1Tes. 1:2 - Alkitab bahasa Luang

^2-3 Amhoratreria emkameni pa mkiari lia Uplerlawna kniarni ralamni yoma mpiesiay E'a, ne ralammi kalwiedni, pede mhi' nhiurliwtu-wnialodaw la tniulan la riy. La' walia mtiutulu-mikwara yamuki-yama'ala, yoma mhia'ara toto' miy aranmi la Itmatromni Yesus Kristus, yoma hota Nawali pia Nmai pa Nalewna miy. La' hade pede ina-nara la'pa amsumbain la Uplerlawna, de nhi'inde amakot nohora wniehwami-liakatmi re, pa ama'uli-mawed reri Uplerlawna, makla' am la it hononita, onnila miy hononmi wniehwami-liakatmi re.

1Tes. 1:2 Iomraidhean Croise

Roma 6:17

Mere ta'uli-tawedia Uplerlawna, yoma la ululu de do'a-hala nodi plolli tiy miy, mere dodo'ondi miy miala ralammi tetema pa mitlina-mitailla wniatutu-wniaye'a plollola maka ha rakot nohor olek tiy miy wia.

1Kor. 1:4

Ina-nara ama-hyali, nhi'inde asiumbain rer pia a'u'uli-uwedia Uplerlawna mak akola tieru-gawur nehla la de yoma la'a E kalwiedni-paitiotni pa mliernan oleka ruri-lai la'a Uplerlawna, de lola Kristus Yesus.

Kolose 1:3

Amatlin olek la miy die mpiesiay oleka Kristus Yesus me miatu mtiulla-msiaynia Uplerlawna mutnu-rahanu honona. La' hade pede nhi'inde la'pa amsumbain tiy miy, de ama'uli-mawedia Uplerlawna, Itmatromni Yesus Kristus Amni de, la'a miy rerieimi.

1Tes. 2:13

Ina-nara ama-hyali, id wali etla la' hadi, de nod miamainia am lia ya'uli-yawedi la Uplerlawna. De de la' lerni la amakot nohora lir maka kwatiawu Uplerlawna tiy miy, de mimlieretniekla mrieiniana-mia'nana pa emolmolan nekama Uplerlawna Nmeh'a Nakot nana. Ne plol toto' pa lir de rimormiori nohkerna lirni atia'a de, mere Uplerlawna lirni. Ne, onnila Uplerlawna lirni de, pede Uplerlawna e Nkar lia makpesiay Kristus miy ihrami-ralammi.

1Tes. 3:9

A kalwied mamni-paitiot mamni penpuenu-nanahala Uplerlawna yoma Uplerlawna kniarni la miy ihrami-ralammi nod miamainia am lia ralam hepuepru pa ma'uli-mawedia Uplerlawna-Mempulwatnu.

2Tes. 1:3

Ina-nara ama-hyali, ama'uli-mawedia Uplerlawna, onnila miy pesiaymi. Ne meman neka la a kniar miamni de ha yala'ani de emkade. Yoma miy pesiaymi di yeher to' pa narur lia Yesus Kristus, ne nhi' wal pia miy rur wial lia nhiolia kalwieda-paitiot la' idma ntulla-nsayni ida.

Filemon 1:4

Heiwia'lu Filemon, la' a sniumbainu lelera-melmel de a'u'uli-uwed reri Uplerlawna mak akola tieru-gawur nehla de.