San Lucas 9:44 - LEQUIL ACH' C'OP

⁴⁴ ―A'yic me li c'usi chacalbeique, mu me xch'ay xava'iic: vo'on ti Xch'amal crixchano li c'ote chi'aq'ue entrucal ta stojol crixchanoetic ―x'utatic.

Tzotzil Zinacantan

⁴⁴ ―Aꞌyic me li cꞌusi chacalbeique, mu me xchꞌay xavaꞌiic. Voꞌon ti coꞌol crixchanootique chiꞌaqꞌue entrucal ta stojol crixchanoetic ―xꞌutatic la.

Bible in Tzotzil de Chamula

⁴⁴ —A'yic lec li'e, xi s'elan ti mu xach'ay ta avo'ntonique: ti vu'un co'ol j'elantique, ta xi'aq'ue ta yoc ta sc'ob ti viniquetique.

Bible in Tzotzil de Chenalhó with Deuterocanon

⁴⁴ —Li c'usi chacalboxuc li'i ta jc'an ti chatic' lec ta avo'ntonique. Vu'un ti Xnich'on cristiano lic'ote ta to xi'ac'at ta sc'ob li cristianoetique —xut.

Tzotzil San Andres

⁴⁴ ―Aꞌiic li cꞌusi chacalbeique, mu me xchꞌay ta avoꞌonic. Joꞌon li coꞌol crixchanoutique chiꞌaqꞌue ta scꞌob crixchanoetic ―xi.

Tzotzil de Huixtán

⁴⁴ ―A'yo me ava'yic ti lec ti c'usi chacalbeic ti ora to. Chc'ot ti pasel ti chi'ac'at entrecal ti sc'ob viniquetic, ho'on ti co'ol crixchanoucutique ―xchi.

San Lucas 9:44 Iomraidhean Croise

San Mateo 16:21

Ti Jesuse lic yalbe ti yajchanc'optaque ti persa chbat ta Jerusalene, ti tey chich' tsots svocol ta stojol ti moletic tsots yabtelique, xchiuc ti totil paleetique, xchi'uc ti much'utic ta xchanubtasvanic ta smantaltac Rioxe. Iyal ti tey chmilee, chi'uc ti ta yoxibal c'ac'al ta xcha'cuxie.

San Mateo 26:2

―Ana'ojic ti chib xa c'ac'al sc'an li sq'uinal ti c'alal iloq'uic ta mozoil ti ba'yi jtot jme'tique, vo'on ti Xch'amal crixchano li c'ote, ja' o xa chc'ot yora chi'aq'ue entrucal, chisjipanic ta cruz―x'utatic.

Marcos 8:31

Ti Jesuse lic xchanubtas noxtoc li yajchanc'optaque, vo'on ti Xch'amal crixchano li c'ote, persa ta xquich' ep jvocol, mu xiyich'ic ta muc' li moletique, xchi'uc li totil paleetique, xchi'uc li much'utic ta xchanubtasvanic ta smantal Rioxe. Ja' chiyaq'uic ta milel, chimuque, ta yoxibal c'ac'al chicha'cuxi ―x'utatic yu'un ti Jesuse.

Marcos 9:31

yu'un ja' o ixchanubtas li yajchanc'optaque. Ja' yech iyalbe chac li'i: ―Vo'on ti Xch'amal crixchano li c'ote chi'aq'ue entrucal ta stojol li crixchanoetique. Chismilic, pero ta yoxibal c'ac'al chicha'cuxi ―xi ti Jesuse.

San Lucas 1:66

Scotol ti much'utic iya'iique ilo'ilaj o yo'onic: «¿C'usi van yabtel chbat li crem taje?» Yu'un ta melel ti Cajvaltique sq'ueloj xchabioj tal —xiic.

San Lucas 18:31

Ti Jesuse slecoj iyic' loq'uel li yajchanc'optaque, ja' yech iyalbe chac li'i: «Lavie chibatic ta Jerusalen, ja' yo' bu ch-c'ot ta pasel scotol ti c'usi sts'ibaojic comel ti yaj'alc'optac Riox ta jcuenta vo'on ti Xch'amal crixchano li c'ote.

San Lucas 2:19

Ti Maríae isnac' ta yo'on scotol ti c'usitic iya'ie, muc'bu ixch'ay ta sjol, tey isnopilan c'usi smelol.

San Lucas 2:51

Tsobol xa isut xchi'uquic ta Nazaret ti Jesuse, ti c'u sjalil tey tsobol xchi'uquique, lec ixch'un mantal. Ti sme'e isnac' ta yo'on scotol ti c'usitic ispas ti Jesuse.

San Lucas 24:44

Ja' o yech i'albatic chac li'i: —Li c'usi ic'ot ta pasel ta jtojole, ja' ti c'usi lacalbeic ono'ox ti c'alal li' to'ox jchi'ucoxuque: ti persa onox ta xc'ot chac c'u cha'al sts'ibaoj comel jc'oplal ti Moisese xchi'uc ti yan yaj'alc'optac Rioxe, xchi'uc ta svunal q'uevujetique ―x'utatic yu'un ti Jesuse.

San Lucas 9:22

Ja' yech i'albatic noxtoc chac li'i: —Vo'on ti Xch'amal crixchano li c'ote, ta ono'ox xquich tsots jvocol, mu xi yich'ic ta muc' li moletique xchi'uc ti totil paleetique, xchi'uc li much'utic ta xchanubtasvanic ta smantaltac Rioxe. Chismilic pero ta yoxibal c'ac'al chicha'cuxi ―x'utatic yu'un ti Jesuse.

San Juan 16:31

Itac'av ti Jesuse: —¿Ti xcaltique ach'unic xa un bi?

San Juan 16:4

Ti x'elan chacalbeique ja' yo' ti c'alal xc'ot yeche, chul ta ajolic ti ja' onox yech lacalbeic comele. »Ta sliquebale, mu to'ox bu yech lacalbeic, ja' ti li' to'ox jchi'ucoxuque.

San Juan 19:11

Itac'av ti Jesuse: —Mu c'u xu' xacha'leon ti manchuc yac'ojbot permiso ti Rioxe; yech'o un, li much'u li yac' entrucal ta atojole, ja' más tsots smul chac c'ucha'al li vo'ote ―x'utat.