1Ptr. 5:5 - Alkitab bahasa Luang

⁵ Emkade walia ina-nara ama-hyali mak hatrapriapi miy, mhiu'ru-mhielam mitlina-mitailla yanulnullu-manatnatnu. La'pa miy hononmi de, yan mitulu-mipetna, mere idma natu nhu'ru-nhelam la ida (lol yawa). Yoma la Puka ralamni de niwra: “Uplerlawna Nwayotlia riy mak katulu-kapetna, mere Nwaldioinia pa Nara'a-napalga riy mak katu khu'ru-khelma.”

1Ptr. 5:5 Iomraidhean Croise

Nhiara 132:16

La'a riy makpolu-makwak la A'u (imam-imam) re rtutga talan totpa rler la yamori-yalewna. Ne rimormio'ru re honona neniehu-terter nohora yamukni-yaheparnu.

Nhiara 132:9

Ampakwak pa riy makpolu-makwak la O'a la rimormiorni rerieini (imam-imam) rden rer niek la plol wawannu ne rimormiormu mana ramuki-rahepru, rwatunu-rwahniara.

Nhiara 138:6

Orgahi-Orha'a Ndella gen tiutullu-lolo'oni mere edon Nolin limni-nwe'er rorni la riy maka klola yawa. Mere la'pa riy maka kpo'ona-kraka re, Orgahi-Orha'a Ndel oliet la' ira, mere Nat niohora ir hihi'ini-yapyapni yatyatni-halalli.

Rano'a 25:7

La' samomuounu de ray nmeh'a ed mak kwak pa tamtatan la gen tiutulu. Mere la'pa nhopan pa terun la it genni totpena o'ta-mata id namtatan la, de molmola-mama'a hade. La'pa mumkeka hya' maka ompuarora de nhala, de

Rano'a 3:34

Hota Orgahi-Orha'a Nhi' amola-ma'a riy maka katulu-kapetna inonni maka kahe'i-kamalia rimormior wialli, mere Ntutga ralam kalwiedni la riy mak klola yawa.

Dan. 11:12

Hota la' hade pede la'a e wniarorni de e narehi olek la hare honona wa yoma na'unut nan oleka wunu-ara, la' walia ntipna-nhewra oleka rirahu, mere hota edonna nodi plolli pa nodi liarni.

Luk. 22:26

Mere yana mliernohora hare nhiolli. Mere riy meni la'a miy die maka inponni, de hota mpialdioinia pa mhi'a inonmi emeka riy kuku' selma ida. Ne miy mak kodi plolli de hota mpialdioinia pa mtiutga inonmi emeka mak ha rhopna.

Roma 12:10

Mihmiakur pa mtiutga kalwieda-paitiota la'a mutwualmi re pa hota emeka mior ir pa mpia'ama-mpiahyali mpia'ina-mpianara. Me mipepe'el pa idma nhu'ru-nhelam la ida.

Roma 13:14

Mere tlernohor neka Itmatromlawanni Yesus Kristus hihi'ini-yapyapni, nhiolli-lietni. Ne hota hihi'ini-yapyapni, nhiolli-lietni de, emeknekama keki-rautu ar ralma maka it tnairia. Ne yan memmemna tlernohora ita yehwa rimormiorni mak kod it la do'a-hala, yoma itwaror nan hya' la' it ralamni de itiwra tsi' memna.

Epsus 5:21

Itsu'ru-tselma ta'unni-tamta'at olek la Yesus Kristus pede hota it mana idma natu nhu'ru-nhelma, natlina-natailla ida.

Pilipi 2:3

La'pa mhi' hadom de yana mtiot to' inon wamuehemi. Ne yana mitulu-mipetna inonmi. Mere mpialdioinia totpena rima-rima natu nlol yawa pa nhu'ru-nhelam la rimormior wialli.

Kolose 3:12

Ina-nara ama-hyali, mpiali olek la Uplerlawna mutnu-rahanu maka Ha Nwalir niana pa mlia' E gah wamueheni, maka Ensaynia. La' hade pede mormiormi de idma sniayni ida, me idma nhi' kalwied ida. Ne miy miana miatu mhiu'ru-mhielma, mtiutga ilu-wniehwa mnapla la ida.

1Tim. 5:1

La'pa mpuolliohora riy maka yanulga la o'a, yana lirmu nmaklekal la. Ne mual lir la de emekneka o' e muora ammu. Mhi'a tuwari-laweru de emolmolla hyalmu.

Ibrani 13:17

Mliernohora mak khi'a o'ta-mat la miy lirni-tunnu, ne mhiu'ru-mhielam la re. Yoma hota ir nanpena er mak kakot nohora ir tulanni-re'eni tiy miy lia' Uplerlawna. Miatu mitlina-mitailla ira, totpa hota ir mana rtulla-rkar die ral toto'a ralamni tetema, mere la'pa miy edonna mitlina-mitailla ira, de hota ir ralamni edonna ramtemna me rkar die edon naplola pa hota kniarni re edon nodia unut tiy miy.

Yakowsi 4:6

Mere Uplerlawna Nala ruri-lai totpa Nreh niana it ihranu-ralamni yatni-halli. La' hade pede e rhorat tar wualia la Puklawna ralamni de: “Uplerlawna Nwayotlia riy mak katulu-kapetna, mere Nwaldioinia pa Nara'a-napalga riy mak katu khu'ru-khelma.”

1Ptr. 3:8

La' dodo'ondi awuak de miy hononmi mlia' ihru ida-ralm ida, mtiutga ralam kalwiedmi la riy mak kler la lui-nuhru, mhi' hadom de idma nhi' kalwiedwed la ida emekwalima patke'a ida nor elli, muanke'a id nora hyalli. Me idma nsayn reri ida. Yana idma nparwah'a ida, mere idma natlina-natailla ida.

1Ptr. 4:1

Ina-nara ama-hyali, Yesus Kristus inonni namehra-namau niohor oleka kropna-krieutu liwliwra-kakaklu. La' hade pede mpiahi' targa inonmi pa mimliernan walia emkade wali. La' talan emkade pede mitiak rer lia miy pesiaymi. Yoma riy maka klernana kropna-krieutu la'a ulatni-temni, de hota nolli nhiolli la'a do'a-hala.

1Ptr. 4:5

Mere hota ir er maka rwalola plele'era do'oni-halli re la Uplerlawna, maka kwahi' targa olek pa hota Nhudia mak kmati me mak kmormiori la watghudi lokarni.