1Tes. 4:15 - Alkitab bahasa Luang

¹⁵ La'a makpesiay mak kmat die, hadi ed maka Orgahi-Orha'a Yesus Nmeh'a Nwatutu-nwaye'a, pede amiwra makot la tiy miy, de hota Orgahi-Orha'a Yesus Nmai, de hota makpesiay mak kmormior mia'ta la'a ler de meman neka edonna nala' ul pua nwadieh'a genni.

1Tes. 4:15 Iomraidhean Croise

Nhiara 88:13

Matroma! La'a riy maka kden la melmelli-kalkalamni la tani niahi ralamni e rat niohora hihi'imu-yapyapmu mak kamehi-kayona pa rakot nohora? Edonna toh! La' pa rler la noh mati-rai miolu de, Mhuoratdoin olek ir wa pa hota emkameni owa'an pa rakot nohora hihi'imu-yapyapmu mak kden nek la plol wawna?!

Mat. 17:25

Noma Petrus nwalolla: “Yopme! Nhi'inde Npairia.” La'pa Petrus nmai lia roma nayanni pa edon nakot ma'ta krei yuranni dewade Yesus Nakot la Niwra: “Petrusa, emkameni la o ralma-riormu? Hota he' ed maka ray-ray nohkeran di rhopan pa rpairi blastena? Ir mutnu-rahanu onde do'ona-dakna?”

1Kor. 15:18

Hade emekwalima riy mak kpesiay mak kmati olekwa. Ir mana rrinni olek la ai mormiori ralamni.

2Kor. 12:1

Ina-nara ama-hyali, plollolli de itpo'on lawna de edon nodia unut mai ita. Mere yoma miy mitlin la rira po'onni pede hota apuo'ona tiy miy wiali. Mere hota apuo'on nohor to'a hya' maka Orgahi-Orha'a Nala pa riy matni ri'ini rpah' nana.

2Kor. 4:14

Yoma ampesiaya de Uplerlawna, mak kamori Itmatromlawanni Yesus la matmiatni ralamni, hota Namori owa'an wali ami yoma amor Yesus mlia' ihru ida-ralm ida, ne na Nodia it rewre'wa pa tla tora E' pa twatroma.

Gal. 1:12

Yoma a'g edon liernan hade la' riy ida wniatutnu-wniaye'eni onde riorni-liaini. Mere Yesus Kristus Nmeh'a ed mak kakot a lia' hare honona.

1Tes. 2:19

Amiwa mtiy miy, yoma plollolli de miy er maka kwarana a aran mamni pa miod am lia ralam hepru. Yoma hota Orgahi-Orha'a Yesus Nmai tieman pa tora tapal wiutu, de miy di ed maka karur nian am lia tnikilgeni-nhia'argeni la Uplerlawna gaini ralamni.

1Tes. 4:13

Ina-nara ama-hyali miy hononmi, amiwra makot la tiy miy totpena miat muemna de, la'pa makpesiay ida nmati olekwa de, yana miy ralammi nmayo'a, emeka riy maka edon kpesiay Yesus ma'ta pa rakleha nhia'ar gen lia temni.

1Tes. 5:10

De Yesus Enmat die yoma it rerieini. Totpena la'pa hota Enmai, de la'pa itmati oleka me edonna, de itlernana mormiori pa tler wut lia E'a.

2Tes. 2:1

Ina-nara ama-hyali, la'a Orgahi-Orha'a Itmatromlawanni Yesus Kristus maimiaini ne la' walia it tor E'a tawok wut pua tden la geni ida, hadi ed maka awuak pa mhioratreria.