1Tim. 2:3 - Alkitab bahasa Luang

³ It sniumbaini emkade, ed maka kod rimormior it la kalwiedni. Ne hade nlola Uplerlawna mak kalewn ita, ralamni.

1Tim. 2:3 Iomraidhean Croise

Luk. 1:47

Ne a ralmu nahepuepru yoma Uplerlawna O'a ed mak kamori-kalewn a'u.

Roma 14:18

Riy maka klernohora Yesus Kristus mak ktutga nhioli mak emkadi, de hota Uplerlawna ralamni nala de. Ne rimormior wiali miana ralamni nal walia.

Pilipi 1:11

Hota Kristus Nkar lia miy ralammi pede, mormiormi-dardiarmi penpuenu-nanah samomuou meman la nhiolmi-lietmi ilu-wniehwami pede mak kamkeka nhiolmi-lietmi re hota rodia ya'uli-yawedi la'a Uplerlawna-Mempulwatnu.

Pilipi 4:18

Aliernan oleka narehi-nalawan walia ntutul tutawnu, yoma miy enyatmi mai a'u, de aliernan oleka la Epafroditus. Pa dodo'ondi de aliernan oleka pripanni-fa'anni. Hya' maka miy miala mai a'u re de, emekneka prehena-mau maka huwnu mikarni la' Uplerlawna pa Nreiniana-na'nana.

Kolose 1:10

La' emkade de hota mormiormi e rlernohor oleka Itmatromlawanni ralma-riorni, me la' hya'-hya' to'owa de miy mhi' mamainia mak klola E ihranu-ralamni pa hota nhiolmi-lietmi ilmi-wniehwami honona re, rden la plollol wawannu. Me miy o'ta-kriahlu miy re yeher to' pa naphyar wia pede miat niohor memna Uplerlawna.

1Tes. 4:1

Ami e mal walia olek la' miy wia ina-nara ama-hyal miy re la'a loi-talla maka mliernohora totpena mormiormi-dardiarmi re rlernana Uplerlawna ralamni. Meman neka la mormiormi-dardiarmi ntutg olek hade wa. Mere hota dodo'ondi de, onnila itora Itmatromni Yesus tla' ihru ida-ralm ida pede ampaka toto' tiy miy pia yeher to'a pa mlier la ga'a, yana mpiadur la' lir maka amakota re.

1Tim. 1:1

A' di Paulus, mak kal horat di tiy o'a a'nu Timotius. La'a it pesiayni la Uplerlawna, de o' emeka a a'na raralmu o'a. Ama, Uplerlawna Makamori-Kalewna ita me Kristus Yesus mak itsa'ar it aranni la, ed maka Ntutmuata-nkewra' a' pua a lia makodia E lir kalwiedni. Awuakwak de Uplerlawna it Amlawanni de Nora Itmatromni Yesus Kristus ralma kalwiedni pa Nala ra'ani-pallu me kalwieda-paitiota nanaloi-nanatar nan o'a.

1Tim. 4:10

Itat niohora de hota itlernan untu la Ilyamou-Watyatoha. La' hade pede twadieh'a la ga'a, yoma itahnia'ar to'ola Uplerlawna mak kden la lyanti lawna E'a. E' ed mak kodi plolli pa Namori-nalewna rimormiori, la rimormiori mak kpesiay E'a.

1Tim. 5:4

Mere la'pa patyata ida upni onde a'nani etla de, mual lir la totpena ratu rtulla-rkari, ragera-ra'ai pa ramkeka pleini ira romni mniotni kleheni-larni totpena ratu rwahla inni onde upni prehenni-maunu. Hadi de wniehwa-liakta mak kaplollola la'a riy mak kpesiay oleka. Hota rhi' emkade yoma wniehwa-liakta emkadi de hota nlola Uplerlawna ralamni.

2Tim. 1:9

Uplerlawna Namori-nalewna ita ne Npolg it pa tla' E gah wamueheni mak kakleha do'a-hala. Enhi'a hare honona de edonna Namkek la hya' maka it tsi'a-tyapi oleka la'a it mormiorni di, mere Nhi' hare honona de Nhapar rer lia E kalwiedni maka Ha wniaror oleka la ler maka Uplerlawna edon Nakoki-nayap mia'ta nohkerna. Mere la'pa dodo'ondi na'nama Uplerlawna Ntutga kalwiedni-paitiotni de mai ita, de tamkek nek la Kristus Yesus maimiaini, de emekneka Makamori-Kalewna mak katowar oleka matmiati la' yawa, ne Nodia mormiori-dardiari pa Nmai. Enayakot olek la' mormiori-dardiari mak kodi liarni de la' E Kot Kalwiedni-Paitiotni ralamni.

Ibrani 13:16

Yana mhiortaplinga pa mpiehwa-mliakat la plol wawna me mira'a-mipalga la rimormior wialmi, yoma wniehwa-liakta mak emkade, de emeknekama itsoi-ttania patuini-paro'ona mak kla' nana Uplerlawna ralamni.

1Ptr. 2:20

Mere la'pa miy edon mliernohor upmi-matrommi lirni pa narieiniande enliwra-nkaklu miy mere miy edon mpiahla, de Uplerlawna edon Na'uli-nawedi miy lia hihi'imi-yapyapmi de. Mere la'pa mdiella plol wawna mere emkade ho'mana ramuki-rama'al miy, nhiolmi-lietmi mak katu khu'ru-khelam nohora ma'ta de ed mak kaplol la Uplerlawna yamkekni.

1Ptr. 2:5

Me miy die mana mlier olek la mormiori warwuaru pede miy die emolmolan nekama watu-watu maka ha rnairia pa rariria roma-krei ida, yoma la' miy ralammi re Uplerlawna Nhiw Lululli Ndella. Enhi' miy totpa hota mpial lia riy maka Uplerlawna Nwaliri-nwalioha pa Nhi'a la E gah wamueheni maka ktulla-kar lia E'a emeka imam pa miala himima-rere'a la E'a, maka E ihranu ralamni nala. Himima-rere'emi re rla' nana E ralamni onnila Yesus Kristus hihi'ini-yapyapni la miy rerieimi.