San Lucas 23:3 - LEQUIL ACH' C'OP

³ Ti Pilatoe isjac'be ti Jesuse: —¿Mi vo'ot yaj Reyot li jurioetique? ―Xut. ―Ja' yech c'u cha'al avale ―xi ti Jesuse.

Tzotzil Zinacantan

³ ―¿Mi yech ti voꞌot chapas ta mantal lachiꞌiltac ta jurioale? ―xꞌutat la yuꞌun Pilato ti Jesuse. ―Yech ―xi la.

Bible in Tzotzil de Chamula

³ Xi laj stac' ti Pilatoe: —¿Mi vo'ot ajvalilot yu'un ti israeletique? Xi laj stac' ti Jesuse: —Jech, jech c'u cha'al ta xavale.

Bible in Tzotzil de Chenalhó with Deuterocanon

³ Li Pilatoe jech la sjac'be li Jesuse: —¿Me vo'ot muc'ta ajvalilot yu'un li achi'iltac ta israelale? —xut. Itac'ov li Jesuse: —Vu'un jech chac c'u cha'al chavale —xut.

Tzotzil San Andres

³ Li Pilatoe la sjacꞌbe li Jesuse: ―¿Mi joꞌot ajvalilot yuꞌun la achiꞌiltac ta israelale? ―xut. Itacꞌav li Jesuse: ―Joꞌon ―xi.

Tzotzil de Huixtán

³ Hech yu'un ti Pilatoe hech lic sjac'be ti Jesuse: ―¿Mi ho'ot ajvalilot yu'un ti achi'iltaque, ho'oxuc ti judiooxuque? ―xut. Itac'av ti Jesuse: ―Ho'on ―xchi.

San Lucas 23:3 Iomraidhean Croise

San Mateo 27:11

Ti c'alal tey xa ta stojol Pilato ti Jesuse, xi ijac'bate: ―¿Mi yech ti vo'ot li Reyot yu'un li jurioetique? ―X'utat yu'un ti Pilatoe. ―Ja yech c'ucha'al avale ―xi ti Jesuse.

Marcos 15:18

Ja' o lic avlajeticuc yu'un islabanic: ―¡Toj lec ti vo'ot Reyot yu'un li Jurioetique! ―Xutic.

Marcos 15:2

Ti Pilatoe isjac'be ti Jesuse: ―¿Mi vo'ot li Reyot yu'un li jurioetique? ―Xut. ―Ja yech chac c'u cha'al avale ―xi ti Jesuse.

Marcos 15:32

¡Mi yech ti ja' ti Cristoe, ti ja' Sreyic li j'israeletique, ac'uquic yaluc tal ta ora un yo' xquiltic oe, yo' jch'untic oe! ―Xiic. Ja' no'ox yech ti much'utic co'ol jipil ta cruz xchi'uc ti Jesuse, ilabanvanic uc.

San Lucas 22:70

―Ja' o isjac'beic scotolic: ¿Ti xcaltique che'e vo'ot ti xch'amalot Rioxe? ―Xutic. Itac'av ti Jesuse: Atuc xa avalic ti vo'one. —Xi.

San Lucas 23:38

Oy tey bajbil jpech tabla ta sjol scruzal ti Jesuse, ja' yech yaloj chac li'i: «Li'i ja' Rey yu'unic li jurioetique.» —Xi ts'ibabil.

San Juan 1:49

Ti Natanaele ja' yech iyalbe ti Jesuse: —Jchanubtasvanej, ¡Vo'ot xch'amalot ti Rioxe, vo'ot Reyot yu'un li Israele! —Xut.

San Juan 18:29

Yech'o un ti Pilatoe iloc' tal, ja' yech isjac' chac li'i: ―¿C'usi smul avu'unic li vinic li'i? ―X'utatic.

San Juan 19:3

Ja'o inopojic ech'el yo bu ti Jesuse, ja' yech iyalbeic chac li'i: —¡Toj lec ti vo'ot Reyot yu'un li jurioetique! ―Xutic. Ja' o ismajbeic sat.