San Lucas 8:8 - LEQUIL ACH' C'OP

⁸ Oy jlom ta lequil balamil ic'ot; lec ich'i, ibeq'uin, iyac' cien sbec' ta jutec'.» Tsots ic'opoj ti Jesuse ja' yech iyal chac li'i: «¡Ti much'utic oy xchiquinique ac'u ya'iic!» —Xi.

Tzotzil Zinacantan

⁸ Oy jlom ta lequil balamil icꞌot. Lec ichꞌi, ibeqꞌuin. Li jpꞌej trigoe iyacꞌ cien li sbeqꞌue ―xi la. Ti cꞌalal laj yal chac taje, tsots la icꞌopoj. ―Voꞌoxuc ti avaꞌiic cꞌusi icale, nopbeic smelol ―xꞌutatic la yuꞌun ti Jesuse.

Bible in Tzotzil de Chamula

⁸ Oy jlom un c'ot ta lequil banomil, lec ch'i talel. Laj yac' lec sat, ti loc' vo'vinic (100) ta bej sat ti jujupets ts'unobale. Xi to laj sts'ac batel lo'il a'yej ti Jesús ti tsots lic c'opojuque: —Ti buch'u oy xchiquine, sts'etanuc lec ta ya'yiel.

Bible in Tzotzil de Chenalhó with Deuterocanon

⁸ Oy jaybej ic'ot ta lequil banamil. Lec ich'i, laj yac' lec sat. Laj yac' vo'vinic (100) ta bej li jujubej bec' trigoe”, xi li Jesuse. C'alal laj yal jech li Jesuse, tsots lic c'opojuc, jech laj yal: “Li boch'o oy xchiquine ac'o snopbe smelol”, xi.

Tzotzil San Andres

⁸ Oy jaypꞌej icꞌot ta lequil balumil. Lec ichꞌi, lec isatin. Laj yacꞌ joꞌvinic (100) ta pꞌej li jupꞌej becꞌ trigoe ―xi li Jesuse. Cꞌalal laj yal jech li Jesuse, tsots lic cꞌopojuc. Jech laj yal: ―Li joꞌoxuc ti avaꞌiic li cꞌusi laj cale, nopbeic lec smelol ―xꞌutatic yuꞌun li Jesuse.

Tzotzil de Huixtán

⁸ Oy ic'ot sat strigo ti lequil lum. Lec ich'i. Lec laj yac' sat. Ho'vinic ti p'ej laj yac' sat ―xchi. C'alal hech laj yal ti Jesuse, tsots ic'opoj. Hech laj yal: ―Nopilanic lec hech chaj c'u che'el laj xa calboxuc ―xchi.

San Lucas 8:8 Iomraidhean Croise

San Mateo 11:15

Li much'utic ch-chiquintaique, ac'u snopbeic lec smelol.

San Mateo 13:23

Li bec' trigo ti ic'ot ta lequil balamile, ti iyac' ciene, ti iyac' oxvinique (60), ti iyac' lajuneb xcha'vinic (30) ta p'ej sbeq'ue, ja' ti much'utic cha'iic li sc'op Rioxe xchi'uc ti lec xa'ibeic smelole.» ―X'utatic yu'un ti Jesuse.

Marcos 4:20

Li bec' trigo ti ic'ot ta lequil balamile, ja' seña ti much'utic cha'iic li sc'op Rioxe, ti sjunul yo'on ta xch'unique, lec tsatinic. Jlom iyac' lajuneb xcha'vinic (30), jlom iyac' oxvinic (60), jlom iyac' cien ta ju p'ej sts'unubal.» ―X'utatic yu'un ti Jesuse.

Marcos 4:23

Ti much'u oy xchiquine ac'u ya'ibe smelol.» ―X'utatic yu'un ti Jesuse.

Marcos 4:8

Oy jlom ta lequil balamil ic'ot, ich'i, lec ibeq'uin; oy jlom iyac' lajuneb xcha'vinic (30), oy iyac' oxvinic (60), oy iyac' cien.»

San Lucas 14:35

Mi ja'uc ta c'a'al balamil mu xa xtun o. Solel xa chich' taniel. Ti much'utic oy xchiquinique ac'u snopbeic smelol.» X'utatic yu'un ti Jesuse.

San Lucas 8:15

Yan ti bu ic'ot ta lequil balamile, ja' seña ti much'utic ta sjunul yo'onic cha'iic li sc'op Rioxe xchi'uc ti ta yo'on tspasic li c'usitic chale, ti j'ech'el xch'unojic oe, xchi'uc ti naca lequic ti c'usitic ta spasique.

San Lucas 8:7

Li yane ta ch'ixtic ic'ot; ti c'alal ich'i xchi'uc li ch'ixe, ja' yolontabil icom li trigoe.