1Ptr. 1:11 - Alkitab bahasa Luang

¹¹ totpa irat muemna hota emkameni la, me mowen nianpena ha rdunti-rwetria Kristus de pa nhor diewade ra'uli-rawed E'a la gen tiutullu. Rwaror nohora hade yoma Kristus Nhiwni mak kdella ir ihranu ralamni Nakot olek la ir de hota Kristus de Nler la kropna-krieutu nanpena Nler la ya'uli-yawedi.

1Ptr. 1:11 Iomraidhean Croise

Puka Pianullu 3:15

Aghi'a yawunu-yawenan la omuora patke' di, me la'a o duratmu-waitmu nora patke' di duratni-waitni. Duratni-waitni hota nhapar reri o'tamu la' noh marna, ne omuihi-mhuo'wa tikalli.”

Puka Pianullu 49:10

Lodna-hairi mana edonna nwadur la o' limmu ralamni, edonan demade tita-kai kniaunu la'a lakmu rletni, nodia pa nmai maka Uplerlawna Ntutga pa nodi plola-ntaryat lia wawannu, nhi'nande riy mak kdella hairi-hairi re ratlina-ratailla.

Dan. 2:44

Noma tuna orgahani namkek memna la' mi'imu, de wat tpo' lawan id maka riy limni enni atia'a me?! Wat tpo' lawan de nwatiawu wo'ora pa nwaklolierun na'nama nwunga lola atiehra de, de nutni amkoha-amnanin wutga la mnotna, pi'ra tnieri, tan miera, maha wawahra, nora maha ihi maka ha nawniah'a pa rhi'a la atiehra de. Watpo' lawan de nnia'eratni de, Uplerlawna makdella Ilyamou-Watyatoha hota Nariria lodna-hairi id owa'ana mak hota nayarir pia nodi liarni. La' lodna-hairi id mana edonna lola lokarni. Lodna-hair de hota ed maka kwakoha-kwanannia lodna-hairi re honona pede nawniau kdededa pa nodi liarni. Tuna, Uplerlawna Mak kodi plolli ed maka ktutu-kte'a harella la'a tuna, yoma hota la lera ida, de ramkek memna de! La' mi' de plol toto'a pa emkade, ne a yakwie'etu mana plola mdududga la geni.”

Mat. 26:24

Plola, hota Rimormiori A'na A' die hota Amuati, emeknekama e rhorat targa la Puka ralamni. Mere hota la'pa he' ed mak ka'olga Rimormior A'na de, adoh! Riy de hota nler meman la yatyatni-halalli yatlorni-yatra'ani. Samomuounu de edon ra'a'n nan walia e' la noh di wawannu.”

Luk. 24:44

La'pa nhorwua noma Yesus Nakot la re Niwra: “A'ukot oleka tiy miy wia la' lera itden wut mua'ta la geni ida giwra hare honona mak ha rhorat targa la Puka Musa, onde Puka makwohorulu-ktatrulu me la'a Puk Masmur ralamni mai A'u de hare edonna rhala ne plol toto'a pa rtutu-rte'ewa.”

Yoh. 12:41

Yesaya nakot emkare yoma enamkek oleka Yesus preheni-mkaini pa nakot nohora la E'a.

Kisah 16:7

La'pa rte'ela' Misia nhiakarni noma riwra rler la Bitinia yapatni, mere Yesus Nhiw Lululli Nleretia pa yana rla hande.

Roma 8:9

Mere miy edonna mmiormiori pa mliernohora yehwa rimormiormi mak kodi miy lia do'a-hala. Miy e mliernohora Uplerlawna Nhiw Lululli yala'ani, yoma Uplerlawna Nhiwni ed mak kagengen lia miy inonmi. Mpiahniorta! Riy mak kakleha Yesus Kristus Nhiwni de, riy de, Yesus Kristus gahani atia' e'a.

Gal. 4:6

Ne miy die Uplerlawna a'nani olek miy wia pede Uplerlawna Nhopna E A'nani Nhiwni pa Nler la ina-nara miy ihrami ralamni. Ne la' it ralamni mana E A'nani Nhiwni de Nmemeh'a ed maka kler wut lia it nhiwni pede itpolu-twak la Uplerlawna de emeka Ama mak itsayni.

2Ptr. 1:21

Yoma ita edonna tlernan ma'ta lira mak kwatiawua Uplerlawna maka rimormioria nohkerna rmeh'a rwaror nana. Mere Uplerlawna Niwra Nakot hadom de, Nala E Nhiw Lululli pa Nodi plolli la rimormiori nanpena nakot nohora hadella rimormior wialli.

Why. 19:10

Na'nama awualtior la hopopan de gaini ralamni pa agiwra guh' idma-riama lia'ara mere nwayotli a'u, niwra: “Yana, yana! Pen neka mkiola tieru-muawur nehla la Uplerlawna Nmeh'a. Yoma a' niek de hopopan to' a'u la Uplerlawna, emekwali o'a me emekwalia o mutwualmu maka kod reria Uplerlawna lirni-tunnu maka Yesus Nakota re. Yoma he' ed mak kod reria Uplerlawna lirni-tunnu maka Yesus Nakota re, plol toto' pa ir de emekwali a' pua am rewre'wa pa makot nohora Uplerlawna lirni-tunnu maka Uplerlawna Nalharia.”