San Lucas 8:3 - LEQUIL ACH' C'OP

³ xchi'uc li Juanae, ja' li yajnil Chuzae, li Chuzae ja' ti much'u scuentainojbe to'ox c'usuc yu'un ti Erodese; tey noxtoc ti Susanae; tey noxtoc yan antsetic ti chcoltavanic xchi'uc li c'usuc yu'unique.

Tzotzil Zinacantan

³ Tey la li Juana uque, li yajnil Chuzae. Li Chuzae jaꞌ la xchabiojbe sna li covierno Erodese. Tey la li Susana uque xchiꞌuc la yan antsetic. Jaꞌ la imacꞌlinatic li lajchavoꞌe xchiꞌuc ti Jesuse. Li antsetique isloqꞌues la stuquic li veꞌlile.

Bible in Tzotzil de Chamula

³ Jech ec xchi'inojic batel ti Juanae, yajnil ti Chuza, jun vinic ti yich'oj ta sventa ti c'usi x'ayan yu'un ti ajvalil Herodese, ti Susana eque, xchi'uc yan antsetic ti ta scomon-tsobic ti c'usitic oy yu'unique yo' ta scoltaic ti Jesuse.

Bible in Tzotzil de Chenalhó with Deuterocanon

³ Te oy ec li Juanae, ja' li yajnil Chuza ti chchabibe c'usitic oy yu'un li ajvalil Herodese. Te oy ec li Susanae, xchi'uc ep yantic antsetic. Ja' la smac'linic li Jesuse; stuc la sbainic scotol.

Tzotzil San Andres

³ Te oy eꞌuc li Juanae, jaꞌ yajnil jun vinic Chuza sbi. Li Chuzae jaꞌ yichꞌojbe ta venta sna li ajvalil Herodese. Te oy eꞌuc li Susanae schiꞌuc oy ep yan antsetic li la smacꞌlanic Jesús schiꞌuc li yajchanbalajeltaque. Pero stuquic la sloqꞌuesic li veꞌlil li antsetique.

Tzotzil de Huixtán

³ Te xchi'inoj uc ti Juanae, ja' ti yajnil ti Chuzae. Ti Chuzae ja' yich'oj yabtel te ti sna ti ajvalile, ja' ti Herodese. Te xchi'inoj uc ti Susanae xchi'uc ep yan antsetic ti laj smac'linic ti Jesuse. Stuquic laj yaq'uic ti ve'elil ti antsetique.

San Lucas 8:3 Iomraidhean Croise

San Mateo 14:1

Yeche ora chac taje, ja' o ta scoviernoal tey ta Galilea ti Erodese. Iya'i ti c'u x'elan vinajem sc'oplal c'usitic tspas ti Jesuse,

San Mateo 14:3

Yu'un li Herodese ja' ixchuc ta carina ti Juane, ja' ta scoj ti iyic' Herodiás li Herodese, ja' li yajnil Felipe ti yits'in no'oxe.

San Mateo 14:6

Ti c'alal iloc' sjabilal ti Herodese, ispas squ'inal. Ti stseb Herodíase i'ac'otaj ta o'lol yo' bu tsobolique. Lec tajmec iyil ti Herodese,

San Mateo 2:11

Tey i'ochic ti p'ijil viniquetique. Iyilic ti unene xchi'uc ti sme'e, ja' ti Mariae. Iyich'ic ta muc' ti unene. Isquejan sbaic, ja'o isnijan sbaic ta balamil noxtoc. Iyac'beic smoton: oro, bec'tal pom, xchi'uc muil pox mirra sbi.

San Mateo 20:8

»Ti c'alal i'ic'ub osile, li yajval abtele, iyalbe li yajq'uel abtele: “Ic'o sutel tal scotol li caj'abteltaque, ac'bo stojolic; ja' ba'yi xatoj li much'utic ts'acal to italique. Ts'acal to xatoj li much'utic ba'yi italique”, xut.

San Mateo 25:40

Vo'on li Reyone ja' yech ta jtac'beic chac li'i: “Ta melel chacalbeic, ta scuenta ti ac'uxubinic li jchi'iltac ti muc' bu ich'bilic ta muc' li' ta sba balamile, co'ol xchi'uc vo'on ac'uxubinicon ya'el.” —Ta xcutic.

San Mateo 26:11

Li me'onetique li' onox achi'uquique, li vo'one muc' bu jal li' jchi'ucoxuque.

San Mateo 27:55

Tey ep antsetic ta xq'uelvanictal ta nom, ja' li much'utic ixchi'inic tal ta xanvil ta Galilea ti Jesuse xchi'uc ti ismac'linique.

San Lucas 24:10

Li antsetic ti ba yalbeic li apoxtoletique, ja'ic li María liquem tal ta Magdalae, xchi'uc li Juanae, xchi'uc li otro jun María sme' Jacoboe, xchi'uc li yan antsetique.

San Juan 12:6

Ti x'elan iyale, mu'nuc yech xal ti c'ux ta yo'on li me'onetique, yu'un ja' no'ox tsc'an chelc'anbe li stojole, yu'un ja' xchabiojbe li yav taq'uine, xchi'uc yu'un nopem ono'ox xa'i ti tey chelc'an loq'uel ti c'alal tey stiq'uic li taq'uin chaq'uique.