1Tes. 4:6 - Alkitab bahasa Luang

⁶ La'a loi-talla maka emkade pa riy id mana yana saworni-sawarna inni-narni patke'a rora muanke'a makpesiay, onde nwaror yatyatni pa na nwotra inni-narni. Mitiak samomuou! Yoma la' ler ululu, de amakot oleka tiy miy wia de hota Orgahi-Orha'a Nukmua riy mak kalira-kaliai.

1Tes. 4:6 Iomraidhean Croise

Nhiara 140:12

Riy maka suksukni rapupu-raheri de yana rmori-rdar lia noha-rai di wawannu. Ne riy maklekla-makdiaini re rler la yatlorni-yatra'ani.

Nhiara 94:1

Matromlawnu ne! O' de Makdenreri O'a! O' de Uplerlawna-Mempulwatnu inhatta, mak hota kwahla rimormiori hihi'ini-yapyapni. Dodo'ondi Mtiutga plolmu-mnehemu pa Mpuahla nan memna mak khi' do'a-kyap hiala re hihi'ini-yapyapni!

Rano'a 11:1

Itmatromni sukni tia'ala riy rnairia tatiaili mak'ana. Mere sukni la riy mak knairia tatiaili maka rnairia de nornora.

Rano'a 16:11

Itmatromlawanni sukni la riy rwadakan de edonna rohola-rautu me rnairi tatiaili maka nornora.

Rano'a 20:14

La'pa riy rawel lia riy mak ka'olu-kala'a, de nhi'inde riwra: “Yohya'a ri edon samoga mere welli werta!” Mere la'pa rawel lia pa nhorwua, dewade rla rpo'on nohora yoma rlernana yohya'a samomuou mere welli prana.

Rano'a 20:23

Orgahi-Orha'a sukni tia'ala tatiaili nora toptopa-tatia'u mak edon kaplola maka mniair pa ma mi'olu-mila'a.

Rano'a 28:24

La'a riy maka ktitni-ktauria inni-amni hyonni-hyanni, de ratniekame ir inni-amni gahani pede riwra kniamna'a atia'a hade, raplin niekla la' ir de de emeknekama mak kreyahru.

Mrk. 10:19

Ne orgahamu muat niohora Uplerlawna riorni-liaini (deullu-tatarni) niwra: “Yana mpunu-mpuenna, yana mulira-muliai, yana mkiamnelu-mkiamna'a, yana muod niana riy mak khala, ne mputra-mpalka rira totpena mu'ala hya' mak ir gahani, muatu mu'unni-mumta'ata inmu-ammu.””

Luk. 12:5

Mai pia ukot nohora hota he' ed maka mimta'ata. Mimta'at de, mimta'ata Uplerlawna. Yoma la'pa Nwunu-nwenan riy inonni, de Enodi plolli pa Nnaklia aranmi la ai mormiori ralamni (naraka). Mpiesiaya A li'ru di. Uplerlawna nanpena mimta'ata.

Luk. 16:28

Yoma tre' ma'ta a hya'lu riy wolima. Mhuopan pa Lasarus nla nwagahniorta re pa yan rlernohora a nhio'lu-lie'tu pa rma rlernan walia gen miaka ai mormiori pahnani. Gen di de ta'enniana it tahan nana.”

Roma 1:18

Uplerlawna-Mempulwatnu mak kden la Ilwo'itu-Darwionema, Ilyamou-Watyatoha Nalharia oleka de, hota hankeranni-ralmha'arni ntuin meman la riy maka kahmena katlina-katailla E'a, me la' walia riy mak khi'a-kyapi do'a-hala. Ir hihi'ini-yapyapni yatyatni-halalli de nwal lia oruli-augewat la pa rahew niana rimormiori gaini totpa edon ramkek nan talla plollola la Uplerlawna.

Roma 12:19

Ina-nara ama-hyali mak kden rer lia a ralmu, yan memmemna mpiahla rira nhiolli-lietni mak kpa'eini-kpahala. Mere mial neka la Uplerlawna pen neka E' ed maka Nukmua re! Yoma la'a Puka lirni de e rhorat targa la Orgahi-Orha'a lirni Niwra: “A'g ed mak kwahla! A'g ed mak hota gukmua re!” Orgahi-Orha'a lirni hade!

Roma 13:4

Yoma maktorna-makrautu re de Uplerlawna Nmeh'a hopopanni hare, pa rkaria kalwiedwed tiy miy. Mere la'pa miy mhi' yatyatni-halalli, de hota plola pa mimta'at ira. Yoma ira rlernohora ira tnioranni-riautnu pa rukum miy. Ir de Uplerlawna hopopanni ira maka ketlia niukmu maka Uplerlawna Nala la'a he'a-he' mak khi' hala.

2Kor. 7:11

Ina-nara, mpiaror tek la! Ralam mayo'omi de mak klol memna Uplerlawna ralma-riorni nod rer miy lia samomuounu. De ralam mayo'omi nareiniande mipe'el pa mhi' owa'an makdella plol wawna me totpa mipe'el pa mimou-miwitn owa'an miy nanmi la'a hya' ed mak khi' akdieh miy re! Miwenan la mak khi' do'a-hal de! Me mimta'ata de hota do'a-hala de nodia niukmu! Ralam mayo'omi de narieiniande miy ralammi nden rer lia a'u totpena twatroma me totpa mipe'el pa mliernohora a li'ru-tu'nu. Ne hade edon nmeh'a mere la'pa mpiaran pia miukmua riy mak khala wali! La' hare honona de mtiutga de miy edonna mhiala.

Gal. 5:21

Me la' walia naralam mehra yoma ta'enniana namkek rira kalwiedni, npehera-nma'wu, na'ana-nemnia lawan rehia pede hota nreiniande hihi'a-yapyapi yatyata-halala, ne la' hya'a-hya' to'a. La' hare honona de a'ukot miy lia dodo'ondi, emekwalima maka ler ululu a'ukot oleka re giwra: Riy mak mormiorni emkare de hota edon rler wut lia Uplerlawna lodanni-hairni limni-rorni.

Epsus 4:17

La' hade pede awuet la Orgahi-Orha'a nanni pa ukot nohora me atiekal reria la' yakotnohorni. Yana mmiori-mdiar owa'an pa emeknekama rimormior mak kaplin niohor ma'ta Uplerlawna yoma nhiolli-lietni re rlernohora wniarora-wnialai podpodku-padpadku.

Epsus 4:28

Mak kalim yata de nolin doinia nhiolli-lietni di, me nwahaka kniari totpena nape'ela kniari pa nlernana yamanna wra'anu, totpa nre'ela ntulan walia riy mak kakleha-kaplara.

Epsus 5:6

Yan mitlin la lir wotwotarni mak kiwra yalira-yaliai, pareta-pahawa, wniahoiti-wniarenna la'pa hare honona do'a-hal atia' hade. Yoma Uplerlawna hankeranni-ralmha'arni hota ntai tiemna riy honona mak edon katlina-katailla E'a pa rhi' nan do'oni-halli re.

1Tes. 2:11

Miat niohor olek walia, de mpahi'a-mpayodia miy inon wamueheni, de emekneka ama ida e nwahi'a-nwayodia a'na wamueheni.

2Tes. 1:8

Enerun de totpena Nukmua riy mak edonna kwarei-kwadana Uplerlawna, mak edonna kwehwa-klakta pa rlernohora Kot Kalwieda-Paitiota maka rakot nohora Yesus Itmatromlawanni.

Ibrani 13:4

Riy honona rtutga ya'unanni-yamta'atni nhiu'ranu-nhielamni la'a mehlima-marya'a. De yana muanke'a onde patke'eni nalira-naliai lola tio'ora. Yoma riy mak khi' akdeha-aktiahli mehlimni-marya'ani pa ralira-raliai, de hota Uplerlawna orgahani ed mak khudia harella watghudni lokarni. Emkade wali patke' ida onde muanke' id mak kakleha hawa mere ralira-raliai liola tio'ora de hota Uplerlawna ed mak kod ir la watghudi lokarni.

Ibrani 2:6

Itat niohora hade yoma Puka id ralamni de enakot nohora niwra: “Rimormiori die hya'a de Uplerlawnu ne, pede Omiwra mhuoratreria? Rimormiori pa nden la rimormiori, ne nihya'pa Mhilpai-muanatga e'a?

Yakowsi 2:6

Mere miy die mpialdioinia pa mipolu-miliella riy mak kakleha-kaplara. Mere miatg memn oleka, de makre'a-maktaru ri, ir er maka kutni-kdahla miy me ir er maka ka'ita miy lia watghudi gaini.

Yakowsi 5:4

Miy miak edonna kpairia rira liwatnu-odawni la'a nhyi'a-tlunni mak ha rkari re, de mitlina ira luini-nuhranu yoma edonna mpiair ma'ta. Rhaun pa riwra: “Mutlin mai ami Matromlawnu nee!” De nhiaunu re, rayatlin momuou lia Orgahi-Orha'a Uplerlawna-Mempulwatnu Makodi plolli.