'ukot ulga la Damsik, pa nhorwua noma la Yerusalem me la'a Yudea uhunu-ewatni me la' walia riy mak Yahudi atia'a.

Kisah 9:15

Mere Itmatromlawanni lirni: “Mlia'awa, yoma Awualir oleka e' wa totpena nhima-nre'a A knia'ru, pa nwahaur lol A lia hairi-hairi korni rora ir rayni me Israel mniotni wali.

Roma 1:9

Asiumbain de aghorat rer miy. Uplerlawna orgahani ed maka Ha Natlin reria li'ru ri. Id mana edonna u'itra-ulawna. Uplerlawan de ed maka aghima-rie'a E kniarni de agal toto' memna a ralmu pa agala ukot nohora Kot Kalwieda-Paitiota la'a A'nani Yesus Kristus.

Roma 10:14

Mere hota emkameni la riy rwak Itmatromlawanni pa Namori-nalewna ira la'pa ir edon rpesiay ma'ta la E'a? Ne emkameni la irpesiaya la Itmatromlawanni mere ir edon ratlin nohor ma'ta E'a? Ne hota emkameni la iratlin nohora Itmatromlawanni mere riy edon rmai pia rakot nohora E'a la' ira.

Roma 11:13

Mere dodo'ondi, a'g e ultier niohora hari tiy ina-nara ama-hyali miy, miaka edonna kler wut lia riy Yahudi. A' di de ghi'a riy makodia Uplerlawna lirni-tunnu la'a miy maka Yahudi atia'a, de akar toto' memna yoma awuarora de ha samomuou eda kniar di.

Roma 15:16

de totpena a'g ed mak khima-kre'a Yesus Kristus tulanni-kniarni la'a Yahudi atia'a rerieini, pa emeknekama awual lia imam id la ir rerieini. Yoma ukot nohora Kot Kalwieda-Paitiota mak kwatiawua Uplerlawan la ira totpena la'a irpesiaya de, a'g ed mak karei pia ir de emeknekama hoihoi-tantiani la'a Uplerlawna, maka E ralamni Nala me maka Nmeh'a gahani yoma Uplerlawna Nhiwni Naliri-nalioh nan ir la Uplerlawna.

Roma 9:1

Ina-nara ama-hyali, hya' ed maka agiwra ukot di de ha plollola de. A'g edonna ulahara. Yoma a' di de Yesus Kristus gahani a'u me a ih'ru ralmu de, Uplerlawna Nhiwni ed mak kodi plolli, me Enhi' a' pua agatga de a li'ru ri ha raplola.

1Kor. 9:1

Yanpa mpiarora de ta'enniana aliernohora mak awuarora de naplola?! Yanpa mpiaror a' di de riy mak Yesus Kristus Nhopan pa godia Uplerlawna lirni-tunnu atia' a'u, yoma miatniekamde a'g edonna umkek meman ma'ta Yesus Itmatromlawanni de?! Yanpa miplin mua'ta la'a Orgahi-Orha'a tniultulanni-rere'eni mai a' pua a'ukot nohor E' la tiy miy pia dodo'ondi de miat niohora E'a?!

2Kor. 11:31

Uplerlawna-Mempulwatnu, de Itmatromni Yesus Amlawanni me Uplerlawanni, ed mak katga de a'g edonna u'ohpa-ulahara. E' ed mak riy ra'uli-rawedia pa nodi liarni.

Gal. 1:20

Hya' ed maka aghorat taru ri de ha raplola. Uplerlawna Nat niohora, de a'g edonna ulahara.

Gal. 2:16

La'pa hade ho'mana it mana tat walia de, riy ror owa'ana Uplerlawna rkalwieda yoma la'a pesiayni la Yesus Kristus ne yoma edon riwra e nlernohor oleka agama deullu-tatarni. Pede itmeh'a nek de tpesiaya Yesus Kristus totpena hota Uplerlawna Nreiniana-na'nana ita pa emeka riy mak kaplol la E yamkekni, yoma la it pesiayni. Edon riwra yoma la'a it ya'unni-yamta'atni la agama deullu-tatarni. Yoma riy id mana edon nora Uplerlawna rkalwieda onnila nlernohora deulu-tatra.

Gal. 2:9

Yakowsi, Petrus me Yohansi maka miy mhioiya la krei wokni-le'enu o'tani-matni mak karehi-kalawna, nekane rreiniana agora Barnabas wali pa emeka ira kniarwialli. Pede rwapahar lima la' a rerie'yu. Yoma rwarora de Uplerlawna ed mak kala kniar werwerat de la a'u. Noma amla' lira ida pa hota amkar lia' riy maka Yahudi atia'a me irkar lia riy Yahudi.

Gal. 3:9

Abrahama npesiaya pa nlernana Uplerlawna ra'ani-pallu. Emkade walia riy honona makpesiay, de hota ror wutga Abrahama rlernana yara'a-yapalu mak kwatiawua Uplerlawna.

2Tim. 1:11

La'a Kot Kalwieda-Paitiot de, pede Uplerlawna Ntut a' pua a lia makodi E lir kalwiedni pa a'ukot nohora lir de me awuatutga la riy.

2Ptr. 2:5

Emkade wal lia' nohkeran dilla ler ululu, de Uplerlawna edonna Nollia niukum lawna. Uplerlawna Nala gera ktiowru-opli nhia'a la'a makden la nohkerna wawannu mak kahmena katlina-katailla E'a. Mere enekneka Nuh (mak kakot nohora mormiori-dardiar maka kaplol la Uplerlawna yamkekni totpena riy rat niohora) nor wut wualia e rom pali re wo'itu er maka kler la mormiori-lewlewna.