1Ptr. 3:5 - Alkitab bahasa Luang

⁵ Nhioli-lieta samomuou mak emkade ed maka patke' ululu mak kla' olek la Uplerlawna gahani me maka kha'ar reria aranni la E'a nhi'inde rhi'a. Ir er maka rhu'ru-rhelam la hawni muanke'a.

1Ptr. 3:5 Iomraidhean Croise

Rano'a 31:10

La'a hawa pat maka nhiolli-lietni samomuou memna, de trema-trema it edonna tlernana, mere hade welli narehelia watu-watu welli werta.

Rano'a 31:30

Patke' maka gaini samomuou de wniehwani-wnialakatni la'pa nur mi'nani de yana tpesiaya, yoma samou die hota nmol wua. Mere patke' maka khu'ru-khelma katlina-katailla Orgahi-Orha'a de plola hota nlernana ya'uli-yawedi.

Luk. 2:37

Pa napatyata, me nmormior nan oleka anni terampwo'awa wehrani wogata, ne nhi'inde nhol lielera-melmel to'ola' Uplerlawna roma kreini. Lelera-melmela de nden nek la hande pa nkola tieru-nawur nehla la Uplerlawna me natahan lara.

Kisah 1:14

Ir honona de nhi'inde rla'a ihru ida-ralm id la sniumbain la' Uplerlawna. Nhi'inde ror wut wali Yesus hyalli re, Yesus inni Maria me, patke'a korni wali pa rsumbaini.

Kisah 9:36

Patke'a id la Yope nwawa Tabita. Riy de, riy makpesiay Yesus. Nan yawetni la yawala Yunani de Dorkas (nnia'eratni de rusa.) Nhiolli-lietni samoga, pa la nara'a-napalga riy maka kakleha-kaplara.

Epsus 5:33

Mere a'ukot walia mehlim de tiy miy giwra: hawa muanke'a miy die miatu mtiulla-msiayni hapmi pa emekwalima mimkek la inon wamuehemi. Me la'a hawa patke'a miy miana mhiu'ru-mhielam la hapmi.

1Tim. 2:10

Kalwiedni de twaldioinia pa a'na patke'a re nhiolli-lietni illu-wniehwani kalwiedweda, totpena la' talan mak emkade pede riy rwarora de a'na patke'a re samomuou yoma nor ira kreini-iskolli re ramneneha.

1Tim. 2:15

La'pa emkade ho'mana, hota a'na patke'a rtor a'nani de rler la mormiori-lewlewna hornama pesiayni narur lia Yesus Kristus, ne natu ntutu reria nhioli-lieta kalwieda-paitiota la rimormior wialli, la' walia la' mormiorni de, hewewta-naniayarni me nhiolli-lietni rlernohora Uplerlawna ralma-riorni.

1Tim. 5:10

Ne itatga de e' de pat maka kwehwa-klakta rimormiori wniehwani. Tamkeka de emolmolla ntera-nlah wua samomuou upni-a'nani olekwa, niniha-malmial niohora riy maka kmai pia kanin tar lia romni nayanni, nhoi-ntania riy makpesiay, nhima-nre'a mak a'na riy kapatyata me kakleha-kaplara, ne nape'ela nhi' haneka-harahu wuawannu mak kla' riy ralamni.

1Tim. 5:5

Patyata maka inonni ktuin taru, pa na'a'na riy napatyata, nakleha mak ktip gera-kwati au muati, ne nawniair to'ola lyanit marna. Lelera-melmel de polpuol inni-wakwak amni la Uplerlawna-Mempulwatnu maktera-makdema, kawilla-kayomtia dudnu tutul tiutwu-lele'nama.

Ibrani 11:11

La'a Abraham pesiayni, pede enlernana duratni-waitni la Sara, maka yamkekni de rora rhamto'a-rhape'ewa, la'pa reriehenu de Sar nek de nkeran la ya'a'na. Mere irlernan a'na yoma Abraham npesiay toto' memna hota Uplerlawna edonna Nhortaplinga nnio'oni.

1Ptr. 1:3

Ina-nara ama-hyali, mai pia ta'uli-tawedi tlilili-tmamuawua Uplerlawna-Mempulwatnu, de Itmatromni Yesus Kristus Amni mak Yesus wal pia Nkola tieru-nawur nehla de. Ita'uli-tawedia Uplerlawna yoma Ensayn toto' memn ita pede Nal it pa tler la mormiori warwuaru. Itlernan mormior warwuaru de yoma Enamori owa'ana Yesus Kristus la matmiatni ralamni. Ne Uplerlawna hihi'ini de ed mak kodia it la nhia'argen miak karuri. Itsa'ar it ralamni la E'a yoma hota Enal it pa tmormiori-tdardiari pia nodi liarni. Mormiori-dardiar die emolmolan nekama re'a-tniaru maka Uplerlawna Nwahi' targa oleka la Ilyamou-Watyatoha pa hota Nala mai ita. Ne hade de hota emolmolan nekama re'a-tniaru maka ta'enniana niata onde ngehpa onde nmadwuri.