1Ptr. 2:6 - Alkitab bahasa Luang

⁶ Yoma la'a Puka ralamni de e rhorat targa Uplerlawna lirni (maka Enakot nohora Yesus Kristus, de entot nohora E la watu liar pianulu ida). Uplerlawna lirni de Niwra: “Mimkek ee! Awualir nian oleka watu mak karuri-kalai id pa ghi'a la watu liar pianulu la' A ge'nu la'a Sion. Ne he' maka kpesiay E' de, yan mimta'ata mhia'ara aranmi la, yoma hota Enhi' nan maka Enakot targ oleka re.”

1Ptr. 2:6 Iomraidhean Croise

Puka Pianullu 49:24

mere ra'pamu naruri-nalai, ne limmu rora naruri-na'orta onnila Uplerlawna mak karuri-kalai, maka apuesiaya Ntulan la o'a. Uplerlawan di mak kodia Israel, emeka riy ida mak kodi pipni-dumni. Uplerlawan Mak emeka ili-watu la Israel.

Nhiara 40:14

Matroma! Mumori-mulewn a'u! Pleta-plet pa muai pia Mtiulan mai a'u.

Nhiara 89:19

Matroma, Makdenreri O'a. O' de Israel Uplerlawanni Makdella Momuounu-Witwitanni. O' ed maka kwalir niana ray mak kruwun reri ami. Omtiutmuata-mkiewra'a riy id pa nhi'a a ray mamni.

Mat. 12:18

“Hadi de A hopopnu maka Awualir niana. Riy maka Asiayni inhatta me khi' A ralmu pa nahepru. Hota Agala A Nhi'wu la E wawannu pede hota E' ed mak kakot nohora la'a rimormiori la'a noheri woru-lyanti nayanni de Niwra hota Enhi' riy pa ror owa'an Uplerlawna rkalwieda.

Mrk. 12:10

Noma Yesus Nakot la re: “Miy edonna mpiaik ma'ta la maka ha rhorat targa la Puka ralamni (la'a wat muaka ha rtot nohora la Ray Makamori-Kalewna maka Uplerlawna Nano'tar dena)?! De niwra: “Wat muaka tukna edonna rnair nana pa rhi'a roma-lewu, mere rhopliala, de Uplerlawna Nnairi oleka pa Nhi'a la watu liar pianulu.

Luk. 20:17

Noma Yesus Namkek tertehra na'nama Nakot la re Niwra: “La'pa emek miy lirmi re pa hota edon emkade, de emkameni targho'ola Puka lirni (la'a wat muaka ha rtot nohora la Ray Makamori-Kalewna maka Uplerlawna Nano'tar dena)? Yoma e rakot taru la Puka de: “Wat muaka tukna edonna rnair nana pa rhi'a roma-lewu, mere rhopliala, de Uplerlawna Nnairi oleka pa Nhi'a la watu liar pianulu.”

Luk. 23:35

Rirahu mak ktutrier lia hande ramkek momuoga. Yahudi o'tani-matni nek de mana ertepartarlia rwali-rwalliohora Yesus pa riwra: “Hota la'pa plola la Enhi'a Ray Makamori-Kalewna, maka Uplerlawna orgahani Nwalir niana, de tamkek teka hota Nodi plolli pa Nalewna E inon wamueheni pa emeknekama Enamori-nalewn oleka riy meheni?”

Yoh. 7:38

La'pa hameni ed maka kpesiay A'u, hota enlernana hya' maka kahniorat tar la Puka ralamni de niwra: “Hota nwatiawua riy de ihranu ralamni, de emeknekama ger ormata nwahi'da pa nwau liora mak kodia mormiori plalahwa pa nodi liarni.””

Kisah 1:16

“Ina-nara ama-hyali, hya' maka ha rhorat tar lia' Puk lawna ralamni de Uplerlawna Netlia pa hota ntutu-nte'ewa. De la it upni-tgarni lerni de, Uplerlawna Nhiw Lululli Napre'et Daud nurnu pa nakot nohora oleka Yudas mak kla' o'tani pa rtorna Yesus de.

Roma 10:11

Ina-nara ama-hyali, itat niohora hade naplola yoma la'a Puka ralamni e rhorat targa: “La' riy maka kpesiaya de hota edon ramta'ata rha'ar aranni la, yoma hota Enhi' nan maka Enakot targa oleka re.”

Epsus 1:4

Yoma noha gergera-tatiah'i ma'ta, de Enwalir nian ita totpa Nhi' it la E kamieheni mak kakleha do'a-hala kuku' eti la E yamkekni onnila itor Yesus Kristus tla'a ihru ida-ralm ida.

Epsus 2:20

Ina-nara, nhi'inde rira rariria roma ida, de rkenia watu liar yanulu me wniatatgeni nhor diemade rwed lutru-rlapar wat lia. Emkade walia Kristus Yesus Nmeh'a neka emolmolan nekama watu liar pianulu la'a miy pesiaymi, me makwohorulu-ktatrulu, me mak kodi Uplerlawna lirni-tunnu tiy miy re, emekwalima pesiaymi de wniatatgenni. Me miy die emeknekama watu-watu maka ha rnairia pa ra rwedlutria likit de.

2Tim. 3:16

Hare honona maka ha rhorat targa la Puk lawan de, de nwatiaga Uplerlawna, ne hota nperkun la'a wniatutu-wniaye'a plollola, pa ra rpolliohora me ra rwale'era riy mak khala. Ne ra rwatutga rimormiori totpena mormiorni nlola Uplerlawna ralma-riorni.

1Ptr. 2:4

Mpiakrian reri Yesus Kristus de mak kod riy la mormiori-dardiari. E de, de emolmolan nekama watu liar pianulu maka tukna-tukna re rasrala yoma ratniekame edon perkuna. Mere la'a Uplerlawna yamkekni de E' ed maka ktulliawna-kwelwierta, maka Uplerlawna Nwalir niana.

1Ptr. 2:8

Ne ntuin tar walia mak edon kpesiay Yesus, de Puka lirni mak emkadilla: “Watu die watu nniuli-nniewta narieiniande irwetur tar lia pa rlerwah'a gaini.” Irwetur tar lia yoma ir edonna ratlina-ratailla Uplerlawna lirni-tunnu. Hade ed maka Uplerlawna Nrora-nlai tiarg olek hadewa.

2Ptr. 1:20

Ina-nara, ononni la'a hya' maka a'ukot olek honona re, de totpa mhioratreria de makwohorulu-ktatrulu lirni la Puka ralamni, edonna rwatiawua makwohorulu re lir wamueheni mere ha rwatiawu Uplerlawna.

2Ptr. 3:16

La'a Paulus horatni honona rde, enakot nohor mamainia wniatutnu ri. La' horatni lirni dom de riy edonna rna'erit nana. Ne lir mak riy de edonna rna'erit nana, ed maka riy podku ror wutga riy maka pesiayni edon kamtemtemna rwotra-rtal tiarga. La'a Puka lirni-tunnu dom to' mana ir rhi' walia emkade wali. Mere hya' ed maka ir rhi'a, de hota natota-nariei pia irmeh'a rler la matmiati-molmuolu plalahwa.