San Lucas 5:21 - LEQUIL ACH' C'OP

²¹ Ti much'utic ta xchanubtasvanic ta smantaltac Rioxe xchi'uc ti jfariseoetique, xi isnopique: «¿Much'u yaloj li vinic li'i ti tsp'is sba ta Rioxe? Muc' much'u xu' chiyac'botic pertonal yu'un li jmultique, ja' no'ox ti Rioxe.» —Xi ta yo'onic.

Tzotzil Zinacantan

²¹ Ti muchꞌutic ta xchanubtasvanic yilel ta smantaltac Rioxe xchiꞌuc ti jfariseoetique, “¿muchꞌu liꞌi ti tspꞌis sba ta Rioxe? Muc muchꞌu xuꞌ chiyacꞌbotic pertonal yuꞌun li jmultique, jaꞌ noꞌox ti Rioxe”, xi la ta yoꞌonic.

Bible in Tzotzil de Chamula

²¹ Ti fariseoetique, ti jchanubtasvanejetic yu'un ti oy c'usi tsots albil sc'oplale, xi laj snopique: ‘¿Buch'u ti vinic le'e, ti xbet'bun no'ox ye ta xchopol c'optael ti Diose? Mu'yuc buch'u xu' yu'un ta xch'ay ti mulile, ja' no'ox Dios xu' ta xch'ay.’

Bible in Tzotzil de Chenalhó with Deuterocanon

²¹ Li boch'otic lec xchanojic smantal Diose xchi'uc li fariseoetique jech la snop ta yo'ntonic: “¿Boch'o scuyoj sba li vinic li'i ti ta scuy sba ta Diose? Mu'yuc boch'o yan xu' chispasbutic perdón yu'un jmultic, ja' no'ox Dios”, xi ta yo'ntonic.

Tzotzil San Andres

²¹ Li buchꞌutic spꞌisoj sbaic ta jchanubtasvanej ta smantaltac li Diose schiꞌuc li jfariseoetique jech la snop ta yoꞌonic: “Li vinic liꞌi ta spꞌis sba ta Dios. Muc buchꞌu xuꞌ chispasbutic perton yuꞌun jmultic, jaꞌ noꞌox Dios stuc”, xi ta yoꞌonic.

Tzotzil de Huixtán

²¹ Hech yu'un ti much'utic chchanubtasvanic ti smantal ti Diose ti scuyoj sbaique xchi'uc ti fariseoetique hech laj yal ti yo'ntonic: “Ja' ti vinic li'to, Dios tscuy sba. Mu'yuc much'u yan xu' chixch'aybucutic jmultic. Ja' no'ox stuc ti Diose”, xchi xc'opojic ti yo'ntonic.

San Lucas 5:21 Iomraidhean Croise

San Mateo 26:65

Li totil palee, isjat sc'u', xi iyale: —¡Chopol xa c'usi iyal ta stojol ti Rioxe! ¿C'u xa stu cu'untic yan rextico? Ava'i xa atuquic ti c'usi chopol iyal ta stojol ti Rioxe;

San Mateo 9:3

Tey jayvo' ti much'utic ta xchanubtasvanic ta smantaltac Rioxe, xi iyalic ta mucule: «Li vinic li'i tsp'is sba ta Riox.» —Xiic.

San Lucas 3:8

Aq'uic ta ilel ta acuxlejalic ti mi ta melel cha sutic tal ta stojol ti Rioxe, pero mu me xavalic yech chac li'i: “¡Li vo'oticotique ja' smomoticotic ti Abrahame!”; mu me xa chiic, yu'un ta melel chacalbeic, ti Rioxe xu' tsc'atajes ta smom Abraham li tonetic li'i.

San Lucas 5:17

Oy jun c'ac'al ti c'alal ja' o xyaquet ta xchanubtasvan ti Jesuse, tey chotajtic jayvo' jfariseoetic xchi'uc jayvo' ti much'utic ta xchanubtasvanic ta smantaltac Riox talemic ta scotol c'ox jteclumetic ta yosilal Galilea, xchi'uc ta yosilal Judea, xchi'uc ta jteclum Jerusalén. Li slequilal syu'elal Cajvaltique tey ivinaj ti c'alal iyet'esbe xchamel scotol jchameletic ti Jesuse.

San Lucas 5:22

Ti Jesuse yiloj ti c'usi tsnopique, ja' yech isjac' chac li'i: ―¿C'u yu'un ti x'elan chanopique?

San Lucas 7:49

Ti much'utic tey ic'bilic ta ve'el uque, tey lic sjac'be sbaic: —¿Much'u li vinic li'i ti c'alal ta mulil ta xac' pertonale? ―Xiic.

San Juan 10:33

Itac'av ti jurioetique: —Ma'uc chacac'beticotic o ton ta scuenta ti c'usitic lec apasoje, ja' ta scoj li c'usitic chavale yu'un cha chopol c'opoj ta stojol ti Rioxe, li vo'ote crixchanoot no'ox, pero chap'is aba ta Riox. ―Xutic.