1Ptr. 2:9 - Alkitab bahasa Luang

⁹ Mere miy di de Uplerlawna Nwalir nian olek miy wia me mpiali olek emeka imam mak khima-kre'a ray kniarni. Miy mrie' wut olek la makden la luwu-a'na hairi-hairi mak kakleha do'a-hala. Mlier olek la Uplerlawna mutnu totpa miy er mak kakot nohora E hihi'ini-yapyapni totpena riy ra'uli-rawedi E'a. Yoma E' ed maka kpolgot miy lia melmelli-kalkalamni pa mlier la lelerni mak kodia kalwiedni-paitiotni.

1Ptr. 2:9 Iomraidhean Croise

Nhiara 106:5

Totpena a hononami maka Mpualir nian oleka ri mler owa'an la kalwiedni-paitiotni pripanni-fa'anni, pa agor rewre'wa ir pa amamuki-mahepru.

Nhiara 118:27

Itmatromni de Uplerlawna inhatte. Entulla-nsayn reria ita. Pede mlier pa mlia' de mtiorreria ortawi-autiawia motmota, nanpena mpiania la' heyanan pa mriarni-mriarin nohora, ne hononmi mlie'lu reria Itmatromlawanni katri'anni.

Nhiara 135:4

Yoma Itmatromlawanni Nwalir niana Yakop duratni-waitni pa Nhi'a la gah wamueheni. De riy Israel re er maka Uplerlawna Nhi'a la E rimormiorni.

Nhiara 22:30

Riy mak katulu-kapetna honona rtuk lia. Rimormiori mak edon nalo'on wali ne rmat pia rerun la noh mati-rai miolu de rwaltiora-rwaltieman la.

Nhiara 33:12

La'a lodna-hairi meni ed mak ka'aw niana Itmatromlawanni Makdenrer die, emeka Uplerlawanni de hota rlernana unut lawna! Maka Ha Nwalir niana pa rla' E mutnu-rahanu de, de hota ralamni re rahepru!

Nhiara 73:15

A'g edon ukot nohora a ralma-rio'ru mak emkade totpa riy ratlin nana de, mere awuarora-wualai emkade la a ralmu to'a. Mere la'pa a'ukot nohora de, emeknekama a'g edonna tiut rieria ralam kalwie'du (setia) la riy mak klernohora O'a, Matroma.

Mat. 4:16

De lupmu-a'namu mak kden la melli-kalamni, rler olek la lelerni. La'pa mak kden la leta-ruhuna maka do'oni-halli harahu mak kodia matmiati-molmuolu, de rat niohora oleka talla pa rlernana mormiori-lelewanni.”

Mat. 5:16

Emkade wal lia mormiormi de nrepar nana rimormior wialmi herni-gaini, totpena riy ramkek nana nhioli-liet kalwiedwedmi demade ra'uli-rawedia Amlawanmi la'a Ilyamou-Watyatoha.”

Luk. 1:79

Totpena riy mak kden la melmelli-kalkalamni me ramta'ata hota rmati, de hota rlernana lelerni. Pa hota emkade pede E' ed mak kodia it la'a loi-talla maka kod it pa itora Uplerlawna tkalwieda owa'ana.”

Yoh. 17:19

Ir er mak karei pia Agala A ino'nu la A'mu pa liernohora A'mu ralma-rior wamueheni, totpena hota ir mana rla' walia A'mu gah wamueheni pa rhima-rre' A'mu, yoma ir pesiayni la O lirmu-tunmu mak kden la plol wawannu.

Kisah 20:28

Am miy re, yanin edonna-yamat edonna la' miy. Ne emolmolla riy mak katiaka nhi'inde natiak reria dumni, hota miy die mpiallia riy mak katiaka riy makpesiay Yesus. Hade pede mitiak makpesiay Yesus honona, maka Uplerlawna Nhiw Lululli Nal oleka la' miy pia mitiaka. Makpesiay ri, Uplerlawna Nala Wutmueha-Laimieha pa la'pa rtowr riarni, me Nler la matmiati-molmuolu ralamni totpena rla' E gahani.

Kisah 26:18

pa mpuer matni me mhu'ula tlinni re, totpena rhargot la melmelli pa rler la lelerni, yoma hegana amlawanni edon nodi plolli owa'an la ira, mere rler la Uplerlawna limni ralamni. La'pa rpesiay A'u totpena A'umou-uwitna do'a-hal maka ir rhi' oleka re, ne hota hare rwal lia Uplerlawna limni-rorni maka Ha Nwalir niana.””

Kisah 26:28

Noma Agripa nwahla Paulus tianni: “La' o wniarormu de alia' agama Kristen de hakampa?”

Roma 9:24

Ne hota it di de er maka Ha Npolg oleka wa. Edonna ntot nan to'a Yahudi re rmeh'a mere la'a riy dom maka Yahudi atia' mana, Npol wualia.

1Kor. 3:17

Mere la'pa riy ida mak kwatutga hya' mak edon kaplola pa nweyata-nwaniawua Uplerlawna romni de, riy de mana Uplerlawna ed mak kweyata-kwaniaw wualia riy de. Yoma miy die Uplerlawna romni mak E orgahi Ha Nwalir niana la E gahani.

Epsus 1:14

Nhiw die ed mak karur nian ita pa hota it er maka tlernana hya' maka Uplerlawna Nano'targa mai ita makla' E mutnu-rahanu. Hota itlernana hare honona maka Uplerlawna Nano'taru mai ita, la' ler maka Uplerlawna Nwe'er doin it do'oni-halli honona pa nodi liarni. Ya'uli-yawedi nden rer lia Uplerlawna O'a, yoma tulmu nden la tutullu-lolo'oni!

Epsus 1:6

E wniarorni de totpena hota ra'uli-rawedi E' la tutullu-lolo'oni yoma E ralam kalwiedni mai ita maka kareh miemna. Ne Entut muemna E ralam kalwiedni de mai ita yoma itor E A'nani maka Enlililia, de ihru ida-ralm id wa.

Epsus 3:21

Mai pia ta'uli-ta'wedi tlilili-tmamuawua Uplerlawna-Mempulwatnu makdella tutullu-lolo'oni onnila E plolli-mneheni mak kar lia makpesiay honona re ihranu ralamni. Mai pia ta'uli-tawedi Uplerlawna onnila Kristus Yesus hihi'ini. Ya'uli-yawedi nden rer lia O'a Uplerlawnu Neee! La' dodo'ondi pa nodi liarni. Amin (Plola).

Kolose 1:13

E' ed mak kahal doinia melmelli-kalkalamni tnioranni mai ita pa Nken it la lelerni la A'nani maka E' orgahani Nsayn de, lodna-hairni.

2Tim. 1:9

Uplerlawna Namori-nalewna ita ne Npolg it pa tla' E gah wamueheni mak kakleha do'a-hala. Enhi'a hare honona de edonna Namkek la hya' maka it tsi'a-tyapi oleka la'a it mormiorni di, mere Nhi' hare honona de Nhapar rer lia E kalwiedni maka Ha wniaror oleka la ler maka Uplerlawna edon Nakoki-nayap mia'ta nohkerna. Mere la'pa dodo'ondi na'nama Uplerlawna Ntutga kalwiedni-paitiotni de mai ita, de tamkek nek la Kristus Yesus maimiaini, de emekneka Makamori-Kalewna mak katowar oleka matmiati la' yawa, ne Nodia mormiori-dardiari pa Nmai. Enayakot olek la' mormiori-dardiari mak kodi liarni de la' E Kot Kalwiedni-Paitiotni ralamni.

Titus 2:14

Enal oleka inonni mai ita totpa na Ntuwu-nhai it la'a do'a-hala ralamni, totpa do'a-hala edon nodi plolli mai ita. Ne Enhi' it la E gah wamueheni mak kakleha do'a-hala ne, mak kape'el toto' la nhioli-lieta kalwieda-paitiota.

1Ptr. 2:5

Me miy die mana mlier olek la mormiori warwuaru pede miy die emolmolan nekama watu-watu maka ha rnairia pa rariria roma-krei ida, yoma la' miy ralammi re Uplerlawna Nhiw Lululli Ndella. Enhi' miy totpa hota mpial lia riy maka Uplerlawna Nwaliri-nwalioha pa Nhi'a la E gah wamueheni maka ktulla-kar lia E'a emeka imam pa miala himima-rere'a la E'a, maka E ihranu ralamni nala. Himima-rere'emi re rla' nana E ralamni onnila Yesus Kristus hihi'ini-yapyapni la miy rerieimi.

1Ptr. 4:11

de riy maka klernana ra'a-palu pa nodia lira-tunu la' rimormior wialli de, hya' ed maka ha nakota-nalde'eta re, de ntolliohor mamaini Uplerlawna lirni-tunnu. Me la' walia riy maka klernana ra'a-palu pia khima-kre'a rimormior wialli, de nnairia ra'a-palu maka kwatiawua Uplerlawna orgahani totpa ntulan la rimormior wialli. La' talan emkade pede Uplerlawna Nlernana ya'uli-yawed lia rimormiori maka kamkek nana miy hihi'imi-yapyapmi honona re. Uplerlawna hota Nlernana ya'uli-yawedi die onnila Yesus Kristus hihi'ini-yapyapni. E' nanpena ed mak ktorna-krautu, ne E' inhatta ed maka ha ra'uli-rawedia pa nodi liarni. Amin (Plola).

Why. 1:6

Ne Enwalir nian it pa tler la hairi ida maka Ntutmuata-nkewra'a pa tla'a imam-imam mak khima-kre'a Uplerlawna, Yesus Amni de. La' hade pede mai pia ta'uli-tawedi Wutmueha-Laimieha Yesus Kristus, makdella tulu-lyanti. La' E' nampena Nmeh'a Nodi plolli pa nodi liarni. Amin (Plola).

Why. 20:6

Mere hota mati maka ramoria la mulaliaini rlernan unut lawne! Ir er maka Uplerlawna Nwalir niana la' E gahani. Hota la matmiati re'eni wornu de ir edonna rlernana. Hota ir er mak kla' o'ta-mata (imam) mak khima-kre'ela Uplerlawna Nora Yesus Kristus. Ne hota ir wal pia rodi plolli pa emekwalia E'a la anni riwnu ida.

Why. 5:10

O' ed mak kwalir nian oleka ir pa rler la hair ida maka Mtiutmuata-mkiewra'a pa rhi'a o'ta-mata (imam) mak khima-kre'a it Uplerlawanni, me Mual walia ir pa rodi plolli la nohkeran di wawannu.”