1Ptr. 5:7 - Alkitab bahasa Luang

⁷ Yana ralammi namta'at la hadomdoma, mere la' hya' to' pa mrian ralammi la' Uplerlawna pa msiumbain nohora re, yoma E' ed maka ksayni miy.

1Ptr. 5:7 Iomraidhean Croise

Nhiara 34:15

Nhopliala yatyatni-halalli, ne nwehwa-nlakat la kalwiedni-paitiotni. Nwahakhak toto' memna totpena yan nora riy dom to' pa rawunu-rawenna.

Nhiara 37:5

Miala mormiormi-dardiarmi la Itmatromlawanni, mhia'ara inonmi la E'a, ne hota E' ed mak ktulan la miy.

Nhiara 40:17

Awuak de riy honona mak kola tieru-kawur nehla la O'a rahepur nande neniehu-tertera, onnila O hihi'imu-yapyapmu re. Awuak de mak ka'uli-kawed reri O'a, onnila Mumori-mulewn ira, hota riarin pa riwra: “Plola, plola, Itmatromlawanni nanni ed mak kden la tutullu-lolo'oni!”

Nhiara 55:22

Nhar lirni de mnapla me nmalui-nmahera, mere ralamni de yata. Wniahaurnu de samoga mere emeknekama wehla ara ploklokra.

Rano'a 16:3

La'a hya' maka ha miwra mhi' nana re honona de muotil neka la Orgahi-Orha'a, ne hota hya' mak omiwra mhi'a de honona rler la ga'a.

Mat. 6:27

Rimormiori maka ralamni worwuorga onde namta'ata matmiatni ho'mana takeni nhaur nan aranni oke' nmeh'a totpena edonan nmati.

Mat. 6:28

Hya'a nariei pia ralammi worworga la hewewta-naniayarmi? Mimkek la kihir mak kadeutu mak kmor lia rai mtatanni re. Kihir mak kadeutu re edonna rkari me edonna ratenni-ramairi.

Mat. 6:31

Ina-nara ama-hyali, Uplerlawna hota Ntera-ndem miy pede yan mimta'at nande miwra: “Adoh hota ama'ana hya'a, me amemnu hya' ee? Onde hota amhewta-mnairia hya'a?”

Mrk. 4:38

Ler de de Yesus Nanin hala, Naklun reria la'a puou li'ir tutnu. Noma maka ha Nwatutu-nwaye'a re ramata noka rakot la: “Tuna O edonna Mhe'du nana ita, tsi' pa ttepar wa?!”

Luk. 12:22

Noma Yesus Nakot la maka ha Nwatutu-nwaye'a re Niwra: “La' hade pede mhioratreria, yan mimta'at nohora hya' mak hota ha mi'ina-miemnia, me hota ha mhiewta-mniairia.

Luk. 12:26

Ne la'pa hade nek de kuku' ho'mana takeni miy e mhi' nana, hya' ed mak karei pia mimta'ata nohora miy mormiormi la'a hare honona maka mi'ina-miemun me maka mhiewta-mniairi?!

Yoh. 10:13

Mak ka'ana siewa-kai re rawlar wia yoma ra'an to' siewa-kai, ne e' edonna rwo'la nohora pipi-duma re.

Pilipi 4:6

Yan memmemna ralammi worworga la hya'-hya' to'a. Mere la'a hya'a to' de, mrian ralamni la' Uplerlawna me mikot nohora hya' ed maka nodi miy lia ralam worworu. Ne mi'uli-miwedia Uplerlawna yoma E' ed maka ktulla-ksayn miy.