San Lucas 8:10 - LEQUIL ACH' C'OP

¹⁰ Xi i'albatic yu'un ti Jesuse: «Li vo'oxuque ja' stuc Riox chayac'be ana'ic ti c'u x'elan ta spasvan ta mantal ti Rioxe, ja' ti muc' much'u sna'oje; pero li yantique ta lo'il no'ox ta xcalbeic, ac'u mi sq'uelic pero mu xilic ac'u mi xa'iic pero mu xa'ibeic smelol.

Tzotzil Zinacantan

¹⁰ ―Li voꞌoxuque jamal lacalbeic cꞌu xꞌelan tspas ta mantal crixchanoetic ti Rioxe. Li yantique ta loꞌil noꞌox chcalbeic. Yuꞌun ep ta echꞌel iyilic ti oy jlequilal jyuꞌelale, pero coꞌol xchiꞌuc muc xilic. Ep ta echꞌel iyaꞌiic ti cꞌusi icale, pero muc xaꞌibeic smelol yuꞌun stoyoj sbaic.

Bible in Tzotzil de Chamula

¹⁰ Xi laj yal ti Jesuse: —Ti vo'oxuque, Dios ta xac'boxuc ana'ic smelol ti chucul ta a'yiel ti ventainele. Ja'uc ti yane, ta babac'op ta xcalbe ya'iic yo' mu xilic, ac'o mi sq'uel xa ya'iic, yo' mu xa'iic c'uc cha'al mi ts'etel xchiquin ta ya'yiel.

Bible in Tzotzil de Chenalhó with Deuterocanon

¹⁰ Li Jesuse jech laj yal: “Li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o la sna'e. Pero li yantique ta lo'il c'op no'ox laj calbeic, yu'un altic chililanic, mu xc'ot ta yo'ntonic; altic cha'yilanic, mu xa'ibeic smelol.

Tzotzil San Andres

¹⁰ Jech itacꞌav li Jesuse: ―Li joꞌoxuque acꞌbiloxuc anaꞌic li cꞌu sba ta sventainan crixchanoetic li Diose, pero li yanetique ta loꞌil noꞌox chcalbeic. Yuꞌun altic noꞌox ti iyilic xa ti scotol xuꞌ cuꞌune, yuꞌun muc xacꞌ ta yoꞌonic. Altic ti iyaꞌiic xa li cꞌusi laj cale, muc xaꞌibeic smelol yuꞌun mu onoꞌox scꞌan xaꞌiic.

Tzotzil de Huixtán

¹⁰ Ti Jesuse hech laj yalbe: ―Ti ho'oxuque ac'biloxuc ana'ic ti c'u che'el tsventaimbe yo'ntonic crixchanoetic ti Diose. Mu to oyuc much'u yan hech ya'yojic hech chaj c'u che'el ti ho'oxuque. Ti yantique ja' no'ox cha'i ti lo'ile. Hovil ti chililanique, mu ono'ox xch'unic. Hovil ti cha'ilanique, mu ono'ox xc'ot ti yo'ntonic. Hech yu'un ti ja' no'ox chcalbe lo'il.

San Lucas 8:10 Iomraidhean Croise

San Mateo 11:25

C'alal ja' o chac taje, ti Jesuse lic sc'opon Riox: «Tot, chaquich'ot ta muc' yu'un vo'ot yajvalot vinajel balamil. Yu'un avac'be xa ya'ibeic smelol c'usi ical ti much'utic biq'uit yac'oj sbaique, ja' ti c'usitic muc' bu avac'be ya'i li much'utic p'ijique, xchi'uc ti much'utic xa'ibeic lec smelole.

San Mateo 16:17

Itac'av ti Jesuse: ―Junuc avo'on Simón screm Jonás, Yu'un ma'uc crixchano layac'be ana', ja' layac'be ana' ti Jtot tey ta vinajele.

Marcos 4:11

Itac'av ti Jesuse: «Li vo'oxuque, chayac'be ava'iic smelol ti Rioxe ti c'u x'elan tspasvan ta mantal ti muc' much'u sna'oje. Pero li much'utic muc' bu cuentainbilique ta joyc'op no'ox ta xich'ic albel,

Marcos 4:12

yu'un li stuquique ac'u mi tsq'uelic pero mu xilic, cha'iic pero mu xa'ibeic smelol. Ja' yo' mu sutes o yo'onic ta stojol ti Rioxe, yo' mu x'ac'batic o pertonal yu'un li smulique.»

San Juan 12:40

«Imacbat satic yu'un ti Rioxe itsatsubtasbat yo'onic, yo' mu xilic oe yo' ti mu xa'ibeic o smelole; yo' ti mu sutic o tal ta jtojole yo' ti mu jpoxtaic oe.»