1Tes. 2:4 - Alkitab bahasa Luang

⁴ Rwaldioinia la de, la' am di de, Uplerlawna Nawerta-nataili olek ami, totpa Nat niohor memna a ihru mamni-ralam mamni. Nhior nioka Ntutmuata-nkewra' olek am pia, pa makot nohora Kot Kalwieda-Paitiot de. Pede hya' to'a maka amakota re de, nlola Uplerlawna ralma-riorni pede nhi' amikria E' ralamni. Ne ami edon modia lira wonikri-woliamni la riy. Mere Uplerlawna Nmeh'a neka Nat niohora a ihru mamni-ralam mamni.

1Tes. 2:4 Iomraidhean Croise

Nhiara 139:23

Uplerlawnu ne! Pena Omumkek rer nieka a ihru-ralmu! Ne Mtia'ag a' pua totpena Muatg a ralma-rio'ru.

Nhiara 17:3

La'pa orgahamu Mueh'a mak Mumkek a lia' lera melli yoma Omiwra Mtia'aga a ih'ru-ralmu de emeka riy rala ai ra rhudia maha, de hota Mumkek nana a ih'ru-ralmu mak kaploi-kaple'era. La' lira-tun maka a'ukot la O'a, de ha rwatiaga a ih'ru-ralmu mak awuaror nana.

Nhiara 44:21

Mere ami e mru'u-mtowar rer lia O omueh'a me ami' edonna mru'u-mtowar la hairi-hairi dom to'a uplerni-upmatni.

Nhiara 7:9

O' ed mak ktoran reria watghudi la rimormiori re honona. Mual a lia plola wawannu Matroma, yoma a'g edonna ghala.

Rano'a 17:3

Leli-maha de rala ai ra rhudia totpena tlernana maha molanni. Emkade walia Orgahi-Orha'a ed mak kta'aga it ihranu ralamni totpena Nlernana he' maka ihranu ralamni plolioi-plele'era.

Luk. 12:42

Noma Itmatromni Nakot la Niwra: “Hota la' he' tiy miy, mhi' inonni pa emeka hopopna-lili'iru maka khu'ru-khelma me natu natlina-nataili? Hopopna mak emkade upni-matromni mana nran e' pa nla' o'tani la' hopopanni-lili'irnu korni totpena e' ed mak khakra mutwualli re ya'anni-yemannu la'a lelera-melmela re.

Luk. 16:11

La'pa ta'en nian rpesiay miy lia re'a-tniar nohkerna wawannu de ta'eni rpesiay wiali miy lia re'a-tniaru la'a Ilyamou-Watyatoha.

Yoh. 21:17

Yesus yatianni re'eni wotellu Niwra: “Simona Yohansi a'nani nee! Plola o' e msiayni A'u?” Dewade Petrus ralamni nmayo'a yoma tiana re'eni wotel muemn olekwa. Noma Petrus nwalol owa'an la niwra: “Matroma, Matro'mu Natg oleka haneknek wawannu. Matro'mu Natga de a ralmu e nod rer lia Matro'mu.” Noma Yesus Nakot la Niwra: “Demade, mhilpai-muanatga A du'mu re.”

Roma 8:27

Ne hota Uplerlawna, mak kat niohora rimormiori it ralamni, pena E nekpa Nat niohora Nhiwni yala'ani plolli la it polpuolu-wakwakni, de Uplerlawna Nat niohora de Nhiwni de Nlernohora Uplerlawna ralma-riorni pa Nwak la Uplerlawna onnila makpesiay polpuollu-wakwakni.

1Kor. 7:25

Twahaur la riy maka edonna kmehlim ma'ta. La' hade de a'g edon liernana lira la Orgahi-Orha'a, mere onnila Orgahi-Orha'a ralam kalwiedni mai a' pua Nal a pua a lia' riy maka ha rpesiaya pede ukot nohora nnio'a-niat di tiy miy.

1Kor. 9:17

Mere la'pa mak a'ukot nohora Kot Kalwied de, yoma apuar la ralma-rior wamueh'u mana hota aliernan a prehenu-ma'u wniahlani. Mere plollolli de ukot nohora Kot Kalwied de onnila a kwa'ru hade, yoma Uplerlawna ed mak ktut pua agala kniar die.

2Kor. 2:17

Riy rahu rakot nohora Uplerlawna lirni-tunnu pa rahak to' kupna. Mere am die ematia' emkade. A ralma-rior mamni de edonna nkoili-nkaili, mere amakot nohora Uplerlawna lirni-tunnu de amdella ploloi-plele'era wawannu pa emeka mak kor oleka Yesus Kristus mla' ihru ida-ralm ida. Uplerlawna Nmeh'a ed mak kamkeka a ralam mamni. Amakot nohora Uplerlawna lirni de emeka Uplerlawna ed mak khopna ami.

2Kor. 4:2

La' ler mulaliaini de ametlia de totpa hota ami edonna modi riy la hya' mak edon kaplola. Yehwa mak edon kaplola de nhi'inde riy e rhi'a la yawunwunamnu ne hota nodia ir la molmola-mama'a. Mere ami edonna mhi' emkade. La' amkar die ami edonna mputra-mpalka Uplerlawna lirni-tunnu. Mere amhima-mre' Uplerlawna de amala ralma ploi-ple'era ma mlernohora E ralma-riorni. La' hade de totpa riy honona rat niohora de a kniar miamni di nden nek la plol wawna.

2Kor. 5:11

Ler maka rhudi-rpar ita hota e nrehgor wa, pede onnila amatu ma'unni-mamta'ata Orgahi-Orha'a, ampak reria rira totpena rpesiay walia Yesus Kristus. Ne a hihi'-yapyap mamni honona re rdella plol wawna. Uplerlawna Nmeh'a ed mak kat niohora a ihru mamni-ralam mamni, me agha'ara a ralmu tiy miy die miy miana miat wualia a ihru mamni-ralam mamni wali.

2Kor. 5:16

La' hade pede ami edonna mnairi rimormior wniarorni pa amparor nohora rimormiori mormiorni. Ululu amnair hade pede amparor nohora Yesus Kristus de mere dodo'ondi de edon olekwa.

Gal. 1:10

A'ukot emkade de a'g edon wuaka a nan wamueh'u onnila awuaka ya'uli la'a rimormior wialli yoma hade edon ndella ralma-rio'ru. Mere hornama hya' maka awuaror nan de nla' nana Uplerlawna ralamni. Pede la'pa atiot pa rimormior wia'lu ra'uli a' pua emeknekama a nhio'lu la ler maka a'g edon puesiay ma'ta de, yana rhoi a lia Yesus Kristus lili'irnu-hopopanni.

Gal. 2:7

Rwaldioinia de mak khi' o'ta-mata re, ir er maka kpesiaya de Uplerlawna ed maka ktutmuata-kewra' a pua ukot nohora Kot Kalwieda-Paitiot della riy maka Yahudi atia'a, emekwalima Uplerlawna E Nhopna olek walia Petrus pa nodia Kot Kalwieda-Paitiot della riy Yahudi.

Epsus 3:8

La Uplerlawna mutnu-rahanu honona de, a di de ed mak kakleha weli. Mere emkade ho'mana Uplerlawna ralam kalwiedni pede Nala kniar di mai a'u, de totpa ukot nohora Kot Kalwieda-Paitiota la riy maka Yahudi atia'a. De a'ukot nohora la yara'ani-yapallu, pripanni-fa'anni, kalwiedni-paitiotni mak edonna nhoru eti mak itlernana la'a Yesus.

Epsus 6:6

Yana mpiei pia matrommi erla romni nayanni nampena mkiar toto'a totpena ra'uli miy. Mere miala ralammi tetema pa mhima-mrie'a upa-matrommi re pa emolmolan nekama mhima-mrie'a Yesus Kristus. La' talan emkade pede mial ralammi tetema pa mliernohora Uplerlawna ralma-riorni.

Kolose 3:22

Ina-nara ama-hyali mak kla'a hopopna-lili'iru ata-wa'ara, miatu mitlina-mitailla upmi-matrommi la' nohkeran di wawannu la'a hya'-hya' to'owa. Yana mtiot pa mimta'ata yoma e ratiak reri miy. Yana mtiot ya'ulmi la ira. Mere mi'unni-mimta'ata de mial ihru ploi-ralma ple'era yoma miy e miatu mhiu'ru-mhielm olek la Itmatromlawanni.

1Tim. 6:20

Ama, wniatutu plollola mak omliernana re, de mutiak kalwiedweda Timotius. Oliet memnu la wniahaur mak edonna klol talla yoma edon nlernohora Uplerlawna ralma-riorni, me pniok lira-pniah'a wawa, mak kakot nohora nhiortaplinu maka ha rweta la lira-yatu mere edon nora Uplerlawna lirni-tunnu ramneneha.

2Tim. 1:14

Mpuatutu-mpuaye'a lir kalwiedni de, Uplerlawna Nhiw Lululli mak kodi plolli la' it mormiorni, himni-re'eni mai ita pa mutiak kalwiedweda wniatutu mak kalweli, maka Uplerlawna Nhopna omukot nohora.

2Tim. 2:2

Wniatutu-wniaye'a mak kaplola maka ha mutlin oleka, maka awuatutu-wuaye'ela riy rahu re pa ratlin nohora-rmat nohora oleka ha plollolli, de mukot nohor la riy maka ha mpuesiaya totpa hota rla' maka katu kaltieri-katiani pa nodia la riy dom owa'ana to'a.

Titus 1:3

Uplerlawna mak kamori-kalewna ita, Nmeh'a neka ed mak khopan pa agod kiota-gal de'eta lirni de. Entutmuata-nkewra' olek a'u totpa la'pa ntutu-nte'ewa la' ler maka Uplerlawna Nwalir niana pa na'nama rimormiori ratlin nana nnio'oni, de a' wual pia ed mak kakot nohora.

Ibrani 4:13

Rimormiori id mana edonna nayade'ela Uplerlawna matni yamkekni. Haneknek wawannu de emeka halyehwa pa nayamkek momuou lia E gaini ralamni. Ne it mana hota twalol nohor ploini-ple'erni la' hare honona maka itsi'a-tyapia la'a E'a.

1Ptr. 4:11

de riy maka klernana ra'a-palu pa nodia lira-tunu la' rimormior wialli de, hya' ed maka ha nakota-nalde'eta re, de ntolliohor mamaini Uplerlawna lirni-tunnu. Me la' walia riy maka klernana ra'a-palu pia khima-kre'a rimormior wialli, de nnairia ra'a-palu maka kwatiawua Uplerlawna orgahani totpa ntulan la rimormior wialli. La' talan emkade pede Uplerlawna Nlernana ya'uli-yawed lia rimormiori maka kamkek nana miy hihi'imi-yapyapmi honona re. Uplerlawna hota Nlernana ya'uli-yawedi die onnila Yesus Kristus hihi'ini-yapyapni. E' nanpena ed mak ktorna-krautu, ne E' inhatta ed maka ha ra'uli-rawedia pa nodi liarni. Amin (Plola).

Why. 2:23

Mak klernohora e' pa emeka riy ida nlernohora inni-amni, de hota Ariahmi wenwenna, totpena krei mutnu honona re rwera matni pa ratga de A' di de ed maka kat niohora rimormiori ihranu ralamni. Ne Awuahla doin memna riy nenenna hihi'ini-yapyapni.