San Lucas 9:16 - LEQUIL ACH' C'OP

¹⁶ Ti Jesuse ja' ixch'am ti vo'p'ej pane xchi'uc ti cha'cot choye, isq'uel vinajel, iyac'be bentisyon ja' o ixut, iyac'be li yajchanc'optaque ti ja ac'u spucbeic li crixchanoetique.

Tzotzil Zinacantan

¹⁶ Ti Jesuse jaꞌ la ixchꞌam ti voꞌpꞌej pane xchiꞌuc ti chaꞌcot choye. Isqꞌuel la vinajel, “colaval” xut la ti Rioxe. Jaꞌo la ixut ti pane, ixchꞌac la noxtoc ti choye, iꞌacꞌbatic la li lajchavoꞌe. Li lajchavoꞌe jaꞌ xa la iyacꞌbeic ti crixchanoetique.

Bible in Tzotzil de Chamula

¹⁶ Ti Jesuse laj stsac ti vo'bej pane xchi'uc ti cha'cot choye, laj stoy muyel sat ta vinajel, lic yalbe vocol ti Diose, lic sc'osilan ti choye, laj xet' ti pane, laj yac'be jelavel ti yajchanc'optaque yo' jech ta spucbeic ta scotol ti c'u yepal oyique.

Bible in Tzotzil de Chenalhó with Deuterocanon

¹⁶ Li Jesuse la stsac li vo'ob pane xchi'uc li cha'cot choye. La sq'uel muyel vinajel; la stojbe ta vocol Dios. La svoc' li pane xchi'uc li choye. Laj yac'be li yajchanc'optaque, yu'un ja' ac'o spucbeic li cristianoetique.

Tzotzil San Andres

¹⁶ Li Jesuse la stsac li joꞌpꞌej pane schiꞌuc li chaꞌcot choye. La sqꞌuel muyel ta vinajel, laj yalbe coliyal Dios. La xutilan li pane schiꞌuc li choye, laj yacꞌbe li yajchanbalajeltaque. Li yajchanbalajeltaque la spucbeic li epal crixchanoetique.

Tzotzil de Huixtán

¹⁶ Ti Jesuse laj stsac ti ho'ob muc'tic caxlan vaje xchi'uc ti cha'cot choye. Laj sq'uel muel vinajel, hech lic yalbe vocol ti Diose. Laj xet'ilan ti caxlan vaje, laj stuch'ilan ti choye, laj yac'be ti yajchanc'opetique. Ti yajchanc'opetique ba yac'beic ti xchi'iltaque.

San Lucas 9:16 Iomraidhean Croise

San Mateo 14:19

Ti Jesuse iyalbe ti crixchanoetique ti ac'u chotlicuc ta stentejtique. Ixch'am ti vo'p'ej pane xchi'uc ti cha'cot choye, isq'uel vinajel, “colaval” xut ti Rioxe. Ja'o ixut li pane, iyac'be li yajchanc'optaque, li yajchanc'optaque ja' xa ixch'acbe li crixchanoetique.

San Mateo 15:36

ixch'am li vucp'ej pane xchi'uc li jaycot choye, iyalbe coliyal ti Rioxe, ixutilan li pane iyac'be li yajchanc'optaque, ja' xa ixch'acbeic li crixchanoetique.

Marcos 7:34

Ti Jesuse isq'uel vinajel isjic' yo'on, xi iyalbe li vinique: «¡Efata!» ―Xi. Li Efatae («¡jaman!») —Xi smelol.

San Lucas 22:19

Istam noxtoc jp'ej pan ti Jesuse, iyalbe coliyal ti Rioxe, ti c'alal ilaje, ixut li pane, iyac'be li yajchanc'optaque ja' yech iyal chac li'i: ―Li'i ja' jbec'tal jtacupal, yu'un chcac' jba ta milel ta scoj amulic. Ja' me yech xapasulanic o yo' xana'icon oe ―x'utatic.

San Lucas 24:30

Ti c'alal ichotiic ta mexae, istam jp'ej pan, iyalbe coliyal ti Rioxe, ja'o ixut ti pane, i'ac'batic li cha'vo'e.

San Lucas 9:15

Ixch'unic ti c'usi i'albatic yu'un ti Jesuse, iyalbeic li crixchanoetique, ti ac'u chotlicuc ta jujutsope.

San Lucas 9:17

Li crixchanoetique ive' scotolic lec inoj xch'utic, istsob-beic to lajcheb moch sovra.

San Juan 6:11

Ti Jesuse ixch'am ti pane ti c'alal laj yalbe coliyal ti Rioxe, ja'o ixch'acbe li crixchanoetic tey chotajtique. Ja' no'ox yech ispas noxtoc ta scuenta li choye, iyac'be ti c'u yepal isc'anic ti crixchanoetique.

San Juan 6:23

Ja' o tey ic'ot yan canovaetic ti ilic tal ta jteclum Tiberiase, tey i'ech' yo' bu isve'ic pan li crixchanoetique ti c'alal colaval xut Riox ti Cajvaltique.