1Tes. 5:7 - Alkitab bahasa Luang

⁷ Yoma nhi'inde mela nahaya rira matni ne mak kemun nana mana rpehera-rma'wu.

1Tes. 5:7 Iomraidhean Croise

Yoh. 2:10

Na'nama nakot la: “Nhi'inde la'a kniari emkari, de ral ulga anggur tur mikmikri, la'pa remun pa rmah wenna nanpena rala maka niemannu namnapnapla. Mere hadi de miy e mide' targa anggur tur mikmikir di pa na'nama milgota.”

Kisah 2:15

Ami edon ma'an nana-memun nan pa nhop ihru-nha' rernu emeka ha mikota re. Yoma lera yawyawar ma'ta (jam sembilan).

Roma 13:13

Hota tsi'a-tyapia lelera gahani de emkadille: yanpa la'pa itsi' ya'anlawna-yemunlawna de nodi it la pehera-ma'wu pa taplinu todi it inonni pa it idma nalira-naliai ida, onde twehwa yatyatni-halalli. Yana tahuri-tawo'ora, yana it idma nahmena namkek ida kalwiedni.

1Kor. 15:34

Oi! Mpiahniorta la dodo'ondi, ne yana mhi'a do'a-hala. Plola pa miy dom de edonna miat niohor ma'ta Uplerlawna talanni. A'ukot emkadi totpena mmiola-mmia'a.

Epsus 5:14

Yoma hya' maka hitita-reprepra nhi'nande riy ramkek la melmelli. La' hade pede riwra: “Mumat doin la yaninmu ralamni, ne mmuori-mliewan la' matmiatmu ralamni. Ne hota Yesus Kristus Nodia lelerni la miy.”

Epsus 5:18

De yana mi'ina-miemun pa mpiehera-mia'wu. Yoma hota la' hade pede ta'eni miod nian inonmi pede mhi'a saworni-sawarna, mpiehwa yatni-halli. Rwaldioinia de mial inonmi pa Uplerlawna Nhiwni Nodi plolli la.

2Ptr. 2:13

Tungkuru-tungkuru re hota rlernana mdududga yatyatni-halalli wniahlani. Yoma la'pa lerlera ho'mana ir heparnu de totpena rhi'a hlie'wani pa rtepra, me inonni pa raprana. La'pa ror miy ramtatan wut lia ya'ana ralamni, de tamkek la yehwani de nhi' it pa tiwra tamota yoma rma'wu nohora yehwa yatyatni. Hihi'ini-yapyapni mak emkare pede nhi'nande rira rakleh oleka yatota-yawawa la riy makpesiay.