1Ptr. 2:10 - Alkitab bahasa Luang

¹⁰ La' ler ululu ma'ta, de miy edonna mlier ma'ta la Uplerlawna mutnu-rahanu. Mere la dodo'ondi de rwet olek miy lia Uplerlawna mutnu-rahanu. Ululu de miy edon mliernan ma'ta Uplerlawna ralam kalwiedni, mere la' dodo'ondi de mliernan olek hade wa.

1Ptr. 2:10 Iomraidhean Croise

Roma 10:19

Mere yanpa hota riy Israel re edon rna'erit nana lira-tunu maka ha ratlin nana rena? Hota edon emkade wali! Ira rna'erit nana yoma Yahudi atia'a nek de rna'erit nan oleka wa. Itat niohora hade yoma Musa ed maka kakot nohor ulga ha yala'ani, de Musa nwahaur nohora Uplerlawna lirni mak kiwra: “Hota Aghi' Yahudi miy pia ralammi ramehra (cemburu), yoma A'ura'a-upalga Yahudi atia'a maka ha mpiarwah'a re. Ne Aghi' Yahudi miy pia miwenna, la'a Atiera-diema Yahudi atia'a re maka mimpiarora de raplinu-raplo'a.”

Roma 11:30

Ler ululu de Yahudi atia' miy edonna mitlina-mitaili la'a Uplerlawna, mere la' dodo'ondi de Uplerlawna orgahani Ntutga ralam kalwiedni tiy miy, yoma la'a riy Yahudi edonna ratlina-ratailla E'a.

1Kor. 7:25

Twahaur la riy maka edonna kmehlim ma'ta. La' hade de a'g edon liernana lira la Orgahi-Orha'a, mere onnila Orgahi-Orha'a ralam kalwiedni mai a' pua Nal a pua a lia' riy maka ha rpesiaya pede ukot nohora nnio'a-niat di tiy miy.

1Tim. 1:13

Enamkek rer a lia ululu de a'g ed maka upolu-uliella E nanni, ne a'g ed maka umuki-uma'ala, nniahora-nniala' E'a. Mere Uplerlawna Ntutga ralam kalwiedni mai a'u, yoma la' ler de de, a'g edonna puesiay mia'ta pede a'g edonna gatga hya'a maka aghi'a-yapia.

Ibrani 4:16

La' hade pede yana tamta'ata. Mere mai pia tla tora Uplerlawna mak ktorna-krautu, mak kal reria E ralam kalwiedni, de twatrom rer lia kniola tieru-niawur nehla. Totpena la'pa itler la totota-wudwiudi onde kropna-krieutu de hota Uplerlawna Ntutga sniayanni mai ita me Ntulan la ita.