San Lucas 8:25 - LEQUIL ACH' C'OP

²⁵ Ti Jesuse, xi iyalbe li yajchanc'optaque: —¿Bu ibat li xch'unojel avo'onique? ―Xut. Li stuquique toj ch'ayel ic'ot yo'onic xchi'uc toj xi'el ic'otic, ja' yech iyalbe sbaic chac li'i: ―¿Much'u li vinic li'i ti tspas ta mantal li iq'ue xchi'uc li nabe ti ivaxi yu'une? ―Xut sbaic.

Tzotzil Zinacantan

²⁵ ―¿Mi mu to bu achꞌunojic yaꞌel ti voꞌon tsots jyuꞌele? ―xꞌutatic la. Más to la ixiꞌic. Xchꞌayet xa la yoꞌonic. ―¿Muchꞌu li vinic liꞌi ti jliquel ispajes li iqꞌue, ti ivaxi yuꞌun li nabe? ―xut xa la sbaic.

Bible in Tzotzil de Chamula

²⁵ Xi laj yalbe yajchanc'optac ti Jesuse: —¿Bu bat avu'unic ti oy c'usi c'otem ta avo'ntonic ach'unojicune? Ta xi'el xa ti xi lic sjac'olanbe sbaic ta jujun tale, ja' ti ch'ayal no'ox c'ot yo'ntonic xchi'uque: —¿Buch'u van ti vinic xcal le'e, ti ta xch'unbat smantal yu'un ti iq'ue, ti nabe?

Bible in Tzotzil de Chenalhó with Deuterocanon

²⁵ Li Jesuse jech laj yalbe li yajchanc'optaque: —¿Bu oy li xch'unojel avo'ntonique? —xut. Toj ch'ayel ic'ot yo'ntonic, xchi'uc toj xi'el ic'otic. Jech laj yalbe sbaic: —¿Boch'o vinical li'i? Yu'un c'alal ta ic', c'alal ta nab tspas ta mantal, pero ch'unbil smantal —xut sbaic.

Tzotzil San Andres

²⁵ Li Jesuse jech laj yalbe li yajchanbalajeltaque: ―Muc to bu achꞌunojic lec ―xut. Toj chꞌayel noꞌox yoꞌonic, ixiꞌic. Jech laj yalbe sbaic: ―¿Cꞌu nan chaꞌal li vinic liꞌi? Yuꞌun cꞌalal ta icꞌ, cꞌalal ta nab chpaj yuꞌun ―xut sbaic.

Tzotzil de Huixtán

²⁵ Ti Jesuse hech laj yalbe: ―¿C'u sapas xchi'uc ti xch'unojel avo'ntonique? ¿C'u yu'un chaxi'ic? ―xut. Hech ich'ay yo'ntonic ti yajchanc'opetique. Hech laj yalbe sbaic: ―¿Much'u ti vinic li'to ti ich'umbat smantal yu'un ti iq'ue xchi'uc ti nabe? Ti ora no'ox ipaj yu'une ―xut sbaic.

San Lucas 8:25 Iomraidhean Croise

San Mateo 14:31

Ti Jesuse ora istsacbe sc'ob ja yech iyalbe chac li'i: ―¡Ch'abal to lec xch'unojel avo'on vinic! ¿C'u yu'un ti ilo'ilaj avo'one?—X'utat.

San Mateo 17:20

Itac'av ti Jesuse: —Yu'un mu to bu lec ach'unojic. Ta melel chacalbeic, ti oyuc jset'uc xch'unojel avo'onic jp'ejuc ta bec' mustisyae, xu' chavalbeic li vits li'i: “Loc'an ech'el li'toe batan le'toe” mi xavutique ta xloc' ech'el. Scotol xu' avu'unic ti yechuque —x'utatic yu'un ti Jesuse.

San Mateo 6:30

Ti mi leclecsba xcha'le ts'i'lel ta stentejtic lavi ti Rioxe, ti ta yoc'omal ta xich' chiq'uel ta jornoe, ¿Mi ja' xa mu xa yac'be ac'u' apoq'uic ya'el ti Rioxe? ¡Yu'un mu to bu lec ach'unojic!

San Mateo 8:10

Ti c'alal iya'i ti Jesuse, xch'ayet xa yo'on. Ti much'utic tey xchi'uque xi iyalbee: ―Ta melel chacalbeic, muc' bu jtaoj yech junuc li' ta Israel ti ta xch'un chac c'u cha'al ta xch'un li vinic li'i.

San Mateo 8:26

Ti Jesuse itac'av: —¿C'u yu'un ti chaxi'ic ta jmeque? ¡Yu'un mu to bu lec ch'unem avu'unic! ―X'utatic. Ti c'alal laj yal chac taje, ilic, iyalbe ti ac'u pajuc li iq'ue, ivaxi yu'un li nabe mu xa c'u xbac' icom.

Marcos 4:35

Ta sc'ac'alil chac taje ti c'alal i'ic'ub osile, ti Jesuse ja' yech iyalbe li yajchanc'optaque: ―Batic ta jech nab —xut.

San Lucas 12:28

Ti mi ja' yech slequil xcha'le ts'i'lel ta stentejtic lavi ti Rioxe, ti oc'ob ta xich' chiq'uel ta jornoe, ¡li vo'oxuque más to chaxc'uxubinic ti Rioxe, yu'un mu to chach'unic lec!

San Lucas 8:24

Yech'o un ba stijic ti Jesuse, ja' yech iyalbeic chac li'i: ―¡Jchanubtasvanej! ¡Jchanubtasvanej! Ta xa me xichamotic chimucotic xa me yalel―xutic. Ilic ti Jesuse, iyalbe ti ac'u vaxiuc li iq'ue xchi'uc li nabe, ipaj scotol mu xa c'u xbac' icom.

San Lucas 8:26

Tey ic'otic ta jech nab ta steclumal Jgadaraetic ta yelav Galilea.

San Juan 11:40

Itac'bat yu'un ti Jesuse: —¡Mi muc' bu lacalbe ti mi chach'une, chavilbe slequilal syu'elal Riox? ―X'utat.