San Mateo 3:3 - LEQUIL ACH' C'OP

³ Ti J'alc'op Isaiase iyalbe ono'ox sc'oplal ti Juane: «Oy much'u tsots ch-avetaj ta xocol balamil: Chapanbeic sbe ti Cajvaltique; tuq'uibtasbeic li sbee.”» —Xi ono'ox.

Tzotzil Zinacantan

³ Ti Juane tsꞌibabil onox scꞌoplal yuꞌun ti Isaías yajꞌalcꞌop Riox ti ta voꞌnee. Jaꞌ yech istsꞌiba chac liꞌi: Ta to xtal jun jchiꞌiltic ta israelal, tsots ch-avetaj ta xocol balamil. “Chtal xa ti Cajvaltique. Ictaic xa spasel li cꞌusitic chopole. Xachꞌunbeic me ti cꞌusitic chayalbeique”, xi chalbe ti jchiꞌiltactique, xi onox ti Isaíase.

Bible in Tzotzil de Chamula

³ Ti Juan taje, ja' ti buch'u xi ts'ibabat sc'oplal yu'un ti j'alc'op Isaiase: “Oy buch'u tsots ta xc'opoj ta xocol banomil ti xi ta xale: ‘Jambeic tuq'uil be ti Cajvaltique. Meltsanbeic lec sbe.’ ”

Bible in Tzotzil de Chenalhó with Deuterocanon

³ Ja' sc'oplal ti jech ono'ox ts'ibabil yu'un j'alc'op Isaías ta vo'onee: “Oy boch'o tsots ta x'avan ta xocol banamil: ‘Chapanbeic sbe li Cajvaltique. Tuq'uibtasbeic sbe li Dios cu'untique’, xi chlic yal”, xi ono'ox li Isaiase.

Tzotzil San Andres

³ Yuꞌun jech onoꞌox tsꞌibabil scꞌoplal li Juan yuꞌun li Isaías li iyal scꞌop Dios ta voꞌonee. Jech laj yal: Chlic jun jchiꞌiltic ta israelal, tsots ta xal ta taqui jamaltic ti ta xa xtal li Cajvaltique. Jaꞌ yuꞌun ta xal nojtoc: “Ictaic scotol li cꞌustic chopol chapasique. Ichꞌbeic ta mucꞌ li scꞌope”, xi ta xalbe li jchiꞌiltactique, xi onoꞌox li Isaíase.

Tzotzil de Huixtán

³ Ti Juane ja' albil sc'opilal yu'un ti Isaíase, ja' ti j'alc'op yu'un ti Diose ti vo'one. Hech laj yal ti Isaíase: Chlic jun jchi'iltic, tsots chc'opoj ti xocol balumil. Hech chal: “Chtal xa ti Cajvaltique, hech yu'un comesic ti c'usi chasbolibtasoxuque”, chlic yut ti xchi'iltaque, xchi ti Isaíase.

San Mateo 3:3 Iomraidhean Croise

Marcos 1:3

Yech'o un oy much'u tsots ch-avetaj ta xocol balamil: “Chapanbeic sbe ti Cajvaltique; tuq'uibtasbeic li sbee.”»

San Lucas 1:17

Ti Juane ja' ba'yi chtal, ja' ts'acal to chtal ti Cajvaltique, co'ol sp'ijil, co'ol syu'el xchi'uc ti j'alc'op Eliase, Ja' chtal yac' co'olajuc sjol li totil me'ile xchi'uc li yol xch'amalique, xchi'uc ja' ta scuenta yo' ac'u xchanic xch'unel mantal li. Ti x'elan tspase ja' yo' xich'ic o ta muc' ti Cajvaltic c'alal xtale ―x'utat yu'un ti angele.

San Lucas 1:76

Li vo'ote, cunen crem, vo'ot yaj'alc'opot Riox ta vinajel chac'ot, vo'ot ba'yi chajelav ech'el yu'un ti Cajvaltique, yu'un vo'ot chba achapanbe li sbee,

San Juan 1:23

Itac'av ti Juane: —Vo'on ti chi-avetaj ta xocol balamile: “Tuq'uibtasbeic sbe ti Cajvaltique”, xichi chac c'ucha'al iyal ti yaj alc'op Riox Isaiase.