1Tim. 1:1 - Alkitab bahasa Luang

^1-2 A' di Paulus, mak kal horat di tiy o'a a'nu Timotius. La'a it pesiayni la Uplerlawna, de o' emeka a a'na raralmu o'a. Ama, Uplerlawna Makamori-Kalewna ita me Kristus Yesus mak itsa'ar it aranni la, ed maka Ntutmuata-nkewra' a' pua a lia makodia E lir kalwiedni. Awuakwak de Uplerlawna it Amlawanni de Nora Itmatromni Yesus Kristus ralma kalwiedni pa Nala ra'ani-pallu me kalwieda-paitiota nanaloi-nanatar nan o'a.

1Tim. 1:1 Iomraidhean Croise

Nhiara 106:21

Rhoratdoin memna O'a maka kamori-kalewna ira la' Mesir. Rhortaplinga O hihi'imu-yapyapmu maka rimormiori edonna rhi' tar lia mai nohkerna wawannu.

Luk. 1:47

Ne a ralmu nahepuepru yoma Uplerlawna O'a ed mak kamori-kalewn a'u.

Luk. 2:11

La' ler di de rayori oleka papay id la Daud letni (leta tniet ohorni), mak kodia miy lia mormiori-lewlewna. E' ed maka ha riwra Ray Makamori-Kalewna maka Uplerlawna Nano'taru, de Itmatromni.

Kisah 9:15

Mere Itmatromlawanni lirni: “Mlia'awa, yoma Awualir oleka e' wa totpena nhima-nre'a A knia'ru, pa nwahaur lol A lia hairi-hairi korni rora ir rayni me Israel mniotni wali.

Roma 1:1

Ina-nara ama-hyali miy hononmi mak kden la Roma! Mak khorat horat di, de a'u, Paulusa, mak kla' Yesus Kristus hopopanni-lili'irnu. Uplerlawna orgahani ed mak kwaliri-kwalioh nan a' pua Nhopn a lia ukot nohora Kot Kalwieda-Paitiota de, mak kwatiawua Uplerlawna. Kot Kalwieda-Paitiot de Uplerlawna ed mak kano'targ hade la' ululu memna la'a makwohorulu-ktatrulu (nabi). Ir er maka rhorat tar la Puk Lululli ralamni. La'a Kot Kalwieda-Paitiota de enakot nohora A'nani, Itmatromlawanni Yesus Kristus. La'pa tamkek la rimormiori wawannu, de E' de ray Daud duratni-waitni E'a. Mere la'pa tamkek la Orgahi-Orha'a, de E' de Uplerlawna A'nani E'a. Uplerlawna ed mak ktut muemna hade la' ler maka e Nnairi E Nhiw Lululli pa Namori owa'an Yesus la matmiati ralamni. Uplerlawna Ntut wualia ralam kalwiedni mai a pua Nwalir nian alia' mak kodia E lirni-tunnu, totpena hota awuatutu-wuaye'a hairi-hairi maka Yahudi atia'a re pa ratu ratlina-ratailla E lirni-tunnu onnila ir pesiayni la E'a, totpena Enlernana ya'uli-yawedi. Uplerlawna Ntutga ralam kalwiedni de mai a'u onnila Yesus Kristus hihi'ini mai a'u. Ne mak kden la Roma miy miana, Uplerlawna Npolg olek wali miy pia mlier teman la Yesus Kristus mutnu-rahanu. Pede ina-nara ama-hyali maka Uplerlawna Nsaynia, me maka Uplerlawna Npolga pa mhi'a E mutnu-rahanu, agal horat di tiy miy. Awuak de Uplerlawna, it Amlawanni de, Nora Itmatromni Yesus Kristus pena ed mak kala ra'ani-pallu me kalwiedni-paitiotni tiy miy.

1Kor. 1:1

Ina-nara ama-hyali makden la Korintus. Miy di de krei wokni-le'enu mak Uplerlawna Npolga pa mlier la E mutnu mak kakleh do'a-hala. Mlier la E mutnu mak kakleh do'a-hala yoma miora Kristus Yesus mlia' ihru ida-ralm ida, de mior wutga mak kden meni-meni to'a, mak kola olek la Itmatromni Yesus Kristus tiernu. E' de ed maka it hononita Matromlawanni E'a. Paulus a'u me it mutwualli Sostenes, ampak de Uplerlawna, it Amlawanni de, nora Itmatromni Yesus Kristus pena ed mak kala ra'ani-pallu me kalwiedni-paitiotni tiy miy. Agodi plolli pa ghorta horat di, yoma a' di de maka Kristus Nhopan pa agodia Uplerlawna lirni-tunnu. Yoma Uplerlawna Nmeh'a Nran a lia E wniaror wamueheni.

1Kor. 9:17

Mere la'pa mak a'ukot nohora Kot Kalwied de, yoma apuar la ralma-rior wamueh'u mana hota aliernan a prehenu-ma'u wniahlani. Mere plollolli de ukot nohora Kot Kalwied de onnila a kwa'ru hade, yoma Uplerlawna ed mak ktut pua agala kniar die.

2Kor. 1:1

Ina-nara ama-hyali makpesiay, makden la letlawna Korintus la'pa Uplerlawna mutnu-rahanu honona makden la Akhaya liewnu. Paulus, maka Kristus Yesus Ntut niana pa agodia Uplerlawna lirni-tunnu onnila Uplerlawna ralma-rior wamueheni, a'g inhatti. Agora it hyalli Timotius ma'enyatga horat di tiy miy.

Gal. 1:1

Ina-nara ama-hyali, krei mutnu-pepanni makden la Galatia yapatni. Paulus a'g inhatti. Agora ita inni-narni makpesiay honona mak kor wut a lia handi, de ampak de Uplerlawna it Amlawanni de Nora Itmatromni Yesus Kristus pena ed mak kala ra'ani-pallu me kalwiedni-paitiotni tiy miy. Aga'ala kniari pa a'ukot nohora Yesus lirni-tunnu, de la' rimormiori id mana edonna ntutmuata-nkewra'a nan (ntutga) a'u, mere onnila Yesus Kristus Nora it Amlawanni Uplerlawna maka kamori-kalewan nan owa'ana E la matmiatni ralamni, ed mak ktutmuata-kewra'a nan a'u.

Gal. 1:11

Ina-nara ama-hyali miy hononmi, totpa miatga, de Kot Kalwieda-Paitiota mak a'ukot nohora de hade edonna nwatiawua rimormiori nurnu.

Kolose 1:27

Maka Uplerlawna Niwra Nakota-nalde'eta, de Yahudi atia' mana hota rlernana Uplerlawna kalwiedni-paitiotni, ra'ani-pallu, pripanni-fa'anni mak samomuou memna. Uplerlawna ralma-riorni maka ululu de ha rawunum targa mere dodo'ondi rakot nohor de emkadi: de Yahudi atia' miy miana, Yesus Kristus etla miy ihrami ralamni, pede miat muemn oleka de hota miora Uplerlawna la'a geni miaka khitita-kreprepra.

2Tes. 2:16

Dodo'ondi ampak la Itmatromlawanni Yesus Kristus Nmeh'a neka Nora Uplerlawna-Mempulwatnu makla' Am la it hononita pa Nahepur nan miy, ne Naruri-na'orat nan miy ralammi totpena mkiar pia mikot nohora hya'-hya' to' maka kalwieda-paitiota, ne nhioli-lieta kalwieda honona re hota mhi' nana-myap niana. E' ed maka Nsayni ita, ne la'a E ralam kalwiedni, pede Enhi' pa ita nhia'argenni naruri, me totpa it edonna twaler la it genni pa nodi liarni.

1Tim. 1:12

A'u'uli-uwedia Itmatromni Kristus Yesus, maka kal ruri-lai mai a'u pa akar lia E kniarni, yoma Enlina-nmat a' die plola mai a lia kniarni di pede Ntutmuata-nkewra' a'u.

1Tim. 2:3

It sniumbaini emkade, ed maka kod rimormior it la kalwiedni. Ne hade nlola Uplerlawna mak kalewn ita, ralamni.

1Tim. 2:7

Me la'a hade rerieini pa Uplerlawna Ntutmuata-nkewra' a'u, pa a lia god kiota-gal de'eta Uplerlawna Kot Kalwiedni maka rakot nohora mormiori-lewlewan di, me totpa awuatutga la riy Yahudi atia'a la' pesiay mak kaplol di. Hya' maka a'ukota ri de, de ha plollola re, me a'g edonna ulahara.

1Tim. 4:10

Itat niohora de hota itlernan untu la Ilyamou-Watyatoha. La' hade pede twadieh'a la ga'a, yoma itahnia'ar to'ola Uplerlawna mak kden la lyanti lawna E'a. E' ed mak kodi plolli pa Namori-nalewna rimormiori, la rimormiori mak kpesiay E'a.

Titus 1:3

Uplerlawna mak kamori-kalewna ita, Nmeh'a neka ed mak khopan pa agod kiota-gal de'eta lirni de. Entutmuata-nkewra' olek a'u totpa la'pa ntutu-nte'ewa la' ler maka Uplerlawna Nwalir niana pa na'nama rimormiori ratlin nana nnio'oni, de a' wual pia ed mak kakot nohora.

Titus 2:10

Atia'a de rkamna'a upni-matromni hyonni-hyanni. Nhi'inde irtutga la ir inonni wniehwani de samomuou totpa tunni npesiay ira, totpena wniehwani re rodia rira pa rwarora Uplerlawna mak kamori-kalewn ita, de wniatutnu de naplola.

Titus 2:13

maka it twei tio' la lera-mel maka ha twei-tnara, de ler mak kodi it la ralam hepuepru. Hota la' ler de nohkerna hota namkeka Yesus Kristus, de de Uplerlawna-Mempulwatnu, mak kamori-kalewn ita, reheni-lawanni.

Titus 3:4

Kennama itden ma't la do'a-hala ralamni, mere Uplerlawna mak kamori-kalewn ita Ntutga ra'ani-pallu, me ralam kalwiedni mai ita,

Titus 3:6

Ne Uplerlawna Nalernia Nhiw Lululli mai ita totpena Nkar tioto' memna la it ralamni, de lol Yesus Kristus mak kamori-kalewna ita hihi'ini-yapyapni.

1Ptr. 1:21

Uplerlawna ed maka kamoria Yesus Kristus la matmiati ralamni, ne ema Nran nana la' gen tutulu. Ne la' Yesus Kristus hihi'ini-yapyapni la miy rerieimi, pede mpiesiay lia Uplerlawna. Emkade pede mpiesiaya me mhia'ara aranmi la Uplerlawna de hota Namori-nalewan miy.

1Ptr. 1:3

Ina-nara ama-hyali, mai pia ta'uli-tawedi tlilili-tmamuawua Uplerlawna-Mempulwatnu, de Itmatromni Yesus Kristus Amni mak Yesus wal pia Nkola tieru-nawur nehla de. Ita'uli-tawedia Uplerlawna yoma Ensayn toto' memn ita pede Nal it pa tler la mormiori warwuaru. Itlernan mormior warwuaru de yoma Enamori owa'ana Yesus Kristus la matmiatni ralamni. Ne Uplerlawna hihi'ini de ed mak kodia it la nhia'argen miak karuri. Itsa'ar it ralamni la E'a yoma hota Enal it pa tmormiori-tdardiari pia nodi liarni. Mormiori-dardiar die emolmolan nekama re'a-tniaru maka Uplerlawna Nwahi' targa oleka la Ilyamou-Watyatoha pa hota Nala mai ita. Ne hade de hota emolmolan nekama re'a-tniaru maka ta'enniana niata onde ngehpa onde nmadwuri.

2Ptr. 1:1

Ina-nara ama-hyali, miy miak kler la pesiay mak ktulliawna-kwelwierta pa emekwalima amlernan walia la' ler ululu. Yesus Kristus de, de Uplerlawna makhi' Ray lia mormiori-lewlewna inhatta. Ne E' ed mak kariei piede itpesiay E'a, yoma E ed mak kden nek la plol wawna. A' di de Simon Petrus, Yesus Kristus hopopanni-lili'irnu mak Enhopan pa agodia Uplerlawna lirni-tunnu.

1Yoh. 4:14

Ne hya' wali de a orgah miamni nek de mamkek oleka Uplerlawna A'nani, ne amod kiot la' riy amiwra E Amni ed maka khopan pa Nmai pia Namori-nalewna nohkeran di mniotni.